¹ Yesu eghenda mlima wa Mizeituni . ² Ikero churu echahe hekalunyi na vandu voshe valekyamuivaria eikaa evafundisha. ³ Vaandishi na mafarisayo vemuendie mndu mka alevwerwe akyashinda vemvika maghari. ⁴ Niho vemvia Yesu , Mwalimu ,mkwau avwerwe akyashinda . ⁵ Luvaha hean sheria ya Musa afunikie amri ku fuvarukumie maghwe vandu va mbare ii iwe kuaghamba kwia? ⁶ Velerie kwio vakyaghendegha kimetha vavone kyemthitaka, mira Yesu ekondeka mbai eandika ho mbai kwa mnyu wakwe. ⁷ Vakinathike imvetha emka evavia ku"uya araghire nzune hena imwe ave wevoka imrukumia ighwe . ⁸ Ekondekahe mbai eandika mbai kwa mnyu wakwe . ⁹ Vakinaichwe kwio , vevuka umwi baada ya ungi , idungia mghothi. mwisho wakwe ereghwa Yesu weka na mkatho aleke Maghari . ¹⁰ Yesu emka emvetha mkatho ku , "Vaghekuthitaka vakekwi? Haghireho nanga umwiandekunyanyira ? ¹¹ Eghamba "Hghireho nanga umwi mfumwa "Yesu eghamba "Nainyi thakunyanyira nyi. Ghenda kyapfho, idungia luvaha kunandehira nzune he ¹² Kangi Yesu egaya na vandu akyavavia , "Inyi ni kilanga kya ithanga ,uya anjiivaria akyaghende ruminyiwe, mira aghira kilanga kya ikia. ¹³ Mafarisayo vemvia ,"Kuakushuhudia kweka , ushuhuda lwapfho thi lwa kenilo. ¹⁴ Yesu evajibu evavia ,"Hata kole niakushuhudia njeka , ushuhuda lwakwa ni lwa keni. Niichi handu nifumie na handu niaghenda, mira imwe muichimwe handu nifumie kana handu niaghenda. ¹⁵ Imwe muahukumi kimwiri mira inyi thiamhukumu wowoshenyi . ¹⁶ Inyi hata ni kahukumu lee, hukumu yakwa ni ya keni kwaku thikenjekanyi, mira nike na papa anjirumie. ¹⁷ Iyee, hata hena sheria yenyu kiandikiwe ku ushuhuda lwa vandu vavi ni lwa keni . ¹⁸ Inyi ninyi niakushuhudia na Papa anjirumie akyanjishuhudia . ¹⁹ Vemvetha "Ndio wapfho akekwi?" Yesu evajibu , Inyi munjiichimwe , na ndio wakwa muamuichimwe. Muveenjiichi inyi , muvemmanya na ndio wakwa". ²⁰ Alererie firero fyo ake hawihi na handu hetunzira matathi akyafundisha hekalunyi , na haghireho mndu nanga umwi alemvwere kwaku igheri yakwe lileko yafikayo. ²¹ Bathi evaviache , "Niaghenda kyakwa mwanjikasha na mwapfhwa hena nzune tenyu . Handu niaghenda mwairima ichamwe. ²² Vayahudi veghamba ,"Akyakuvwaghachoe! akali andeghamba ku handu niaghenda mwairima ichamwe?" ²³ Yesu evavia , imwe mu va mbai , inyi ni wa kaghu . Imwe mu va ithangali, inyi thi wa ithangalinyi. ²⁴ Hena ikyo nimwirie ku mwapfwa hena nzune tenyu. There kwio muitikije ku INYI NIWE ,hai mwapfwa hena nzune tenyu. " ²⁵ Hena ikyo vemvetha , "Imwe kui? Yesu evavia , ni uya nilemuivirie idungia kuvoka. ²⁶ Nighire findo fwa fyegaya naihukumu kwenyu . Hata kwio uya anjirumie ni wa keni na findo nifichue ifuma kwakwa, niafirera kwa ithanga. ²⁷ Varamanye ku alekyagaya navo ihuthu Papa. ²⁸ Yesu eghamba , "Mukanimvutira kaghu mrana wa Mndu ,niho mwamanya ku INYI NIWE, na ku thiahira kyokyoshe fundu fwakwanyi .Fundu Papa anjifundishire ni fundu ni agaya. ²⁹ Itho anjirumie ake handu hamwi na inyi, na ananjileka njekawe, kwaku kila igheri niahira kia kimnulirie . ³⁰ Igheri Yesu akyarera findofyo, vandu fwa vemuitikija . ³¹ Yesu evavia vayahudi vaya valemuitikijire , "Kole mukaikaa hena kirero kyakwa niho mwava vanafunzi vakwa keni, ³² namwe mwaimanya keni, na keniyo yamuvika huru. ³³ Venjibu ,Ifwe fu mbare ya Ibrahimu na fwemivefwe vatumwa va mndu wowoshe , kuaghamba kwia ku fwava hura ? ³⁴ Yesu avajibu ,Amini, amini niamuvia , kila achihira nzune ni mtumwa wa nzune. ³⁵ Mtumwa mifiri yoshe achiikaa kenyi we mira mrana we achiikaa kenyi mifiri yoshe. ³⁶ Hena ikyo ,kole mrana akamuvika huru , mwana huru kwa kweri. ³⁷ Niichi ku imwe mu mbare ya Ibrahimu mira muashigha injiva gha kwaku kirero kyakwa kikekyo voshi yenyu. ³⁸ Niarera findo nifivonire kwa ndio wakwa na imwe kwio muahira findo muichue kwa ndio wenyu " ³⁹ Vemjibu ku "ndio weru ni ibrahimu Yesu evavia , kole mvee vana Ibrahimu muvehira ndima ta Ibrahimu. ⁴⁰ Hata luvaha muakasha injivwagha , mndu nimuvirie jkeni niichue ifuma kwa Ruva .Ibrahim alevikie kwiowe. ⁴¹ Muahira ndima ta ndio mwenyu . vemvia ku "Fughiriwe fwe hena shindi , fughire ndio umwi nawe ni Ruva . ⁴² Yesu emvia "Kole Ruva nivee ndio wenyu muvenjjifura kwaku nifumie kwa Ruva , kangi thikuchirie njekanyi, mira niwe anjirumie. ⁴³ Akali murakyaelewa firero fyakwa? ni kwaku muarimamwe ikiaramia kirero kyakwa. ⁴⁴ Imwe mu va ndio wenyu shetani na muashigha itihira tamaa ta ndio wenyu . Nile mkoani ivukia kuvoka na airimawe imka hena keni kwaku keni ikeyo voshi yakwe. Akirera mongo akyarera ifuma hena asili yakwe kwaku we ni mgherera mongo kangi niwe ndie wa mongo. ⁴⁵ Hata luvaha kwaku niarera findo fya keni muaitikijamwe. ⁴⁶ Niitho hena imwe akyanjishuhudia ku nighire nzune? Kole niarera fya keni lee haniiki murakyaitikija? ⁴⁷ Uya nighe wa Ruva achifiichwa firero fya Ruva ;Imwe muaichwamwe kwaku imwe thi va Ruva mwe. ⁴⁸ Vayahudi vemjibu vemvia, akafughambiefweku kumsamari kagi kuna mbepo?" ⁴⁹ Yesu evajibu , thighire mberenyi , mira niamshimia ndio wakwa na imwe muanjiheshimumwe. ⁵⁰ Thiakasha utukufu lwakwanyi, haghire akyalusha na ihukumu. ⁵¹ Amini ,amin ni amvia ku kole mndu wowoshe akakivwara kirero kyakwa achevona mautiwe nanga. ⁵² Vayahudi vemvia , "Luvaha fundemanya ku kuna mbepo. Abrahamu na varoti valepfwie, mira iwe kuaghamba ku mndu akavwara kirero kyapfho achethagha mautiwe . ⁵³ Aka iwe ku mrwe ikela ndio weru ibrahimu alepfhwie?varoti navo valepfwie iwe kuakuvona ku kui? ⁵⁴ Yesu evajibu ,"Kole nikakutukutha njeka utukufu lwakwa thikindokyo . Inyi ni ndio wakwa akyanjitukutha , itho muaghamba ku ni Ruva wenyu. ⁵⁵ Imwe munammanyamwe , mira inyi nimuichi . Kole nikaghamba ku thimuichinyi na rera mongo thaimwe . Hata kwio nimuichi na kirero kyakwe nikivwere. ⁵⁶ Ndio weru Ibrahimu aleshangilirie fundu acheuvona mfiri wakwa , nawe keni akauvoana akaizihirwa. ⁵⁷ Vayahudi vemvia, "Kunafitapfho miaka hamthini , nawe kumvonire Ibrahimu? ⁵⁸ Yesu evavia Amini amin niamuvia, Ibrahimu aranaghirwa INYI NIKEHO. ⁵⁹ Niho vedodoa magwe vamkave , mira Yesu eova efuma bwang'a ya hekalu.