¹ Bathi Pilato alemvonire Yesu na imkava mishenge. ² Maskari vaya vakakopnda mifwa na ichemba ngara vakaivika kaghu ya mrwe wa Yesu n aimraa thori ighire rangi ya Zambarau. ³ Vakamchia na irera, "Imwe ni mangi wa Vayahudi! na kangi imkava kwa mavoko havo. ⁴ Niho Pilato akavuma bwang'a na ivavia vandu , "Lolea nia muendie mndu uu kwenyu netha mumanye iku nyi thivonirenyi thambi yoyoshe voshi yakwe. ⁵ Hena ikyo Yesu akafuma bwang'a; agheree ngara ya mifwa na thori ya Zambarau. Niho Pilato akavavia , "Loleenyi mndu uu iha!" ⁶ Hena ikyo igheri mtathi mrwe wa varwe vakinamvone Yesu, vakakava kilondho vakirera, "Mvambenyi , mvambenyi." Pilato akavavia, "Muonduenyi imwe mweka mghemvamba , kwa liya inyi thi vonyirenyi thambi voshi yakwe. ⁷ Vayahudi vakamghalua Pilato, "Ifwe fughire sheria na hena sheria iyo iyamvika hena kipfwa kwa liya we akyakuvika iku ni mwana wa Ruva. ⁸ Pilato akinaichwe virero ifi akathidi iovoha , ⁹ akaingia hena Praitorio na imvia Yesu, "Iwe kufumie kwii? Hata kwiyo, Yesu amghaluriewe. ¹⁰ Niho Pilato akamvia, "Ni haniki iwe kuraagaya na inyi? Kana, iwe kuichipfo iku inyi nighire mamlaka ghe kurughulia na mamlaka ghe kuvamba?" ¹¹ Yesu akamghalua, "kughehirapfo nguju hena inyi kole kuraghenikiwe ifuma kaghu. Hena ikyo, mndu anjiifunyire kwapfo aghire thambi nduwe." ¹² Ifumana na ighaluwayo, Pilato akashigha imleka huru, mira Vayahudi vakakava kilondho vakirera, "Kole kuamleka wa kaisari; Uya achikuvika iku ni mangi achirera there fundu Kaisari achirera." ¹³ Pilato akinaichwe firero ifi akamuende Yesu bwang'a niho akaikaa hena kipfumbi che hukumiwa handu haya hamanyikie tha sakafu, mira hena kiebrani, Gabatha. ¹⁴ Mfiri we andalia Pasaka ukinake, handu ha thaa mtanda tu. Pilato akavavia vayahudi,"Lolienyi mangi wenyu iu ha!" ¹⁵ Vakakava kilondho, "mvutenyi, mvutenyi, mvambenyi!" Pilato akavavia, "Hanikii, nimvambe mangi wenyu? "Nawe mtathi mrwe akaghalua, "Ifwe fughirefwe mangi thari Kaisari." ¹⁶ Niho Pilato akamfunya Yesu kwavo netha vamvambe. ¹⁷ Navo vakamuondoa yesu, nawe akafuma, kunu atikie mthalaba wakwe weka mhaka handu hachiilaghwa ngoma ya mrwe, hena Kiebrania hachiilaghwa Golgotha. ¹⁸ Niho vakamvamba Yesu, hamwi na vaya vomi vavi, umwi ughongo ilu na ungi ughongo ilu na Yesu maghavi yavo. ¹⁹ Niho Pilato akaandika alama na ivika kaghu ya mthalaba.Itho haleandikiwe; YESU MNAZARETH, MANGI WA VAYAHUDI. ²⁰ Vengi va Vayahudi valeithomie alama iyo ang'u handu haya alevambiwe Yesu nile haghwihi na mri. Alama iyo ileandikiwe hena kiebrania, hena Kirumi na hena Kiyunani. ²¹ Niho varwe vavaghetatha va Vayahudi vakamvia Pilato, "Kunaandika, "Mnagi wa Vayahudi; ang'u we alererie inyi ni mangi wa Vayahudi. ²² Nawe Pilato akaghalua, "Nighaandikie, nindemiandika." ²³ Baada ya maaskari mba Yesu, valeondorie thori takwe na itighava hena mafungu ana, kila askari ifungu limwi kwiyo kwiyo na kandhu, luvaha iya kandhu ilepfumiwe yo mira ilevwerene yoshe idungia kaghu. ²⁴ Niho vakarera voka kwa, "Funaibara mira fuikavie kura netha vuone iku yava ya itho. "Ili lilefumirie netha kiya kiandiko likoloshwe, liya lirerie valeghavie nguvo takwa, na thori yakwa vakaikavia kura." ²⁵ Askari valehirire findo ifi. Mae wakwe Yesu, dadie mae wakwe, Mariamu mka wa Kleopa na Mariamu Magdalena-vakaiva valemkie haghwihi na mthalaba wa Yesu. ²⁶ Yesu akinamvone mae hamwi na uya mgheloshwa alemfurie vakamka haghwihi, akamvia mae, "Mndu wa kika Lolea, vona mwana wapfo haweu iha!" ²⁷ Niho akavavia uya mloshwa, "Lolea, iu mao wapfo. "Ifumia thaa iyo uya mgheloshwa akamuondoa ighenda kenyi kwakwe. ²⁸ Iyo likinathie, igheyo Yesu akamanya iku fyoshe findethia netha maandiko gha koloke, akarera, "Nichue laka." ²⁹ Kyombo kighekeho kiichue siki kikava kyemivikwa haya, hena ikyo vakavika sifongo iichue siki kaghu ya uthenge wa hisopo, vakamvikia hena mumu wakwe. ³⁰ Nawe Yesu akinathaghe iyo, akarera, "Indethia" Niho akarera, "Indethia. "Niho akainamitha mrwe wakwe, akainikia ngoo yakwe. ³¹ Kwa liya nile igheri ya maandalithi, na hena kwiyo miiri ichishighwayo ireghwa kaghu ya mthalaba igheri ya Sabato (kwaku sabato nile mfiri muhimu),vayahudi vakalomba Pilato iku marende gha vaya valethulubishirwe.ghatenywe,na iku miiri yavo ivanuliwe. ³² Niho askari vekinache na itenya marende gha mndu we voka na kavi vaya valevambiwe hamwi na yesu. ³³ Vekinamfikie Yesu, vemkolerie tayari iemimalia ipfwa, hena kwiyo vatenyirevo marende ghakwe. ³⁴ Hena ikyo umwi maaskari akamtocha Yesu mbarinyi kwa ipfumu na thaiyo ukafuma mringa na nghakami. ³⁵ Nawe uya avonire ili wakwa afunyire ushuhuda na ushuhuda ni wa keni. We aichi iku ikyo akirerie ni kya keni netha na imwe muirikilie. ³⁶ Mburi ti tilekeho netha kirero kiya kilereriwe kiirime ikoloka, "Heghireho hena ighua yakwe limwi yatenywa." ³⁷ Kangi iandiko lingi lirerie, "Vamlambua uya valemtochie." ³⁸ Findo ifi vikinahirike Yususfu wa Arimathaya, hena liya nile mgheloshwa wa Yesu, mira kwa mbitho hena ivaovoha Vayahudi, alemlombie Pilato iku auondue mwiri wa Yesu. Nawe Pilato akamnika ruhutha. Hena ikyo Yusufu akacha ivuta mwiri wa Yesu. ³⁹ Nawe Nicodemo ngewe iho ivoka alemuivarie Yesu kio nawe akacha. We aleendie mthanganyira wa manemane na udi, kiafikia ilemea ya ratili ighana limwi. ⁴⁰ Hena ikyo vakaondoa mwiri wa Yesu vakaupfunga hena thanda ya kitani na hamwi na manukato thafundu ghakei madikiro gha Vayahudi igheri ye rika. ⁴¹ Handu ngeho Yesu alevambiwe haleghire bustani voshi yakwe iyabustani haleghire na mbira shaa ngeyo haraghire mndu alevokie irikwa iho voshi yakwe. ⁴² Bathi, hena liya nile mfiri wa maandalio gha Vayahudi, na kwa liya iya mbira ileke haghihi, bathi vakamrara Yesu voshi yakwe.