¹ Malaika ya Zumbe akaawa Gilgali, akaita Bakimu, akamba "Nkikueta kuawa Misili, naho nkikueta mwesi nekweisayo kuwenka tati zako. ² Nabinda namba, nkinanibonde kiaga changu na wee. Wesekugosoa kiaga na wada wekaao mwesi inu. Gwisa hemiviko yao. Mia nkwekutegeeza sauti yangu. Je! n'kibwai iki wekugosoacho? ³ Basi sasa namba, "Nkinaniwaguuse Wakanaani hemeso yenu, wao n'nda watende miwa kwenu, na miungu yao yondaitende mtego kwaajii yenu. ⁴ Malaika ya Zumbe ekuwambiaho mbui izo kwe wantu wose wa Isilaeli wantu wakakema na kuia. ⁵ Wahetanga hantu hada Bokimu. Aho neewaavya zabihu kwa Zumbe. ⁶ Yoshua akuavyaho uhusa wantu waite wana wa Isilaeli kia mwoneka aite hantu ekwenkigwaho, wakawa na umiliki wa alizi yao. ⁷ "Wantu wamtumikia Zumbe ukati wa maisha ya Yoshua na wadaa wakasongwa baada yakwe, na niwada wekuonao matendo yose makuu ya Zumbe ekugosoayo mwe Islaeli. ⁸ Yoshua mwanangwa ya Nuni, mndima ya Zumbe, kafa na maika ya myaka 110. ⁹ Wakamzika mwemhaka wasi ekwenkigwayo uko Timnath Helesi, hemuima wa eflaimu, Kasikazini hemuima Gaash. Uvyazi uwo wose wekonga hetati zao. ¹⁰ Uvyazi mtuhu wekutongeao baada yao nkawakummanya Zumbe au kia chekugosokacho mwe Isilaeli. ¹¹ Wantu wa Isilaeli wantenda vibaya hemeso ya Zumbe, nao neewawa tumikia Mabaali. ¹² Wakahauka kwa Zumbe, Muungu ya tati zao, mwekuwaavya kuawa Misili. Wakabasa miungu watuhu, miungu ya wantu wekuawao hehi nao nao wakawavikia. Wakamkima ZUMBE kwa sibabu. ¹³ Wahauka kwa Zumbe na kumvvika Baal na Maashtoleti. ¹⁴ Maya ya Zumbe yakatenda mwewa Isilaili nee awenka wankondo wekubawao mai zao kuawa kwao. Kawatanga inga watumwa wekugosokao kwa nguvu za wankondo wao wekuwazungukao, nkawwokudaha kwekinga zidi ya wankondo wao. ¹⁵ Isilaeli wekuitaho kwe kutona, mkono wa Zumbe nee uzidi yao kuwavota, inga ekweisavyo. Na neewawa mwesuuba nkai. ¹⁶ Nee Zumbe akawenua waahi, wekuwaohoao mwemikono ya wada wekuawa wakabawa mai zao. ¹⁷ Hata ivyo nkawokuwategeeza waahi wao. Nkawokuwa waaminifu kwa Zumbe nee wenega wenye inga wakianga kwa miungu watuhu na kubika. Wakanya kuhituka na kuibada sia wekwekaao tati zao wada wekuzumiao amli za Zumbe iya wowo wenye nkawokuvigosoa. ¹⁸ Zumbe kenua waahi kwa ajii yao. Zumbe akawambiza waahi na kuwakomboa kuawa mwe mikono ya wankondo wao misi yose muahi ekwekaazo. Zumbe kawafiia mbazi wekuhumao kwa ajii ya wasa wekuwadiia maufili na kuwapisha. ¹⁹ Mia muahi ekwendaho kufa, wakahituka na kugosoa mbui mbaya kutendesa komba via wekugosoavyo tati zao. Wakahita Wakaitongea miungu mituhu kuitumikia na kuivikia. Waemea kueka mbui zao zose mbaya ama sia zao utii. ²⁰ Maya ya Zumbe ya katenda mwe |slaeli; akamba kwa ajii taifa idi dibopnda mashaiti ya kiaga changu ambacho nkiika kwa ajii ya tati zao kwasibabu nkawokuitegeeeza sauti yangu. ²¹ Kuawiia isasa nkinanidiuse he meso yao taoifa dodose akubadado Yoshua ekubindaho kufa. ²² N'nda n'tende ivi ili kuwageeza Islaeli, atan'nda watongee sia ya Zumbe au nkawana watongee, inga tatizzo wekuitongeavyo. ²³ Nee sibabu Zumbe akawabada Mataifa ayo, waa nkekuwaguusa kinyio na kuwangea mwemikono ya Yoshua.