¹ Obhoobhubhihina abhamwi abhang'orya bhanu bhabhanga bharwiri Yerusalemu bhakekumania okumumara weki. ² Naho bharora kubha abhamwi bho obhuragiribhwa bhwaye bharya umukate gwo amabhoko amabhibhi, ganu gatesabhibhwa. ³ Kwo abhobhubhibhi naho wayahudi bhonsego enyuma bhesabha amabhoko gabho bhujomu, bhagwata agakare aga abhakaruka agenyuma. ⁴ Abhobhubhibhi hanu bhahinda kurwa ahasi ho omudira, bhatakurya nahanu bharyoga mbhere, naho gariho amaragiriryo agandi ganu bharaga gwatirira bhukong'u, okubha hamwi no okogya ebhikombhe, amafurira, ebhintu bhwo okung'eng'esa, ne ebhitumbhi bhinu bhekariranga hanu bharyanga. ⁵ Abhobhubhibhi na abhangorya bhabhurya Yesu, nkwaki obhorokibhwa bhaho bhatakwikara kuringana ganu akare gabhakaruka, kuganu bhararya omukate bhatesabhiri amabhoko?" ⁶ Nahombhe weki yabhakera, "Isaya yarota bhujomu okubha bhenyu abhabhehi, yangorya, abhantu bhanu bharankumya kwe eminwa gyabho, naho mumitima gyabho giri hare na oni. ⁷ Bharankorera amasabho ganu gatano bhujomu bharorokya amaragiriryo gha abhantu. Naho mmahanwa ghabho. ⁸ Bhatiga amaragiriryo ga Waryubha no kugwatirira kwo bhwangu agakare aga abhantu." ⁹ No okugambha agabho, bhanga amorokyo ga Waryubha kwo bhwangu no okubha tubhike agakare gaetu! ¹⁰ Kwo kubha Musa yagambha, tukumye tata wetu na mai wetu, na weki aragambha amabhibhi eguru kutata wetu na mai wetu obhuhene arikwa. ¹¹ Naho tragambha, unu muntu aragambha kubha tata wetu na mai, mbaturya bhonse okubha tukaherwe kurwa kuoni kubha mbhuhanwa bhwo obhukuru nego nu okugambha okubha bhwahisibhwa kuu Waryubha. ¹² Nego turamukania okukora eringana ryonse ryonse kuu rina rya tata na mai waye. ¹³ Mulaikola ekihindo kuu Waryubha kubha mbhusa kwo okureta gakare getu na amang'ana amaru go kubha gayo muragakora. ¹⁴ Yabhabhirikira bhasikane kweki no okubhabhurya, "Munyitegerere oni, bhenyu bhonse, na mumanye. ¹⁵ Kitariho kyonse kyonse kurwa kibhara yo omuntu kinu kiritura kumukyukya omuntu kukimukisoheri kuweki. ¹⁶ Mwitegerere omstari gunu kubha omuntu wonse wonse yana amatwi go okwigwa na yegwe, otarimo kugenyuma ga kare. ¹⁷ Yesu yabhatiga ahosikanira no okusoha ika, abharagiribhwa bhaye bhamubhurya okubha abharokya eyo. ¹⁸ Yesu yagambha, na bhenyu bhonse msarabha okumanya? mtakurora kubha kyonse kyonse kimusoheri omuntu kitakutura kumukyukya. ¹⁹ Kwo okubha kitakutura kugya mumutima gwaye naho kirasoha munda yaye no okubha kirahita kugya mucho. Kuu maghambho ga Yesu yabhikora obhyokurya bhyonsego kubha bhijomu. ²⁰ Yagambha, kirya kiribha kirwiri omuntu nkyo kira musarya. ²¹ Kwo okubha kurwa munsi yo omuntu, kibhara yo omutima kurwa kumahitinko mabhibhi obhuhuni, bhwibhi, obhwiti, ²² obhutari, okwigombha amabhibhi, okung'enwa, okusoherera, wivu, kutukana, amegambho, obhukang'i. ²³ Amabhibhi ganu gonse gararwa mumoyo, ngho garya garamusarya omuntu." ²⁴ Yemuka kurwa harya no okurwa ho okugya mkoa gwa Tiro na Sidoni. Yasoha munsi na atenda omuntu wonse wonse amanye kubha yanga hayo naho atarikana okumubhisa. ²⁵ Naho bhwangwigo omukari, yabhanga omwana waye omuke yabhanga no omutima omubhibhi, yegwa amang'ana gaye, akaja, no okugwa mumaguru gaye. ²⁶ Omukari uyo yabhanga myunani, we ekabhira rya kitoeniki. Yamusabha weki amuke nyirye omuyaga kurwa kuu muhara waye. ²⁷ Yesu akamubhurya omukari bhatige omwana bharisibhwe mbhere, kwo kubha bhatari bhwahene okugega omukate gwo omwana no kwesera ebhwa. ²⁸ Naho omukari akamukyukya no okugamba, ngo omukuru, nego embhwa erihansi ye meja erarya amasagyo ge ebhakurya bhia abhana. ²⁹ Akamukerya, kwo okubha ogambhiri ega eyo bhujomu kugya. Omuyaga gwamarakurwa kuhara waho. ³⁰ Omukari yahinda ika waye na akanyora muhara waye areri kubhuriri, no omuyaga gwanga gumuruririko. ³¹ Yesu yahuruka kweki kibhara yo omukoa gwa Tiro no kuhitira Sidoni kugya nyanja ya Galilaya gya dubharika rwa Dikapolisi. ³² Okumureta omuntu unu yanga muribhe na yanga atakutura okuhaira bhujomu, bhamusabha Yesu amuturire amabhoko eguru yaye. ³³ Akamubhurukya kibhara yo obhusikamiro kwo okubhisa, atura ebhyara bhyaye kuu matwi gaye, no okubha akatuja amate, akakunia orurimi rwaye. ³⁴ Akamaha eguru mwisaru, akahejera no okumubhurya, Efata, "Kuyo nkugambha ebhurya! ³⁵ na esa iyo iyo amatwi gakegwa na kinu kyanga kiribhiri orurimi kyanyamurwa na akambha kuhaira bhujomu. ³⁶ na yabhakerya bhatabhurya muntu wonsewonse, naho kego yabhabhurya, nigo bhamugambha amang'ana gayo kuu bhwaru. ³⁷ Kabhisa bharugura no okugambha, yakora kira ekintu bhujomu. Nego yakora abharibhu bhakegwa na amamumu gakahaira.