1 Findo fikinaire Yesu eghenda ughongo lwa Bahari ya Galilaya , ichiilagwa pia bahari ya Tiberia. 2 Luvungano lurwe lwa vandu lulekyamuivaria kwaku valevonire ishara ta vandu valekyalwaa. 3 Yesu ekwea mpaka kaghu ya mlima eikaapfho na vanafunthi vakwe. 4 (Na pasaka thikukuu ya vayahudi ileke havwihi.) 5 Yesu akinavutire mitho ghakwe na ivona vandu fwa vakyacha kwakwe emvia filipo , "fwaghendakwi fugheghua mikate kimetha vandu va vairime iya?" 6 (Mira Yesu alemvirie Filipo kwio kwa imgheradu kkwaku we aleichingu ku ahira iki. ) 7 Filipo emjibu ku nanga mikate ya dinari maghana avi yafikayo ku nanga kila umwi avware karumbue kadu. 8 Andrea , nighe umwi wa vanafunthi vakwe , wavo Simoni Petro emvia Yesu . 9 "Haghire kamthoro ha mikate itamu na mapere avi, mira iki kyaghemnja iki kwa vandu vengi kwii?" 10 Yesu emvia ku "ikishenyi vandu kirombo" (Haleghire mara mengi handuho ).Hena ikyo vomi vafikia fiku fitamu veikaa kirombo. 11 Alafu Yesu eondoa mikate iya itamu eshukuruj evaghavia vaya valeke kirombo. kwio kwio akaghava mapere kwa kila umwi fundu akyashigha. 12 Vandu vekinaighute evavia vanafunthi vakkwe ku" fivunganyenyi fibare fireghiwe kinandereka kyokyoshe ." 13 Bathi vevunganya veichura fikapu ikumi na fivi , fibare fya mikate ya shanyiri filereghiwe ni vaya valelighie. 14 Luvaha vandu vakinavone ishara yo aleihirire veghamba "Keni iu niwe mroti uya akyacha ithangenyi. 15 Yesu akinamanye ku vakyashigha vamvware vamghoshe mangi eghenda ughongo , eghenda mlimenyi we weka du. 16 Ikinawe kyavukwau, vanafunthivakwe veghara ighenda hena eve . 17 Vekwea hena ngilawa kimetha vaambuke vaghende Kapernamu.(mma ulegharieng'u na Yesu aleko acha kwavowe.) 18 Igheri yo haleghire mkuta mkai na bahari ilekyathika ya chafuka. 19 Kangi vanafunthi vakwe vakinaghende maili tha makumi araru vemvona Yesu akyaivara kaghu ya bahari na efika havwihi na ngilawa , veovoha. 20 Mira we evavia "Ni inyi! munaovoha." 21 Kangi vakengu tayariimkwera ngilawenyi iho iho ngilawa yefika hena ithangayo valekyaghenda . 22 Mifiri waivaria vandu valemki ughongo lwa bahari vevona ku haleghire ngilawa ingiho theremi iya vanafunzi valekwerie mira Yesu alekwerie. 23 (Ingawa haleghire ngilawa tingi tilefumie Tiberia avwihi na handu valelighie mikate mfumwa akinashukuru. 24 Vanduvo fwa vakinamanye ku Yesu vanafunzi vakwe vakehovo , vekwea ngilawa veghenda Kapernaumu ighemkasha Yesu. 25 Vekinamvone ughongo lungi lwa eve vemvetha "Rabbi , kuchie indi kunu ?" 26 Yesu evajibu evavia ,Amini amni muanjikasha inyi , thi kwaku muletivonire isharamwe, mira ni kwaku mulelighie mikate mukaighuta . 27 Lekenyi ihirira ndima kijo kyakondeka , mira muhirire ndima kijo kichiikaa telele, kia ngekyo mrana wa Adamu amunika, Kwaku Papa Ruva avikie mhuri kaghu yakwe." 28 Luvahe vemvia , "Fuvike kwia kimetha fuirime itihira ndima ta Ruva ?" 29 Yesu evajibu , "Ndima ya Ruva niyo ii ku mumuitikije uya amrumie ". 30 Bathi vemvetha ku "ni ishara tinga kuatihira kimetha futivone fukutikije kwavika kwia? 31 Vandio veru valelighie mana ijangwenyi , fundu kiandikiwe , "Alevanikie mikate ifuma ipfho kaghu kimetha vaye " 32 Yesu evajibu "Amini, amin ku thile Musa alemnikie mikate ifuma ipfho kaghuwe mira nile ndio wakwa achimunika mkate wa keni ifuma ipfho kaghu. 33 Kwaku mikate wa Ruva ni uya uchighara ifuma ipfho kaghu na ilinika ithanga ikia. 34 Bathi Vemvia , "Mfumwa , mfunike mkatetho igheri yoshe. 35 Yesu emvia ,"Inyi ninyi mkate wa ikia , we acha kwakwa apata nja we na uya anjiitikija acheichwa lakawe nanga. 36 Fundu nemimuvia mweminyivona mira nanga muanjiitikijamwe. 37 Voshe Papa anjinikie vacha kwakwa, na wowoshe acha kwakwa thamkumba bwang'anyi nanga. 38 Kwaku nigharie ifuma ipfho kaghu thi fundu fwehira kikundire kyakwanyi mira ihira kya uya anjirumie . 39 Na iki nikyo kikundire kya uya anjirumie ku thinandemreta nanga umwi hena vaya anjinike , mira nivafufue mfiri wa mthio. 40 Kwaku iki nikyo kikundire kya Ndio wakwa , ku wowoshe amlolea Mrana na imuitikija aghire ikia ya telele , na inyi namfufua mfiri wa mthio. 41 Kangi vayahudi vemdughunyikia kwaku alevavirie ku "Inyi ni mkate ugharie ifuma ipfho kaghu. 42 Vemghamba, "Iu thi Yesu mrana wa Yusuphu ewe ndie na mae fuvaichwe?" Kiava kwia ku luvaha akyaghamba ku nigharie ifuma ipfho kaghu?" 43 Yesu evajibu evavia ,"Munandedughunyikiana mweka kwa mweka. 44 Haghire mndu acha kwakwa araghomoriwe ni Ndio wakwa anjirumie , nanyi namfufua mfiri wa mthio. 45 Kwaku kiandikiwe hena varoti ku "Vachejwa ni Ruva " Kila achue na ichenjwa ifuma kwa Papa achicha kwakwa. 46 Thi ku haghire mndu amvonire Papaho, mira theremi itho afumia kwa Ruva emimvona Papa. 47 Amin, amin uya aitikijire alighire ikia ya telele . 48 Inyi ni mkate wa ikia . 49 Vandio venyu valelighie manna ijangwenyi , vakapfhwa. 50 Iu nitho mkate ugharie ifuma ipfho kaghu , kimetha ku mndu anye anandepfwa. 51 Inyi ni mkate ukei , ugharie ifuma ipfho kaghu. Kole mndu wowoshe akauya mkatetho aikaa na moo telele. Mkate niaufunya ni mwiri wakwa fundu fwa ikia ya ithanga . 52 Vayahudi vepfhukwa voka kwa voka vedunga ibishana vakyaghamba ; ku "Mndu -u airima kwia ifunika mwiri wakwe fuuye?" 53 Yesu evavia ,"Amin, amin, murauye mwiri wa mrana wa Adamu na iinywa nzakane yakwe mukaghire ikia voshi yenyu. 54 Wowoshe auya mwiri wakwa na iinywa nzakane yakwa , aghire ikia ya telele na nanyi namfufua mfiri wa mthio. 55 Kwaku mwiri wakwa ni kijo kya keni na nzakame yakwa ni kinyungwa kya keni. 56 Uya mwiri wakwa na iinywa nzakame yakwa achiikaa voshi yakwa na inyi voshi yakwe. 57 Tha fundu Papa aghire ikia anjirumie , na fundu fwa papa , nawe pia aishi fundu fwakwa . 58 Iu nitho mkate ugharie ifuma ipfho kaghu , thi tha uya vandio valelighie vakapfhwa uya mkate u aishi telele . 59 Yesu alererie findo fi akyafundisha ipfho Kapernaumu. 60 Niho vanafunzi vakwe fwa vekinafichwe fi veghamba , "Ifundisho li niigumu, niitho airima ilighuhia ? 61 Yesu kwaku alemanyire ku vanafunzi vakwe vandedughunyikia kindo kyo evavia hii, kindoki kindemutatanya? 62 Luvaha kyacheva kwia mukichemvona Mrana wa Adamu akighara ifuma ipfho handu alechiika too kala? 63 Ni mbeho niwe achifunya ikia , mwiri wafaatho kyokyoshe. firero nifirerie kwenyu ni mbeho kangi ni ikia. 64 Haghire vandu hena imwe varanatikija , kwaku Yesu aleichi idungia kuvoka uya arairima iitikija na uya mghemthaliti . 65 Evavia ku nikyo nighemuvirie ku haghireho mndu airima icha kwakwa theremiku anikiwe ni Papa. 66 67 Baada ya iho vanafunzi vakwe fwa vevwia na nyuma na varaivariane nawehe. Yesu evavia vaya ikumi na vavi , "Aka na imwe mwashigha ivuka?" 68 Simoni Petro emjibu , "Mfumwa , fughende kwa ii? Kwaku iwe kukighire kirero kyekia telele. 69 Kangi fundeitikija na imanya ku iwe ku mtakatifu wa Ruva ." 70 Yesu evavia ,"aka inyi thimuthaghurie imwenyi na umwi wenyu ni Ibilisi?. 71 Iho alekyarera ihusu Yuda, mrana wa Simoni Iskariote, Kwaku nighewe hena vaya ikumi na vavi alekyaghem saliti Yesu.