¹ Na kweka yasoha yasoha munsi mumasinagogi na miyo yangamo omuntu unu yanga nokbhoko okubheru. ² Na hayo bharingaho abhantu bhanu bhanga bharamusingirira hang'i hang'i okumaha nyore aramwenya usiku robhoyo iri bhamusitakye. ³ Yesu akamubhurya omuntu wohubhoko okubheru; ega imuka na wemirirya gati gati yomuganda gunu. ⁴ Kweki akabha bhurya abhantu, mbuhene okukora ering'ana rijomu urusiku robhoyo, or okukora bhunu bhutari obhuhene, okuturya ginsiku au okwiita? Naho bhakatigara bhukiri. ^{5 6} Akabha mahirira kweenkoro, na akabha asurumberi kobhukong'u bhweginkoro gyabho na akamubhurya omuntu urya, gorora okubhoko kwaho akagorora na Yesu akamuwen'ya okubhoko kwaye. Amafarisayo wakagya kibhara bhakakora ekina hamo na bhaherode iri okumwiita. ⁷ Kwego Yesu, hamwi na bhorokere ribhara bhaye, bhagenda kunyanja, na obhwaru obhunene bhwa abhantu bhukabhasingirira okureka rera Galilaya na uyahudi. ⁸ No okureka Yerusalemu na okureka Idumaya neembere ya Yordani na wahang'i ya Tiro na Sidoni, omuganda omunene, gweegwa kira ekintu kinu yanga arakikora, bhaja kuweki. ⁹ Na yabhabhurya abhehigiribhwa bhaye okutaya risha obhwato obhubha kuweki ko omuganda, bhatakaja kumubhurirya. ¹⁰ Kokubha yawen'ya bharu, na kira omuntu hunu yanga nenyanko yanga no muhata gokumgusa okumuhikira? ¹¹ Hohonse eginkoro eginkotu bhamuroranga, bhagwanga hansi embere waye naokukura, na bhahagamba, "Huwe umwana wa Waryubha." ¹² Yabhamurira kweginguru bhatakakora amanyikane. ¹³ Akagenda eguru wenkuku, na akabha bhirikira akabhenda, na bhakagya kuweki. ¹⁴ Akabhasora ekumi na bhbahiri(akabhabhirikira abhemiriri) kusudi bhabhe hamwi nawe ature okubhatuma bhagye okurusha amaragiriryo. ¹⁵ No okubha neehinguru kyokurusia emiyaga. ¹⁶ Na akabhasoro ekumi na bhabhiri: Simoni hunu yahanwa erina rya Petro. ¹⁷ Yakobo omwana wa Zebedayo, na Yohana muhiri waye Yakobo, hunu yahanwa eriina rya Bonagesi, bhayo mbo abhana bhangurumo, ¹⁸ na Andrea, Filipo, Batholomayo, Tomaso, Yakobo omwana wa Alfayo, Thadayo, Simoni Mkananayo, ¹⁹ na Yuda Iskariote, hunu arimwanga, au kumugyuka. ²⁰ Ihwe ki yagya hika, na omuganga gwa abhantu bhakaja hamwi kweshe, Naho batura okurya hata omukate. ²¹ Hanu abhana bhaye bhegwa amang'ana gayo, bhakagya kumugwata, na bhakagamba, obhongo bhusankiri. ²² Abhang'ori bhanu bhaja kureeka Yerusalemu bhakagamba, asarikiri na Beelzebuli na ko omutungiri wa emiyaga ararusya emiyaga." ²³ Yesu yabhabhirikira owaye, nokugamba nabho kwebhirengyo, ni gaeki erisambwa riratura okurushako erisambwa? ²⁴ Nyore obhukama bhuragabhika obhwene, obhuhama bhuyo bhutakutura kwimirira. ²⁵ Nyore enyumba eragabhika eyene, enyumba hiyo etakutura kwimirira. ²⁶ Nyore erisambwa riremuka enyuma yaryo eryene nakugabhika, ritakutura okwimirira, na riribha nikiri kubhutero bhwaryo. ²⁷ Naho atariho ohumwi unu aratura kusoha munyumba munsi yo omuntu we ginguru no okwibho ebhintu bhaye bhira okwamba okumubhoha weginguru, ng'o yambe okutuna kinu kirimunyumba. ²⁸ Amahene ndabhakerya, obhubhibhi bhonsego bhwabhana bha bhantu bhuryabhirwa, hamwi na ginjabhuro ginubharagamba. ²⁹ Naho wowonse hunu arajabhura enkoro yobhuhene, au obhisuhya, ataryabhirwa na obhubhibhi bhwaye mbwarugenderako. ³⁰ Yesu yarigamba rinu kokubha bhanga bharahaira yaneenkoro embibhi. ³¹ Ng'o ng'ina wabho na bhahiri bhaye bhaja bhakimirira kibhara. Bhakamukama omuntu, kumubhirikira. ³² No omuganda gwa abhantu bhanga bhekeri hang'i nawe bhakamubhurya, ng'ina wenyu na abhahiri bhao bharikibhara, na bhararuituna uwe." ³³ Akabhahindirya ega, Ng'we maayi wani, nabhahiri bhani? ³⁴ Yabhamahirira bhanu bhanga bhekeri bhesinguriri na ahagamba, "Marahe bhanu mba maayi wani na abhahiri bhani! ³⁵ Wowonse unu arakora ameega ku Waryubha, omuntu huyo muhiri wani, na muhara wetu na maayi.