¹ Okubha yamba okwihigirya embarika wa enyanja. Na abhantu abharu bhake kuman'ya bhakamwinara, kimwi akasoha muunsi wa eryato munyanja, kimwi akekara. Obhwaru bhwa bhantu bhonsego bhwabhanga embarika mwa enyanja. ² Ng'o akamba kubhehigirya amang'ana amaru kwa entubho, na akagamba kubheki kuhitira amehigirya gaye. ³ Mwitegerere, omuambi yagya okuhamba. ⁴ Anu yabhanga arahamba, gati ya amahambo gakagwa kunjira, ebhinyonyi bhikaja bhikagirya. ⁵ Amahambo agandi gakagwa kwitare, rinu ritabhanga na marobha maru, kimwi gikoma, okubha gitabhanga na marobha gakwisa okugimerya. ⁶ Nawe anu eryubha rya tura gukoma, na kwa okubha gita bhanga na miri gikooma. ⁷ Amaambo agandi gakagwa muunsi muumawa, amawa anu gakina gakagibhita na gitaika kwibhura masumo gonsego garya. ⁸ Amahambo agandi gakagwa kumarobha amajomu na gikebhura amasumo eribhaga girakina na okwijura, egindi gikebhura mirongo esatu na egindi morongo esansabha, na egindi mirongo ekumi na ekumi. ⁹ Kimwi Yesu akagamba "Urya wonsego unu yana amatwi garegwa na yegwe; ¹⁰ Yesu anu yabhanga omwene, bharya bhabhanga hangi nawe na bharya ekumi na bhabhiri, bhanu bhamubhurya kuntubho. ¹¹ Akagamba kubheki, "Kubhenyu mwahanwa obhugunyi bhwa Waryubha. Nawe kubhanu bharingi kibhara kira ekintu ni ntubho. ¹² Okubha hanu bharamahe Niga bhamahe obhuhene, Nawe bhatakurora, na okubha anu bharegwe, niga bhegwe, Nawe bhata. Kwitegerera nawe anu erabhego, bhakyageukiri Waryubha akyabhabhiri. ¹³ Na akagamba kubheki, "Okubha? mutakwitegerera entubho inu? Murature egaki okutegerera egintubho egindi. ¹⁴ Omuhambi yahamba ering'ana. ¹⁵ Gati yabho, mbarya bhagwa embarika wa enjira, entengo inu ering'ana ryahambwa. Na hanu bhegwa ng'o erisambwa rikaja na kurigega ering'ana rinu ryahambwa muunsi wabho. ¹⁶ Na gati yabho bharya bhahambwa eguru wa eritare, mbo bhanu bharegwa, ering'ana, bhararigega kwa obhujomerwa. ¹⁷ Na bhatana emiri girya gonsego muunsi wabho, Nawe bhara egumirirya kwa eribhaga erike anu bhunyanki bhuraja kuhitira kuring'ana bharekujura. ¹⁸ Na abhandi mbarya bhaambwa mumawa, bhararigwa ering'ana. ¹⁹ Naawe amanyankyo ge kyaro obhubheji bho obhwami na enamba ya amang'ana agandi, garabhasoha na kuribhita ering'ana, na riratamwa okwikubhura erisumo. ²⁰ Ng'o bhario bharya bhanu bhahambwa kumarobha amajomu. Bhararitegerera ering'ana na bharagega kimwi rirebhura amusomo: Gati yabho mirongo esatu, abhandi mirongo esansabha, na abhandi mirongo ekumi na ekumi. ²¹ Yesu akabhaarurya, "Nuwi araretanga eng'arabho muunsi wa enseega, na kuitura hansi wa kikaapu, nawe gati yaekirariro? Hunu araireta muunsega munsu na okuitura eguro wa ekiango. ²² Kwa okubha kitario kinu konsego ke ebhisa, kinu kitarijurikana, na etario obhugambi bho obhugunyi bhunu bhutaritura mubhurabhu. ²³ Anu arabheo unu yana amatwi garegwa na yegwe!" ²⁴ Mubhe na obhwangiri na kirya kinu muretegerera, kwa okubha etengo inu murapimirwa, n'go inu mwipimirwa na eryongeribhwa kubhenyu. ²⁵ Okubha una yanakyo, arinyoora kyaru, na urya unu atanakyo, kureka kuweki bhirigegwa bhonsego bhinu yanabhyo. ²⁶ Na akagambha, "Obhukuru bhwa Waryubha bhwa unkanibhwa na omuntu unu yahamba amahambo mumarobha. ²⁷ Anu yerambika bhutiku na akabhuka ninkyo, kimwi amahambo ga kamera na okukina, kyego otamanyiri bhunu yarekera. ²⁸ Ekyaro kirarusya ehambo eryene, riramba amasha, riramara ritatura amahua, ng'o amahambo ganu gakon'ga. ²⁹ Na eribhaga rinu erihambo riribha rikong'eri, kimwi erahira emundu, okubha erigeesa rihikiri. ³⁰ Kimwi akagamba, tuunkan'ye obhukuru bhwa Waryubha na kintu kii, okubha tukora ntuubhoki okubhurya abhantu? ³¹ Nkya erihambo rya haradari, okubha hanu yahambwa ni ntuya bhukong'u kukira amahambo gonsego mukyaro. ³² Okubha eribhaga rinu yahambwa, erakinirana na okubha nene, kukira bhonsego bhinu bhiringi mumugunda, na erakora amaasha magari, okubha ebhinyonyi bhya kurwire bhiratura okukora obhuusu bhwabho kuhitira ekiriri kyabho. ³³ Kwa egintubho njaru yehigirya na akagamba ering'ana kubheki, nkyego bhaturanga okumwitegerera. ³⁴ Okubha atagamba nabho bira ntuubho, Nawe anu yabhanga aringi omwene, akabhabhurya bhintu bhyonsego abhehigira bhaye. ³⁵ Kuhitira eribhaga riyo, anu bhwahika mugoorobha akagamba kubheki, "Tugende embarika ya kabhiri." ³⁶ Kimwi bhakatiga obhwaru bhwa bhantu bhakamugega Yesu, eribhaga riyo yabhanga muunsi wa eryato. Amato agandi gabhanga hamwi nawe. ³⁷ Na omuyaga omuhari gwa enyankyo na amabhoka gabhanga garasoha muunsi wa eryato, na eryato rikabha rijwiri. ³⁸ Nawe Yesu mwene yabhanga "shetri", arere ntiiro. Kimwi bhakamwimukya bharagamba "Omwihigirya", otakutumaha bhetu turakwa?" ³⁹ Ng'o akeemuka, akahinya omuyaga na akaibhurya enyanja, "Ebhe bhujomu, umuyaga gukapoa na bhwangao obhukiriran'yo bhunene. ⁴⁰ Kimwi Yesu akabhabhuryeega, Kwaki murobhoha? okubha mutakukumya? ⁴¹ Bhakejurwa na obhobha obhunene muunsi yabho ng'o bhakagambana obhene kwa abhene, "Hunu nuwi kweki, kwa okubha omuyaga na enyanja bhiramwobhoa?"