¹ Yesu akinamanye ku vafarithayo vandeichwa ku Yesu akyaghira vaghemuichwa ku Yesu akyaghira vaghemuivaria vengi naivabatitha ikela Yohana. ² (Mira Yesu weka alechibatithawe nile vanafunthi vakwe), ³ alefumie Judea egenda Galilaya . ⁴ Hena ikyo nivemikuu airie Samaria . ⁵ Na efika hena mri wa Samaria uchiilaghwa Sikari, avwihi na handu Yakobo alemnikie mrana wakwe Yusufu. ⁶ Na kithima kya Yakobo kilekeho . Yesu alechokie fundu fwa ndambo na ehema havwihi na kithima , igheri ya mthaghari . ⁷ Mndu mka msamaria echa igherashia mringa , Yesu emvia , "njinika mringa ninywe ." ⁸ Kwaku vanafunthi vakwe valeghendie mrinyi igheghua kijo . ⁹ Mka uya envetha ku "kiava kwia iwe myahudi unjilombe mringa inyi mka Msamaria "?kwaku vayahudi na vathamaria vachithanganyikavo. ¹⁰ Yesu emvia "kole kuveichi karama ya Ruva , na itho akyakuvia njinika mringa , iwe kuvemlomba na avekunika mringa wekia. ¹¹ Mkatho emvetha , "Mfumwa , kuure kyerashiliapfho, na kithima ni kyacha , mringatho kwaufunyakwi? ¹² Niku kumrweikela ndio weru , yakobo alefuminikie kithimaki na we weka na vana vakwe na nyama alebohie vanyughie hena kithimaki? ¹³ Yesu amvia ku wowoshe anywa mringa u bado aichwahe laka , ¹⁴ mira uya mringatho namnikia acheichwa hewe laka . Mira mringatho namnika wava wachochoka mpaka telele ." ¹⁵ Mka uya emvia ,"Mfumwa, njinika mringatho, thinandeichwa laka kangi thinandechechahe ha igherashia mringa ¹⁶ .Yesu emvia "ghenda ughemulagha mimi wapfho muche nawe". ¹⁷ Mka uya emvia , thighire miminyi " Yesu mvia ku , "Kunderera nicha ku kughire mmi pfho; ¹⁸ kwaku kwenighira vomi vatanu, na iukuke nawe thi wapfhowe. kw kwio kunderera keni. ¹⁹ Mkatho eghamba "mfumwa , niavona ku Kumroti. ²⁰ Vandio veruvalechitatha hena mlima u, mira imwe muaghamba ku Yerusalemu niho handu hatarire futathie. ²¹ Yesu emghaluta , "Mndu mka njiitikija , igheri liacha eyo mukachemtathie papa hena mlima u kana Yerusalemu . ²² Imwe muchitatha murakiichi, mira ifwe fuchitatha fukiichi, kwaku ikia lifumirie kwa Vayahudi . ²³ Hata kwio igheri liacha kangi yemicha, eyo vaghetatha va keni vamtatha papa hena mbeho na keni . kwaku Papa akyavakasha vandu va mbareyo vave vaghetatha vakwe. ²⁴ Ruva ni mbeho na vaya vakyamtatha kitarire vatathe hena mbeho na keni . ²⁵ Mkatho emvia ,"Niichi ku masihi akyacha ,(ailaghwa Kristo)itho akamcha afuvia fyoshe . ²⁶ Yesu emvia , "Inyi niarera na iwe niwe". ²⁷ Igheri yo iyo niarera na vanafunthi vakwe vevwia. Navo vemaka ku haniki akyarera na mkatho , mira haghireho elegherere imvetha ku kuashigha iki kana haniiki kuagaya nawe. ²⁸ Hena ikyo mkatho era nyungu yakwe na eghenda mrinyi evavia vandu , ²⁹ "Nnjonyi mumvone mndu anjivirie fyoshe ahirire , ngetha airima ave niwe Kristo?" ³⁰ Vemfuma mrinyi vecha kwakwe . ³¹ Igheri ya mthaghari vanafunthi vakwe vemvia ,Rabi ya kijo ". ³² mira we evavia, "Inyi nighire kijo muraichi imwe" ³³ Vanafunthi veviana "Ngetha haghire mndu amuendeyie kijo? ³⁴ Yesu evavia ,"Kijo kyakwa ni ihira kikundire kya uya anjirumie na ikolosha ndima yakwe. ³⁵ Aka muchighanba mwe ku ireghiwe miri itanu fijo mghundenyi fyava tayari ? Niamuvia ku lolienyi mighundenyi fundu fijo mighundenyi fike tayari ikovwa! ³⁶ Mghekova achinikwa mhako wakwe na ivunganya ndunda fundu fwa ikia ya telele , kimetha ku mgheviaa na mghekova vaithihirwe handu hamwi . ³⁷ Kwa ku kirero ki kya keni ku umwi andeivaa na ungi andekova. ³⁸ Nilemurumie mukove murakilighirie vwasi, vengi vahirire ndima na imwe mundeingia hena iidhihirwa kwa ndima yavo". ³⁹ Vasamaria vengi hena mri uya vemuitikija fundu fwa mburi mka uya alevaenderie, ku "andenjivia findo fyoshe nilehirire" ⁴⁰ Hena ikyo Vasamaria vakinache vemtereva ku aikae kwavo na eikaa kwavo mifiri ivi . ⁴¹ Na vandu vengi he vemuitikija fundu fwa kirero kyakwe. ⁴² Vemkia mka uya ku"fundeitikija thi kwa kirero kyapfo du kyo ,mira kwaku na ifwe fundeichwa na luvaha fundemanya ku kididi we ni mghekira wa ithanga. ⁴³ Mifiriyo ivi ikinathie evuka eghenda Galilaya . ⁴⁴ Kwaku we weka aleghambieng'u ku mroti achinikwawe shima hena ithanga yakwe weka. ⁴⁵ Akinache ifuma Galilaya vagalilaya vemghuhia kwaku valemvonire findo alehirire Yerusalemu hena thikukuu kwaku navo valeghendie thikukuunyi. ⁴⁶ Echahe hena kana ya Galilaya handu aleghoshire mringa weva divai . Haleghire mndu mrwe mwana wakwe alekyalwaa ipfho kapernaumu. ⁴⁷ Akinaichwe ku Yesu afumie Judea na akyacha Galilaya , eghenda kwa Yesu emthemba ku Yesu aghare amnure mrana wakwe aleke avwihi ipfwa. ⁴⁸ Niho Yesu emvia ku"Imwe muravone ishara na firumo mwairimamwe iitikija . ⁴⁹ Mndutho emvia, mfumwa ghara fia mrana wakwa aranaphwa. ⁵⁰ Yesu emvia ,"Ghenda mrana wapfho andenua" mndu uya eitikija kirero kya Yesu aghenda kyakwe. ⁵¹ Igheri akyaghara vandima vakwe vemghuhia na imvia ku mranawakwe andenua. ⁵² Hena ikyo evavetha ku anurie tha ilinga? vemvia ku "ighuo thaa thaba homa ilemdekelerie". ⁵³ Niho ndie wakwe emanya ku ni igheri lialia Yesu aleghambie ku mrana andenua "Hena ikyo we na kenyi kwakwe veitikija . ⁵⁴ ii nile ishara ya kavi Yesu aleihirire akinafume Yudea ighenda Galilaya.