¹ Na akemuka huyo na okugya mkyaro kyabho, na abhanafunzi bhaye bhakamutaata. ² Esabhato anu yaika ekamba okwihigirya gati ya sinagogi. Abhantu bharu bhamwigwa na bhakatung'ara, bhakagamba yanyora hua ameigiryo gayo? Ni hekima ki inu yahanwa? Arakora egaki ubhung'eni bhunu kwa amabhoko gaye? ³ Ega unu hatari Selemani, omwana wa Mariamu na abhahiri bhaye Yakobo, Yose, Yuda na Simoni? Ega omuuya waye bharekara unu amwi na bhetu. Nabhatajomerya na Yesu. ⁴ Yesu akabhabhurya omuroti ata eshima etaribha gati ya mkyaro kyaye gati yenyu mubhahiri bhenyu na munyumba mwaye. ⁵ Hatatura okukora obhung'eni hayo ira yabhaturi ya amabhoko abharyeri abhake akabhawen'ya. ⁶ Yaruguru bhukong'u kukubha hatakun'ya kubheki akabha aratarira ebhijiji bhya jirani arararirya. ⁷ Yabhabhirikira bharya abhanafunzi ekumi na bhabhiri akamba okubhatuma bhabhiri bhabhiri. Yabhahana obhukuru eguru ya amaji amabhibhi. ⁸ Na okubharusu bhatige kugega kyo kyonse anubharigya yaringa ebheri eng'imbo bhatige kugega omukate wara omukobha wiki egimbirya mwibhoko. ⁹ Anu bhebhoa ebhiratu sigo eginkanju ebhiri. ¹⁰ Na akabhabhurya, enyumba yonsego mumurisoa mwikare hayo mpaka anu murimuka. ¹¹ Na nkyaro kyokyonse anukitaribhabhokera wara okubhetegerera mwimuke owabho mwikunkumure oruteri rya amaguru genyu ebhe obhukweri kubheki. ¹² Nabho bhakagya bhakatungaja abhantu bhatige obhusurya bhwabho. ¹³ Bhabhaken'ya amajini amaru na bhabhahaka amaguta abharyeri na bhakawena. ¹⁴ Omukuru Herode anu yagwa gayo, kokubha erina rya Yesu ryunga rimanyikeni bhukong'u gati bhakagamba, Yohana omubhatiji yuyuka na kokubha ego, ginu eginguru gya ubhung'ene girakoru emirimu munsi waye." ¹⁵ Gati yabho bhakagamba Hunu ng'e Eliya bhakyari abhandi bhakagamba Huna ng'o omuroti ega ohumwi wa bharya abharoti bha kare. ¹⁶ Anu Herode anuyegwa ganu akagamba Yohana unu yugeja omutwe na yayuka. ¹⁷ Ensonga ya Herode omwene yatuma Yohana hagwutwe na yamubhoku mwigereja kwa kubha ya Herode omkari wa omumuru wabho Filipo kokubha weki yaringa anuteteri. ¹⁸ Kwe esonga Yohana yubhabhurya Herode etari bhukweri okumwita omkari wa omumura menyu. ¹⁹ Hanu Herode okumubhuhirirya na yaringa arenda okumuita anu atatura. ²⁰ Ensonga ya Herode yamobhoa Yohana yamanya ega omwene anu omuntu omurabhu na yamtiga bhujomu na anu yenderera okumwitegerera yarugura bhukong'u anu yajomerya okumwitegerera. ²¹ Hanu yaika eribhaga rya okwikiriran'ya yaringa isuuteri orusiku rya okuubhurya Herode akabhandaria abhukuru bhaye ekaramu makamunda nu abhakuru bha Galilaya. ²² Ng'o omuhara wa Herode akasoa na okubhina embere yaye, akamajomererya Herode na abhageni bhanu bhanga bhekeri eribhaga rya ebhyakurya bhya mgorobha. Ng'o omukuru akamuubhurya omahara risabha kyokyonse kinu orenda na oni ndakuwana. ²³ Akamubhurya na okugamba kyokyonse kinu orisabha ndikuhana ata kuke omukuru wani. ²⁴ Akauruka kibhara akamubhurya ng'ina wabho nsabheki? Akagamba omutwe gwa Yohana omubhatiji. ²⁵ Na orusiku orumwi akasoa ku kumakuru akamba okugamba ndenda ung'ane munsi wa eriamba omutwe gwa Yohana omubhatiji. ²⁶ Omukuru akaragura bhukong'u anu kokubha emuma yaye korusumo rya abhandi bhatatara okumwangira okusabha kwaye. ²⁷ Ego omukuru akatama abhasirikare gati ya abhemiriri bhaye nokubhutuma okugya okuretera omutwe gwa Yohana omwimiriri akagya ukumugeja omutwe aringi mukibhohe. ²⁸ Akareta omutwe gwaye mu ehamba na okumuhana omuhara na omuhara na omuhara akamana ng'ina wabho. ²⁹ Na abhanafunzi bhaye anu bhegwa gayo bhagya okugega omubhiri gwaye bhakagya okubhika mumakaburi. ^{30 31} Na okama bhekuman'ya amwi embe ya Yesu bhakamukerya gonsego ganu bhakora na ganu bhuragiribhwa. Nawe akamubhurya nuje omwene ahasi faragha tumunye kwa eribhaga. Abhantu abharu bharinga bharaja na okugya, ata bhatanyora omweya go kirya. ³² Ego bhakatira mashua bhakagya ahasi ana faragha abhene. ³³ Anu bharora bhakemuka bharu bhakabhamanya kwa amwi bhakenya kwa amaguru okurya mubharo bhyonsego, nabha bhakaika kabla yabho. ³⁴ Anu bhaika pwani, bhuroru abhantu bharu na bhakabhabhira, kokubha bhanga kama amang'ondi bhanu bhataringi na omwimiriri. Na akamba okubhe igirya amang'ana amaru. ³⁵ Eribha anu ryagendererya bhukong'u, abhanafunzi bhakaja akamabhurya, "Anu ng'asi wa faragha na eribhaga anu renderera. ³⁶ Obhurage bhagende mbhyaro bhya abhajirani na mkyaro ega bhegurire ebhakurya. ³⁷ Anu bhakabha bhurya akagamba, "Bhaane bhenyu ebhyakurya. Bhakabhabhurya, "turatura okugya na okuguru emikate gya obhujomu Dinari magana gabhiri na kubhaanu bharya? ³⁸ Akabhabhurya muna emikate eringa? mugende mumae, Anu bhanyori bhakomubhurya, "Emikate etanu na enginswi ebhiri. ³⁹ Akabhekarya abhantu bhekare gati amabhoo eguru ya amanyanki ambhisi. ⁴⁰ Bhakabhekarya kumabhoo, amabhoo ga erigana rimwi na mirongo etanu. ⁴¹ Akamara akegega emikate etanu na eginswi ebhiri, na akamaa mkyaro, akabariki akamara akabhana abhanafunzi bhature embere ya abhantu na ya gabha eginswi ebhiri ku bhantu bhonsego. ⁴² Bharya bhonsego mpaka bhakukumya. ⁴³ Bhakumaniya ebhibhara bhyu emikate ginu gyatama, bhikehuro ebhikapo ekumi na bhibhiri, na kasi ebhibhara bhya eginswi. ⁴⁴ Na bharinga bhasaja amakunu gatana bhanu bharya emikate. ⁴⁵ Anu yamara akabhabhurya bhatire ku mashua bhagye haasi ahandi ku. Bethsaida eribhaga weki yabharaga amasikano. ⁴⁶ Anu bharinga bhemukiri, akagya munkuku okusabha. ⁴⁷ Anu yaringa kumugorobha, na mashua gabho eribhaga riyo yaringa gati ya enyanja, na weki yaringa omwene mkyaro ekyomu. ⁴⁸ Na yabharora bharanyanka okutema egingai kokubha omuyaga gwa bhakan'ya. Anu yaika nyinkyo okubhagyako akagenda eguru ya amanji na yenda okubhaita. ⁴⁹ Anu bhamurora aragenderera eguru ya amanji bhakasoererya na obhobha bhakamanya emisambwa anu bhakatema ekituri. ⁵⁰ Kokubha bhamurora bhakejirya no obhobha ega bhakagamba nabho akabhabhurya mubhe bhahari na ng'oni ntige kubha na bhobha. ⁵¹ Akasoa munsi ya mashu, na omuyaga gakatiga okuhita nabho bhakamurugura bhukong'u. ⁵² Ego bhataringa bharagya kokubha girya emikate ensonga egiakiri gyabho gyaringa na obhung'eni bhuke. ⁵³ Nabho anubhambuka oragongo bhaika ekyaro ka Genesareti mashua ekaika okwimirirya. ⁵⁴ Anu bharya kibhara obhwato mara bhakamumanya. ⁵⁵ Bhakakenyu okugamba gati a mkyaro kigima bhakamba okubhareta abharyeri kwa amatera anu bhegwa araja. ⁵⁶ Anu onsego yasoa gati ya mkyaro au omugi Anu gati ya mkyaro yabhatura abharyeri haasi wa omudira na bhakamkerya abhabhurye okugwata eripindo rya omwenda gwaye. Na bhonse bhamugwata bhawenibhwa.