Ekiseku 5

1 Bhaaja mpaka embarika wa enyanja, kumukoa gwa Gerasi. 2 Na anu Yesu yaringa arahuruka kibhara wa obhwato, omuntu wa omutima omutima omuko otu yaaja kuweeki kureka mumabhiira. 3 Omuntu unu yamenya mumabhiira, hatariho unu yatuura okumukan'ya. Hatariho hata kwa eminyororo. 4 Yariinga abhoherwe kwa eribhaga eryaru kwa egimpingu na eminyororo. Yabhutura eminyororo na egimpingu gyaaye gyabhuturwa. Hatariho hata oumwi unu yaringa na amang'ana ga okubhakira. 5 Bhutiku na mubhasu hanu yaringa mumabhiira na muginkuku, akura na okwikata weeki omwene kwamagina amogi. 6 Anu yarora Yesu kwahare yekanyera kuweeki na okwihinya embere yaaye. 7 Yakura kwa erisi enene, orenda nkukorereki? Yesu omwana wa Waryubha unu ariguru bhukong'u? Ndakukerya ku Waryubha omwane otanyankya." 8 Kwaokubha yaringa omukererye, "Reka kumuntu hunu uuwe omutima omukootu." 9 Naweeki ya mubhurya, "Eriina ryaho niwi?" Naweeki akamukyukya "Eriina ryaani ndabhiri kirwa, Legion kwaokubha turingi bharu." 10 Yamukeerya kweeki na kweeki otabhahira kibhara wa omukoa. 11 Bhono erikemba erinene rya egingurubhe ryaringa rirarisya eguru wa enkuku, 12 Bhoonse bhakamukeerya bharagamba, "Tutume kungurubhe tusohe muunsi yabho." 13 Kwego bhagikiririrya emitima emibhibhi gyabharwa ko na ukusoha muunsi wa egingurubhe nagyo gyakenyera iinsi wa enkuku mpaka munyanja egingurubhe mirongo ebhiri gyasoha munyanja. 14 Nabhanu bharinga bharagiriisya egingurubhe bhakenya na okurusya etaarifa yakinu kyarwira kumugi na kukyaro. Nho abhantu abharu bhahuruka okugya okuhama kinukyebhuka. 15 Nho bhaaja ku Yesu bhamurora omuntu hunu ajuriri na erisambwa rinu ryaringa na amake mba yekeri ansi yebhohibhwe nayanga kubhu ng'eeni bhwaaye nabho bhabhoha. 16 Bhanu bharinga bharuji kinukyakoreka kumuntu hunu yaringa ajuriri na erisambwa bhabhakeerya kinu kyakoreka kuweeki na kuweeki kungurubhe. 17 Bhonse bhamusasama yeemuke ageende kumukoa gwabho. 18 Hanu yaringa arasoha muunsi wa obhwato, omuntu unu yaringa ajuriri na amasambwa yamusasama ega agende amwi nawe. 19 Nawe atamwikiririrya, Nawe yamukerya, "Genda iika waho nakubhantu bhao, na obhakerya yakukorera omukuru, na ekyabhira kinu yakuana. 20 Kwego yagenda akamba okuraarika amang'ana amakuru ganu Yesu yakora kuweeki ku Dekapori, na kira oumwi akaruguura. 21 Na hanu Yesu anu yambura kweeki kurubhaara orundi munsi wa obhwato omuganda omunene gwekuman'ya gwesinguura embarika wa enyaanja. 22 Na oumwi, omukangati wa erisyengerero, hunu yabhirikirwa Yairo, yaaja naanu yamurora akagwa mumaguru gaaye. 23 Akamusasama bhukong'u, aragamba "Muhara wani omuke arenda okukwa. Ndakusasama uuje oture amabhoko gaho eguru waaye anyoore obhuhoru ndakusasama." 24 Kwego yagenda amwi nawe, na omuganda omunene gwamuseeta gukamwikumanirya ang'i bhakamwisingurira. 25 Yaringaho na omukari unu amanyinga gaye gamurwanga kwibhaga rya emyaka ekumi na ebhiri. 26 Yanyaanka bhukong'u insi wa abhareri abharu yakorera kira ekintu kinu yaringa nakyo. Nawe ego atekirirya kukyokyonse, nawe kwaomweya gwaye yagendererya okubha na ehari embibhi. 27 Yegwa eng'ana okubha Yesu. Kwego yaaja enyuma waaye kwibhaga anu yaringa aragenda munsi omuganda, nawe yakuriya engibho yaaye. 28 Kwaokubha yagamba, "Anu ndakun'ye engibho yaaye go ndabha omuhoru." 29 Anu yamukuun'ya okurekwa amanyiinga kwa bhutuka, yegwa kumubhiri gwaaye ega yahwe nibhwa okurwa kunyanko yaaye. 30 Rumwi ego Yesu akamanya munsi waye omwene ega amang'ana gamuhwera. Yekyukye enu na enu kumuganda gwa abhantu na okubhurya "Niwi akunirye engibho yani?" 31 Abhehigira bhakamuburya, "Oramaha omuganda gunu gukwinariri nawe oragamba niwi unu yankunirye?" 32 Nawe Yesu yamaha enu na enu okumaa unu hunu yari akoreri rinu. 33 Omukari amanyiri kinu kyakoreka yabhohana okurigita. Yaaja na akagwa hansi embere yaaye na okumukeerya obhuheene bhonsego. 34 Yagamba kweki, "Omuhara obhuhene bhwaho bhukukoreri obhe omuhoru. Genda kwa obhuhene ohwenibhwe okureka kubhurweeri bhwao." 35 Hanu yaringa arahaira, abhantu abhake bhaja okureka kumukangati wa erisyengerero, bharaagamba "Omuhara waho okwiiri. Nkwaaki okugendererya okumunyankya omwihigirya?" 36 Nawe Yesu anuyeegwa kinu bhagamba, yakerya omukangati wa erisyengerero, "Otobhoha ikirirya ego." 37 Atamwikiririrya wowonse okukangatan'ya nawe nawe Petro, Yakobo na Yohana muhiiri waaye. 38 Bhaja ika wa omukangati wa erisyengerero nawe yarora eriihe, na okukura bhukong'u. 39 Anu yaiika iika, yabhakeerya, "Kwaki muraruguura na nkwaki murakuura? Omwana ataraakwa nawe areeri." 40 Bhamuseka, Nawe weeki, yabharusya bhonsego kibhara yageega esewabho omwana na ng'ina wabho nabhanu bharinga amwi nawe, akasoha munyumba akamutuurya omwana. 41 Yagega okubhoko kwa omwana na akamukerya, "Talitha koum", ng'inu ega "Omuhara omuke ndakukerya imuka." 42 Rumwi ego omwana yemuka na okugenda kwaokubha yaringa yana emyaka ekumi na ebhiri. Rumwi ego bhagwatwa na ekiruguro ekinene. 43 Yamukerya kwa eginguru ega atariho wowonse unu aratura okumanya rinu. Na yabhakerya bhamuhane omuhara urya ebhyokurya.