¹ Na baada ya mambogho Yesu alethafirie kwii hena Galilaya kwaku alefuriewe ighenda Uyahudi kwaku vayahudi valekyashigha imvwagha. ² Luvaha thikukuu ya vayahudi ,thikukuu ya fibanda ileke avwihi. ³ Niho vambare vakwe vemvia ku vukaha ughende vayahudi , kimetha vanafunzi vapfho vavone findofi kuahira. ⁴ Haghireho mndu achihira findo kwa ikuovetha na kunu weka akyashigha imanyika. kole kuahira findofi , kurore kwa ithanga. ⁵ Hata vambare vakwe valemwiitikijire vo . ⁶ Niho Yesu evavia ku, "Igheri yakwa linafikayo , mira igheri yenyu likeho thaa toshe. ⁷ Ithanga yairimayo imudaha imwe , mira linjidahie inyi kwaku niashuhudie inyin kwaku nialishuhudia ku mihiro yakwe ni mivichwa. ⁸ Kwenyi mughende thikukuunyi ,inyi thiaghendenyi hena thikukuukwaku igheri yakwa linafikayo. ⁹ Ekinavavie kwio we eregwa Galilaya . ¹⁰ Hata kwio vavo vakinaghende hena thikukuu niho nawe eghenda mira kwa ikuovetha. ¹¹ Vayahudi valekyamkasha hena thikukuu veghamba , "akekwi?" ¹² Haleghire migayo mingi yemhuthu vengi vakyaghamba ku "ni mndu mcha". na vengi vakyaghamba ku "achivareta vandu". ¹³ Hata kwio haleghireho alekyarera haelie kwa ivaovoha Vayahudi . ¹⁴ Igheri ya kighari kya thikukuu , Yesu ekwea eghenda hekalunyi edunga icheja . ¹⁵ Vayahudi vemaka veghamba ku mdu-u ahaichi findo fingi nawe athomiewe?" ¹⁶ Yesu evajibu evavia ku, "Mafundisho ghakwa thi ghakwagho, mira ni gha uya anjirumie . ¹⁷ Kole wowoshe afura ihira kikundire kyakwe , itho aghamanya mafuindishogha , ku ghafumie kwa Ruva kana niagaya du findo fyakwa njeka . ¹⁸ Kila mghegaya fifumie kwakwe weka achishigha itumbishwa , mira uya akyashigha ku uya amrumie niwe atumbishwe, itho ni mndu wa keni na voshi yakwe haghireho irahira haki. ¹⁹ Musa alemunikiewe sheria? mira haghireho nanga umwi hena imwe akyaihira sheria .Haniki muashigha injivwagha? ²⁰ Vanduvo vemvia!"Kughire mbepo, niitho akyashigha ikuvwagha?" ²¹ Yesu evajibu evavia ku"nihirire ndima imwi , na imwo voshe mundemaka fundu fwayo. ²² Musa alemuinikie tohara (thileku ilkefumie kwa Muthayo , mira ilefumie kwa vandio), na hena sabato muchirina mndu. ²³ kole mndu achirinwa mfiri wa sabato kimetha sheria ya Musa inatenywa , haniki muanjiichua iding'a kwaku ndemnura mndu mfiri wa sabato? ²⁴ Muandehukumu kwa ilolea, mira hukumunyi kwa haki. ²⁵ Vandu mata hena vafumie Yerusalemu veghamba , "Thiweu vakyashigha imvwagha vo? ²⁶ Lolea, akyagaya mothia yavo na vakyarera Kyokyoshevo juu yakwe . Kyairima iva ku varongori vaichi ku iu ni Kristo? ²⁷ Mndu fuichi handu afumie . mira Kristo akicha haghireho mndu amanya handu afumie. ²⁸ Yesu erera kwa nguju hekalunyi akyakundisha eghamba "Imwe voshe munjiichi kangi muichi handu nifumie . thikuchirie du inyi njekanyi, mira uya anjirumie ni wa keni na imwe mumuichimwe. ²⁹ Inyi ni muichi kwaku nifumie kwakwe na anjirunie. ³⁰ Valekyaghera imvwara , mira haghireho hata umwi alevutirire kuvoko kwakwe kwaku igheri yakwe lileko ya fikayo. ³¹ Hata kwio, vengi hena vanduvofwavalemuitikijire. Veghamba , "Kristo ekichecha achihira ishara nyinyi ikela ti tindehirwa ni mndu-u?. ³² Mafarisayo veichwa vandu vakyoshomeana findo fiamhusu Yesu na varwe va makuhani na mafarisayo veruma maofisa kimetha vamvware. ³³ Niho Yesu akyaghamba "Haghire kamtungo nike na imwe, na baada yakwe naghenda kwakwe uya anjirumie . ³⁴ Mwanjikasha wala mwanjivonamwe; ipfho handu niaghenda mwairimamwe icha." ³⁵ Hena ikyo Vayahudi veviana voka kwa voka , "Mndu-u akyaghendakwi ho furairima imvona? Akyaghenda kwa Vayunani vatawanyikie ighevafundisha? ³⁶ Ni kirero kiki ki akirero ku mwanjikasha na neri mwanjivonamwe na handu niaghenda mwairima ichamwe? ³⁷ Luvaha hena mfiri wa mwisho ,mfiri mrwe wa thikukuu , Yesu emka erera kwa nguju akyaghamba , Kole wowoshe achue laka na ache kwakwa anywe. ³⁸ Uya anjitikijire inyi tha fundu maandiko gharerie, ifuma voshi yakwe yachochoka mifo ya mringa wekia." ³⁹ Mira iho alekyarera ihuthu mbeho , eve vaya vamuitikije vachemghuhia mbeho aleko afunywawe kwaku Yesu aleko atogolwawe. ⁴⁰ Vengi hena vanduvo fwa vakinaichwe firerofyo veghamba "Keni iu mroti . ⁴¹ Vengi veghamba "iu ni Kristo , mira vengi veghamba , veghamba ,Kristo airima ifuma Galilaya? ⁴² Maandiko ghaghambiegho ku kristo afumia hena mbare ya Daudi kangi ifuma Bethlehemu , hena mri wa Daudi? ⁴³ Hena ikyo haya hefumia vandu ighavanyika fundu fwakwe. ⁴⁴ Vengi veshigha imvwara mira haghireho aleirimie imgholera kuvoko. ⁴⁵ Niho maofisa vaya vevwia kwa varwe va makuhani na Mafarisayo , navo vevavetha , "akali murandemuende? ⁴⁶ Maofisa vejibu ,"Haghireho mndu too emihirima igaya tha mndu-u . ⁴⁷ Niho Mafarisayo vevajibu , "Na imwe namwe munderetwa ? ⁴⁸ Haghire wowoshe hena varwe va ithanga amuitikijire , kana wowoshe hena Vafarisayo? ⁴⁹ Mira vanduva fwa varaichi sheria varegheriwe mumu. ⁵⁰ Nikodemo evavia (farisayo uya aleghendie kwa Yesu kio) ⁵¹ Aka sheria yeru ichimuhukumu mndu aranaaraniwe na imanya ku akyavika kwia?" ⁵² Vemjibu vemvia "Na iwe nawe kufunie Galilaya ? kasha uvone ku haghire mroti afumie . Galilaya kila mndu eghenda kenyi kwakwe.