¹ Yesu ekinamalie irera firero ifi akavuka na vagheloshwa vakwe ighenda hena bonde ya kidron, ngeho haghire bustani, handu we na vagheloshwa vakwe vaakaingia voshi yakwe. ² Luvaha uya Yuda, aleshighie imrerea vuonwa vya mongo nawe amanyire handu ho, ang'u Yesu alechighenda handu ho mifiri mikare akiva na vagheloshwa vakwe. ³ Yuda nawe, akinave andepata ifio ya maaskari na maofisa varwe vaghetutha vakacha vakiva ha taa, tochi na silaha. ⁴ Yesu nawe akimanya findo fyoshe ngefyo fyahirika ihuthu we, akafumilia mothia yavo na ivavetha, "Niitho muamkasha?" ⁵ Navo vakamkaghalua, "Yesu Mnazareth, "Yesu akavavia, Inyi niwe "Yuda nawe mghemrerea vuonwa vwa mongo, aghemki hamwi na vaya askari. ⁶ Hena ikyo ekinavavie, "Inyi niwe"vakavwia nyuma na ighwa mbai. ⁷ Niho akavavetha he, "Niitho muamkasha? Navo vakamghalua he "Yesu mnazareth." ⁸ Yesu akavaghalua, "Nindemikenja imuvia inyi niwe; hena ikyo kole mwanjikasha inyi valekeni iva vengi vaghende." ⁹ Ifi fivio kuyo netha kirero kiya kikoloshwe; thafundu aghererie; Hena vaya kunjinikie, thimreterewe hata umwi." ¹⁰ Niho simon Petro, agheure ipanga, akaufunya na imvegha kurwi kwa kuvoko kweli ghia(kwa Kumndumi) mhiri wa mthathi mrwe. Na irina yakwe mhiritho aleichilaghwa Malko. ¹¹ Yesu akamvia Petro, "Vwighira ipanga yapfo hena njivo. Hanikii thinakinyughia kikombe kiya Papa anjinikia? ¹² Bathi liya ikundi ya askari na jemadari, vahiri va Vayahudi, vakamvwara Yesu na imfunga. ¹³ Navo vakamtika vakivoka kwa Anasi, ngewe mkwe wa Kayafa, ngewe niwe alevie mtathi mrwe hena mwaka tho. ¹⁴ Luvaha vayafa niwe alevasharie Vayahudi ya ku kimvaie mndu mmwi apfwe kwa fundu vwa vandu. ¹⁵ Simon Petro akamuaivaria Yesu, na kwiyo kwiyo mgheloshwa ungi. Uya mgheloshwa alevie amanyikie hena mtathi mrwe nawe akaingia hamwi na Yesu hena behewa ya mtathi mrwe. ¹⁶ Mira Petro alemki bwang'a ya kyoti. Bathi uya mgheloshwa avie amanyikie kwamghetatha mrwe afumie bwang'a aghende ighegaya na uya mka mhiri aghevie akiria kyotinyi na imwiingira Petro nyumba. ¹⁷ Bathi uya mhiri wa kika aghevie akiria kyotinyi, alemvirie Petro, "Ngetha iwe thi umwi wa vaghemuivaria mndu uu?"Nawe akarera, "Inyi thi inyi inyi". ¹⁸ Na vaya vahiri va varwe valeke vakimka handu haya vakafilia moro ang'u, hagheghire mbeho, na kwoyo valeke vakiora moro netha vaichwe ndughuri. Nawe Petro aleke navo, akiora moro akiva amki. ¹⁹ Mtathi mrwe akamloji Yesu mburi ya vagheloshwa vakwe na hena ghaya achivafundisha. ²⁰ Yesu akaghalua, Nivavirie boo vaithanga; Inyi nifundishire kando kengi hena masinagogi na hena nyumba ta vatathi handu ngeho Vayahudi vachivunganika. Na inyi thirerienyi kyokyoshe hena mbitho. ²¹ Hanikii mwanjivetha? Vavethenyi ngevo vanjiiranilie hena kiya nirerie. Vandu va vaichi findo fiya nirerie. ²² Yesu akinamalie irera kwiyo, umwi wa varwe aghemki akamkava Yesu kwa kuvoko kwakwe na niho akarera, "Ngetha kwiyo nikwo kuvie imghalua mtathi mrwe. ²³ Nawe Yesu akamghalua, "Kole nirerie kindo kyokyoshe kivichwa bathi uve mghemkia hena kivichwa kyo, na kole nimghalurie kindo kicha hanikii muanjikava. ²⁴ Niho Anasi akamtika Yesu kwa kayafa mtathi mrwe akiva apfwungiwe. ²⁵ Luvaha Simoni Petro alemki akikuvarika hena ndughuri weka. Niho vaya vandu vakamvia "Ngetha iwe kangi thi umwi we wa vagheloshwa vakwe?" Akalegha akirera "Inyi thiwenyi. ²⁶ Umwi wa vahiri va mtathi mrwe ngewe wavo wa uya mndu wa kiumi ngewe Petro alemveghie kurwi, aghererie, "Ngetha thi iwe niwe nighekuvonire nawe kuya bustaninyi? ²⁷ Petro akalegha he, kamtungo nguruvi ikauruka. ²⁸ Niho vakamuondoa Yesu ifuma kwa kayafa na mtika hena Praitorio. Nile ikero mnu. Vo voka vangeingiriovo hena Praitorio netha vana gheva vananjithikie na iiya pasaka. ²⁹ Hena ikyo Pilato akavaghendea akirera. "Ni mwandumki umvwere mndu uu? ³⁰ Vakamghalua na imvia "Kole mndu uu aravehirire fivichwa, fughemundefwe kwapfwo." ³¹ Pilato avavavia, "Muonduenyi imwe mweka, mghemnyanyirisha ianana na sheria yenyu. Navo Vayahudi vakamvia, "Sheria iyafuruhuthuyo ifwe imvwagha mndu wowoshe." ³² Vagherie igha netha kirero kya Yesu likoleshwe, kirero ngecho aghemalilie irera kaghu ya kipfwa ngecho apfwa. ³³ Bathi Pilato akaingi hena Praitorio akamwilagha Yesu akamvia, "Ngetha iwe ni mangi wa Vayahudi?" ³⁴ Yesu akamghalua, "Ngetha iwe kwanjiulitha ithwali ili kwa liya kwashigha imanya kana liya vengi vakurumie netha unjivethe inyi?" ³⁵ Nawe Pilato akamghalua, "Inyi thi Myahudinyi, kana thi kwiyo yo? Ithanga yapfwo na mghetatha mrwe nivo vakuendie kwakwa; iwe kuhirire iki? ³⁶ Yesu akaghaluka; "Vumangi vwakwa thi vwa ithanga liyo mira vumangi vwakwa ugheghira thehemu hena ithanga li vahiri vakwa vaghenjikavania netha thinafungwa hena Vayahudi. Ni yo keni vumangi wakwa ufumietho iha" Bathi ³⁷ Pilato akamvia, Ngetha iwe bathi ku mangi?" Yesu akaghalua, "Iwe nikwiyo kurera ku inyi ni mangi, kwa liya inyi nighiriwe na kwa liya inyi nichie ithangenyi netha nive mghefunya vuonwa wa ia keni.Wowoshe aghire iyo keni achiirania irwi yakwa. ³⁸ Pilato akamvia, "Keni ni ikii?"Nawe akinamalie irera igha akaghenda hena Vayahudi na ivavia "Thivoninyi kindo kyokyoshe hena mndu iu. ³⁹ Imwe mughire utamaduni ufwenene ukianjivika nimrughulirie mghepfwu ngwa umwi igheri ya Pasaka. Ngetha muashigha nimrughulie mangi wa Vayahudi. ⁴⁰ Niho vakava kilondho kirwe thiiuwe furughulie Baraba."Nawe Baraba nighe mkea.