¹ Hanu yahinda Kapernaumu eribhaga nsiku nkye, yamanyukana ega yanga eka. ² Bhantu bharu bhukongu bharinga bhekumeniye hariya etanga eriho omwanya kweki, neyamukiseku Yesu yagamba eng'ana yabho. ³ Kweki abhake abhantu bhaja kuweki bhamureta omuntu unu yaringa yamitita, bhantu bhanne bharinga bhamubhebheri. ⁴ Hanu bhakirwa okumusuntarura ko kubha omuganda gwa bhantu, bharushako orusara eguru yahanu yaringa, hanu bharinga bhamariri kuhobhora rihobho, bhekuja obhuriri kinu omuntu unu yamitita, "Ryaringareri. ⁵ Hanu yarora imaru yabho, Yesu yamubhurirya omuntu, amitituri, mwana urani obhusariya bhwaho bhabhuwe. ⁶ Nawe ghati yabhang'ori bharuya bhanga bhekeri hariya bhebhurya mumutima giabho. ⁷ Aratureegaki omuntu kugambego? arajera! Niwi aratura okwabhira obhusamya nkya Waryubha omwenego? ⁸ Nawe Yesu yamanya mumutima gwaye kinu bhanga bhareganirirya abhene akabhakeriya, kwaki mureganirirya mumutima gienyu? ⁹ Nkiha ekinyohu okukira okugamba kumuntu hunu yamitita obhusariya bhaho bhwa bhirwe kasi okugamba, himirira ogege obhuriri bhwaho ogihe? ¹⁰ Nawe bhanyoore okumanya okubha abhana bha Adamu yana obhuturo bhokugamba obhusariya kukiaro, yabhuriya hunu yaringa amititiri, ¹¹ Ndakubhuriya uwe imuka ogega omukeka gwaho, inogwiye munyumba yaho. ¹² Yemurira rumwi ego akagega omukeka gwaye nakagiya kibhara wenyumba mubhukangati bhakira ohumwi, kwego bhonsego bhakarugura na bhakamuhana obhukuru Waryubha, na bhakagamba kweki tutakaruji erig'ana kiyarinu. ¹³ Yaagiya kweki embarika yenyanja, nomuganda gonsego gwa bhantu bhaje kuweki, na akabhehigirya. ¹⁴ Hanu yanga arahita akamurora Lawi omwana wa Alfayo yekeri ahasi awokukumanirya erigoti akamukeriya, nseta akemirira akamuseta. ¹⁵ Eribhaga Yesu anuyaringa aranyora ebhiiho kurya munyu ya Lawi, Abhato bhiya abharu na bhantu bhobhusariya bharinga bhararya hamwi na Yesu na abhehigira bhaye, kokubha bharinga bharu bhamuseteri. ¹⁶ Eribhaga abhang'ori, bhanu bharinga abhafarisayo, hanu bharo ega Yesu aramya na bhantu bho bhusariya na bhato bhia bhe rigoti, bhakeriya abhehigira bhaye, nakwaki ararya na bhatobhiya bhe rigooti na bhantu bhobhusarya? ¹⁷ Eribhaga rinu Yesu yegwego akabhakerija, abhantu bhobhuhoru kumubhiri bhatakwenda omureri, Nawe abhantu abharweri abhenego bhobhara mwenda. Ntaja okubhirikira abhantu bho bhuhene, Nawe abhantu bhobhusariya. ¹⁸ Abhehigira bha Yohana na mafarisayo bhanga bhafungiri, na bhantu abhandi bhaja kuweki no kumkeriya, kwaki abhehigira bha Yohana na mafarisayo bharafunga, Nawe abhehigira bhaho bhatakufunga? ¹⁹ Yesu akabhakeriya, mbhawi hanu bharagiya mubhwega bharatura okufunga eribhaga omwenga akiyari hamwi na bheki? Kwa bhiyo bhonsego hanu oranyore omwenga akiyari hamwi na bheki bhatakutura okufunga. ²⁰ Nawe eginsiku giraaja eribhaga omwenga arirusibhwa kubheki na kweribhaga riyo bharifunga. ²¹ Atariho omuntu hunu arakora kibhara ekiija egibho ego tu, kwego ekimamiko kirihatira okurwa kuyo, kuhatwa kukikuru naguribhaho omweya omubhibhi. ²² Hatariho omuntu hunu aratura amarwa amaya mubhuntu ebhigoti, kwego amarwa garitika nebhintu okwatika bhibhure, Nawe kweki tura amarwa amaya mubhintu ebhiya. ²³ Nawe orusuku rwa sabhato Yesu yahita kubhaadhi yemigunda, nabhehigiribhwa bhaye bhamba kugega baadhi bhigara bhiya ngano. ²⁴ Na mafarisayo bhamubhirya maha kwaki bharakora ekintu kinu kiutete eriragiririyo kurusiku ya sabhato? ²⁵ Yabhabhuriya, mutasoma kinu Daudi yakora hanu obhenderwa bho mweko weki hamwi na bhantu bhanu bharinga hamwi naweki? ²⁶ Kiego yagiya munyumba ya Waryubha Abiathari anu yaringa emushegeri mukuru akariya omukate gunu gwaturwa embere hinu yaringa kuitete kya eriragirirwo kumutu osego kuriya abhasiegeru yabhahana nawe bhake ya bharuja bhanga nawe hamwi? ²⁷ Yesu yagamba, sabhato yako rwa kokubha omuntu hatari omuntu kokubha ya sabhato. ²⁸ Kokubha omwana wa Adamu ni omukuru kokubha esabhato.