¹ Baada ya iho haleghire thikukuu ya vayahudi, na Yesu alekwerie hena thikukuu Yerusalemu. ² Na kwia Yerusalemu haleghire idimbwi ya mringa lilechilaghwa kwa kibebrania Bathzatha. Lileghire ngutho ithuamu. ³ Vavaji vengi hamwi na vapfwie mitho, fiwete na vapoothere valechilaa hena nguthoto , kwaku haghire igheri malaika achighara mringenyi aukoroshe. ⁴ Hena ikyo mndu uya ava wevoka iingia mringenyi mringa ukamikoroshwa alechinua vuwaji vovoshe alekyalwa. ⁵ Na mndu umwi alelwee kwa miaka makumi araru na mnane aleke hena nguthoto. ⁶ Yesu akinamvone alee ho , kunu aichi ku emiiki handuho kwa muda mwacha , Yesu amvetha "Kuashigha inua? ⁷ Muwaji uya eghaluta , "mfumwa , inyi thighirenyi mndu wenjighata idimbwinyi mringa ukamikoroshwa . Nikighera iingia nichikolea ku mndu ungi eminjithongolea. ⁸ Yesu emvia ku "vukia ukuruke itandiko yapfho ughende. ⁹ Mnduthoenurwa ihoiho , eondoa kiraro kyakwe eghenda na nive mfiri wa thabato. ¹⁰ Hena ikyo Vayahudi vemvia itho alenuriwe ku" ithanga ni mfiri wa sabato Hena ikyo kuairikiwapfho ikuruka itandiko. ¹¹ Evavia ku "itho anjinurire niwe anjivirie nikaruke itandiko yakwa nighende." ¹² Vemvetha ku, "ni itho akuvirie ku ukuruke itandiko yapfho ughende?" ¹³ Mira we alemuichiwe kwaku Yesu alevukie kwa ikuovetha ,kwaku haleghire vandu vengi handuho. ¹⁴ Ipfho thaa tingi Yesu emkolea mndu uya ihekalunyi emvia "Lolea, kundenua kumandehira nzunehe kunandechethangana na fivichwa ikela. vuaji vu . ¹⁵ Mndu uya eghenda evavia vayahudi ku Yesu niwe amnurire. ¹⁶ Hena ikyo fundu fwa kindokyo vayahudi vemlitha Yesu vwasi kwaku andenura mndu mfiri wa sabato. ¹⁷ Yesu evavia ,"Ndio wakwa akyahira ndima luvaha na inyi niahira ndima . ¹⁸ Fundu fwa ikyo vayahudi vethika imkasha kimetha vamvwaghe , thikudu kwaku andekonda sabato , mira kwaku andemuilagha Ruva ku ni ndie wakwe na kwio ikavona ku we ni thawa na Ruva. ¹⁹ Yesu evajibu , "Amin amin, mrana arimawe ihira kindo kyokyoshe theremika avonire ndie akyahira , kwaku kyokyoshe ndie akyahira nikyo na mrana akihira. ²⁰ Kwaku papa amfurie mrana amrorere kila kindo akyahira kangi amrora findo firwe ikela fi kimetha muthike imaka . ²¹ Kwaku lia fundu Papa akyafufua vapfhwie na ivanika mo, kwio kwio na mrana achimnika wowoshe amfurie. ²² Kwaku Papa achimnyanyira wowoshe mira amnikie mrana inyanyira yoshe. ²³ Kimetha voshe vamvikie shima mrana fundu mrana nawe achimvikia shima Bapa.We arakyamvikia shima mrana akyamvikia shima Papa amrumie we. ²⁴ Amin amini , we akyaichwa kirero kyakwa na imuitikija itho anjirumie, aghire ikia ya telele na anyanyirwa we mira we andeira ifuma kipfhwenyi iingia hena ikia. ²⁵ Amin, amin niamvia ku igheri liacha kangi luvaha likeho ya vapfhwie iliichwa irwi ya Mrana wa Ruva na voshe vailichwa vakia . ²⁶ Kwaku fundu Papa aghire ikia voshi yakwe weka , ²⁷ Ni kwio kwio amnikie mrana ighira ikia voshi yakwe na Papa amnikie Mrana mamlaka kimetha anyanyire kwaku ni Mrana wa Adamu . ²⁸ Munandemakishwa ni iki kwaku igheri liacha eyo vapfwie voshe vake mbirenyi valiichwa irwi yakwe, ²⁹ navo vafuma bwang'a vahirire ficha kwa vufunguo fwa ikia na vahirire fivichwa kwa vufunguo fwa inyanyirwa. ³⁰ Thairimanyi ihira kindo kyokyoshe ifumana na inyi nieka . Fundu niaichwa ni fundu nianyanyira, na inyanyira yakwa ni ya haki kwaku thiakasha kikundire kyakwanyi, mira kikundire kyakwanyi, mira kikundire kya uya anjirumie . ³¹ Kole nikakushuhudia njeka ushuhuda lwakawa luvevalo ni lwa keni . ³² Haghire ungi akyanjishuhudia na niichi ku kwa chaidi ushuhuda akyanjishuhudia ni lwa keni . ³³ Mulerumie vandu kova Yohana , nawe eishuhudia keni . ³⁴ Hata kwio ushuhuda nialughuhia lufumielo kwa vanadamu . Niafirera fyo kimetha muirime ikirwa. ³⁵ Yohana nile taa ilekyaaka na iangaja na muleke tayari ikifurahia kilanga kyakwe kwa kumtungo . ³⁶ Ushuhuda nilighire ni mrwe ikela luya lwa Yohana kwa ndima Papa anjinikie itikolosha , ndima to niahira nito tiashuhuda ku Papa anjirumie . ³⁷ Papa weka anjirumie akyanjishuhudia Mwemimuichwe irwi yakwe kana imvona fundu akei igheri yoyoshemwe. ³⁸ Mughiremwe kirero kyakwe voshi yenyu kwaku mumuitikiremwe uya arumiwe. ³⁹ Muaghachungutha maandiko muaririkana ku voshi yakwe haghire ikia ya telele kunu mandikogho ghakyashuhudia mburi takwa na , ⁴⁰ muashighamwe icha kwakwa kimetha mupate ikia ya telele. ⁴¹ Thiapokeanyi thifa ifuma kwa vandu. ⁴² Mira niichi ku mughiremwe lukundo lwa Ruva yenyu imwe mweka . ⁴³ Nichie hena irina ya Papa wakwa murairime injighuhia. Kole ungi akacha kwa irina yakwe weka mwamghuhia. ⁴⁴ Aka mwairima kwia iitikija imwe muatumbishana mweka nanga munandeshigha itumbishwa ni Ruva ngewe weka du? ⁴⁵ Munanderirikana ku inyi namuthitaka mothia ya Papa. Amuthitaka imwe ni Musa ngewe imwe mumvikirie ikuji. ⁴⁶ Kole muvee muitikijire Musa mughenjiitikijana inyi kwaku we aleandikie mburi itakwa. ⁴⁷ Kole muraitikija maandiko ghakwe , mwairima kwia iitikija firero fyakwa.?