¹ Saa Zumbe nee ayaeka mataifa aya aigeeze Islaeli, yaani kia muntu mwe Islael ambae nkee kushiiki nkondo yoyose uko kanaani. ² (Kagosoa ivyo ili kuwahinya nkondo uvyazi mhya wa Islael ambao nkawe kumanya kabla). ³ Aya nee mataifa: Wafaume washano kuawa kwa Wafilisti, Wakanaani wose, Wasidoni, na Wahivi wekukwekaaa mwiima ya Lenbanoni, kuawa mwiima Baaali Helmoni kiamuo Hamasi si. ⁴ Mataifa aya nee yabadigwa kana ambayo Zumbe nee kaigeeza IUslael, kusibitisha kana wazitoza amli ekwenkaza baba zao Musa, ⁵ Basi wana wa Islael wakekaa gati ya Wakananaani, na Wahiti, na Waamoli na Wapelizi na Wahivi na Wayebusi. ⁶ Wadoa wana waonao akawenka wana wao wana wao wa kivyee na kuihizikia miungu yao. ⁷ Wana wa Islael wagosoa ambayo ni mabaya he meso ya Zumbe, wakamjaa Zumbe, Muungu ywao, Wamvika Baali na Ashela. ⁸ Basi, maya ya Zumbe nee yaka juu ua Islael, nae akawatanga mwe mikono ya Kushan-lishataimu mfaume ywa Alan Nahlaimu. Wantu wa Islael wamkantukia Kushan Risha taimu kwa miaka nane ⁹ Wantu wa Islael wekumuombezaho Zumbe, Zumbe akamwenua muntu mwenda awambize wana wa Islael, na muntu mwendaawahonye: Osneil mwana ywa Kenazi (ndugu mdodo ywa Kalebu). ¹⁰ Loho ywa Zumbe akamgea nguvu, nae akaaha Islael na Islael na akaawa kuita kwe nkondo. Zumbe akamwe nka kuivota Kush-Lishalaimu mfaume ywa Alamu, Mkono wa Osiniel akavota KushanLishataimu. ¹¹ Sii ne ina npeho kwa myaka alubaini, nee Osiniel mwana Kenazi nee afia. ¹² Ikaawa aho, Waislael wakagosoa yesa yokutama he meso ya Zumbe, Zumbe akamwenka Egiloni mfaume ywa Moabu nguvu kuwavoto Waislael. ¹³ Egilon nee ehanganya na wana wa Amoni na Waamaleki wakaita na kuvota Islae na nee waudoa mzi wa mitende. ¹⁴ Wantu wa slael wamhiyazikia Eglon mfaume ywa Moabu kwa myaka kumi na mnane. ¹⁵ Wana wa Islael wekumwombezaho Zumbe, Zumbe akamwenua muntu ywa kuwambiza, Ehudi mwana ywa Gela, Mbenyaamini, muntu shoto, wana wa Islael wakatuma kwa Egloni mfaume ywa Moabu, kwa maiho yao ya kodi. ¹⁶ Ehudi akegoswee ya upanga wekuwao na makadi kuidi, uwe wa zilaa mwenga, nee autaha si ya nguo zakwe uwanga ya muundi wakwe wa kuume. ¹⁷ Akamwenka Egloni Mfaume ywa Moabu maiho ya kodi (Egloni nee muntu kagimbaa sana.) ¹⁸ Baada ya Ehudi kuiha maiho ya kodi, akahauka na wada wekuwao wayenua. ¹⁹ Hata ivyo Ehudi mwenye ekubuaho hantu ambaho vizuu vya kusonoa vigosolwa hehi na Gilgali, akahituka na kuuya, akamb, 'N'na saamu za siikwako mfaume ywangu, Eglon akamba, Nyamaani myee! kwa iyo wose wekumhiziakiao wakalawa mwe chumba. ²⁰ Ehudi akeza kwakwe, Mfaume nee kekaaikedu, ikedu mwe chumba cha uwanga cha npeho.Ehudi akamba, N'na saamu kuawa kwa Muungu kwaajii yako. "Mfaume akagooka kuawa mwe kiti chakwe. ²¹ Ehudi akanyoosa mkono wakwe wa kumoso akadoa upanga kuawa kwe muundi wakwe wa kuume, na akaugekea mwe mwii wa mfaume. ²² Na mhini wa upanga ukengia ndani yakwe baada ya upanga, naoukaawiia nyuma yakwe na mavuta yakatozana na upanga, kwa kuwa Ehudi nkekuuavya upanga shongoi ya mwii wakwe. ²³ Ikabinda Ehudi akaawa kwe ukumbi na akavugaa nyuvi za chuma cha uwanga nyuma yakweakawavugaia. ²⁴ Baada ya ehudi kuhauka, wandima wa mfaume wakeza, wakaona nyuvi za chumba cha uwanga ivugalwa kwaiyo wakaafya, "Kwei enda awekeavya mwenye mwe hali ya npeho ya gati da uwanga. ²⁵ Wakasongwa ni kutenda matumatu kiamuo wekuvokaho kuyataamama kuwa nee wabea wajibu wao ukati mfaume nkazati kuuvugua uvi wa gati da uwanga kwaiyo wakadoa ufunguo wakawachopoa, Kaua Zumbe ywao kagwa si akafa. ²⁶ Ukati wandima wakagoja wakeu za wakundwa kugosoa m'mbwai Ehudi nee anguuka na kwemboka hantu ambaho nee hana kizuu cha kusongoa, na ivyo akaguuka kuita Seira. ²⁷ Ekubuaho, akatoa gunda mwe si ya mwiima wa Eflaimu ikabinda wana wa Islaeli wakaseeya hamwe nae kuawa kwe miima, naye akawaongoza. ²⁸ akawambia, Nitongea kwa Zumbe enda awavote wankuu wenu, Wamoabu, wakamtongea wakagwia vivuko koongo da Yoldani, kuawa kwa Wamoabu waa nkewaluhusu muntu yoyose kudumua mto. ²⁹ Ukati uo wawakoma wantu kumi wa Moabu na wose nee ni wantu watanguvu wenao uwezo. Nkakuna mwekuguuka. ³⁰ Kwaiyo msi uo Moabu ivotwa ni nguvu ya Islaeli. Na si nee iwa na npeho kwa miaka saasini. ³¹ Baada ya Ehudi, mngea nee ni Shamgali mwana ywa Anti ambaye neee kakoma Wafiisiti 600 kwa konzo da ng'ombe, naho kawahonya Islael kuawa kwe hatai.