¹ Nimvirie mburi ti netha mnairima irumbuliwa ngoo. ² Vavafunya bwang'a ya masinagogi; kididi thaa ichie ngeyo uya ughevavwagha adunganya ku akyahira ndima njicha hena Ruva. ³ Vavahirira findo ifi kwa liya varamuichi Papa kangi vanjichivo inyi. ⁴ Nivavirie findo ifi netha igheri likifika wa igha ifumia, muirime ighakumbuka na thafundu nilevarie muirime kwiyo. Thimuvienyi findo ifi to kuvoka kwa liya nike hamwi na imwe. ⁵ Mira, luvaha niaghenda hena uya anjirumie; haghireho hena imwe anjivethere, "Kuanghenda kwi?" ⁶ Kwa liya nirerie firero ifi kwenyu, ngoo tenyu tiaya vwathi. ⁷ Hena kwiyo, niavavia keni nicha kwenyu nikivuka; kwa ku thiravukie mghetuja akachewe kwenyu: mira nikighenda na mruma kwenyu. ⁸ Akicha itho mghemuvikia ikuji alimanyisha ithanga hena thambi, hena kitea na hena hukumu. ⁹ Hena thambi kwa liya vanjiirikilienyi inyi, ¹⁰ hena kitea kwa liya niaghenda kwa papa, mwanjivonamwe he; ¹¹ na hena hukumu kwa liya mrwe wa ithanga ili andehukumiwa. ¹² Nghire fingi fye muvia, mira mwamanyamwe luvaha. ¹³ Mira we, Mbeho wa keni, akicha, avatika hena keni yoshe; kwa ku akagaye we fyakwe weka; mira ghoghoshe aghaichwa, arera findo ifyo; na aghamanyisha kwenyu findo fichie. ¹⁴ We anjitumbisha inyi, kwa liya aondoa findo fyakwa na agherera kwenyu. ¹⁵ Findofyoshe aghire Papa ni fyakwa; hena ikyo, ni rerie ku mbeho aondoa findo fyakwa na afimanyisha kwenyu. ¹⁶ Ikenda idu, mwanjivona mmwe; na hena ikenda idu he mwanjivona." ¹⁷ Vagheloshwa vatare vakwe vakaviana; Ni iki aafuvia, "Ikenda idu mwanjivona; kwa liya niaghenda kwa Papa?" ¹⁸ Hena ikyo vakarera, "Ni kindo kiki arera, haghire ikenda idu? Fuichifwe akyakirera iki." ¹⁹ Yesu avonire iku vachue macha ghemvetha , nawe akavavia, "Muakuvetyha mweka hena ili, thafundu nirerie, 'Aghire ikenda idu, mwanji vohamwe he ; na hena ikenda idu mwanjivona!? ²⁰ Amini, amini, niamvia mwafugha na iomboletha mira ithanga yanuliwa, ngoo tenyu tayavwathi mira vwathi vwenyu vyanghaluka inuliwa. ²¹ Mndu mka achivaviwa ni ngoo igheri ye chunguka lindefika ; mira akichunguka mwana, achikumbuka we ivaviwa kwa liya achue kicha iku mwana andeghirwa ithangenyi. ²² Imwe kangi muavaviwa ni ngoo luvaha, mira navavona he na ngoo tenyu tanuliwa na haghire ho airima ivuta inuliwa yenyu. ²³ Mfiri tho mwanjiulitha mathwali Kididi, kididi niamuvia, Mkilomba kyokyoshe kwa Papa avanika henairina yakwa. ²⁴ Hata luvaha mnanjilomba kyokyoshe hena irina yakwa; lombenyi naimwe mwaghuhia netha iku inuliwa yenyu likoloke. ²⁵ Nigaiye na imwe hena lugha iramanyikie; mira thaa ichie ngehon thagayanyi hena lugha iramanyikie; mira hena ikyo mamuvia boo mburi ya papa. ²⁶ Mifiri tho mwalomba kwairina yakwa, thiamuviamwe iku nialomaba kwa Papa hena imwe; ²⁷ Kwaku Papa wekaavafurie kwa liya munjifurie inyi na kwa liya mundenjirikilia iku nifumie kwa Papa. ²⁸ Nilefumie kwa Papa na nichie ithangenyi; Kangi, navuka ithangenyi na niaghenda kwa Papa. ²⁹ Vagheloshwa vakwe vakamvia, "kuvoni , luvaha kuagaya boo kuatumia pfo vithoma. ³⁰ Luvaha fundemanya iku kuichi findo fyoshe, na kuashighapfo mndu wowoshe akuvethe mathwali kwa liya fuairikilia iku kufumie kwa Ruva. ³¹ Yesu akavaghalua, "Luvaha mundenjiirikilia?" ³² Lolea, thaa ichie, niyo ya keni indefika, ngeho kila umwi na kwavo, manjira njeka. Mira thike njekanyi kwa liya Papa ake nainyi. ³³ Niavia findo ifi iku voshi yakwa mughiremborere . Ithangenyi mughire vwathi,mira ikuji nilikelile ithanga.