¹ Kani twamwishi , mwebakwasu , ( pakuti ndukulabila kuli babo abashi amafunde ) ati amafunde alakomeko umuntu mumpindi ili akili ne mweo ? ² Pakuti uyo umwana kashi upilwe ali kakilwe kwi funde lya mulume wakwe ili acili ne mweo , sombi kani umulume afwa , ye nishi akakulwa kwifunde lya kyupo . ³ Popele , ili umulume wakwe anali ne mweo , kani aikala ne mwalalume umbi , ye aketwa ati mwende . Lomba kani umulume wakwe afwa , nishi akakuluka kwi funde lyo , fyopela fyo taali wabukende yowe kani kaikala ne mwalalume umbi . ⁴ Pakuti pali fye fyo . Mwe bakwasu , namwebo mwali lengelwe wa Kilishitu . Ifi ekweba ati mulilunde ,ekwebati , kuli babo ababukile ku bafwile , ati ngatukekata ifisepo ifya ba Lesa . ⁵ Pakuti ili twali mumunefu , ukukumbwa kwa fyakubifya , ukubukulushiwa kwa mwifunde , uko mu milimo abakwasu mu kutwala isepo ifya mfwa. ⁶ Sombi bakumo twakakulwa kwi funde . pakuti twalifwile kuli fye fyo ifya tukakile . Fyo pele fyo tuluku pyunga mu mweo wakale uwa mumalembo . ⁷ Mba tulabile shani mba ? kani ama funde kubifya? Ifyo tefyo , fyopele fyo , sombi nga shinaishi bilepo ukubifya , nga tekupitila mwifunde kani nshaishibilepo ukukumbwa kani tekulabila kwefunde , '' Tekukumbwa yo we . '' ⁸ Lomba ukubifi kwali pintile ishiuko mwifunde ne kuleta ulunkumbwa muli nebo . Sombi ukwakubule funde , ukubifya ku fwile . ⁹ Impindi imo nali ne mweo apakubula ifunde , lomba ilyo ifunde lya ishile , ukubifya kakupoka mweo kabili , popele ne nalifwile . ¹⁰ Kabili ifunde ilyo ilya lengele uku ndetela mweo kalyaluka ne ku ndetela imfwa ne bo . ¹¹ Pakuti ukubifya ka kusangilamo mwifunde ne kuntu mpaika nebo ,ukupitila mwi funde lyali ngipeye . ¹² Lomba ifunde liswetelele , kabili ne mushilo uswetelele , ulungeme , kabili liliweme . ¹³ Kanshi ikyo ikiweme kakiba nimfwa kuli nebo ? takingaba fyo . Lomba ukubifya , mukuba ati kubonekwe ati kubifya , ekwaletele imfwa muli nebo ukupitila muli ikyo ikyali kiweme , kabili ukupitila mu mushilo ati ukubifya nakube kubifya ukwinenene . ¹⁴ Pakuti tulishi ati ifunde lya Mupashi , lomba nebo ndi wakumunefu . Nali shitilwe ku busha bwa kubifya . ¹⁵ pakuti pali fyo fyo nkita , nshifyu mfwinkisha po . Pakuti ifi mfwaya ukucita , nshikita po , na fi fyo mpatile , efyo nkita . ¹⁶ Sombi kani nakita ifyo nshilukufwa po ukukita , lomba ndasumina amafunde ati aliweme . ¹⁷ Popele bukumo nshili ninebo mfikita , sombi kubifya ukwikala muli ne bo . ¹⁸ Pakuti ndishi ati muli nebo , muli bumunefu bwangi , tamwikalapo ikintu ikiweme nelikimo . Pakuti ukufwaya ukwafiweme kuli muli nebo , sombi nshifikita po. ¹⁹ Pakuti ifiweme ifyo ifi mfwaya , nshifikitapo , sombi ukubifya ko uku nshi fwayapo , popele uko eko nkita . ²⁰ Sombi kani nakite fyo ifi nshilukufwaya ukukita , nshili ninebo mfikitapo , sombi kubifya ukwikala muli nebo ukufikita . ²¹ Kanshi , ndasanga ili funde : ilo ndukufwaya ukukita ikiweme , ukubifya kuli nanebo . ²² Pakuti ndasemba mwi funde lya ba Lesa mu bumuntu bwa mu mutima . ²³ Sombi ndukubona ifunde limbi mubakwasu . Lilukulwa ne funde lya bukumo lyamilangwe yangi , lilandenga ukuba umusha bwafunde kukubifya uko ukuli muba kwasu . ²⁴ Nemuntu usheme ! Mba ninani ukampulusha mumubili wamfwa ? ²⁵ Sombi ndukutota ba Lesa ukupitila muli ba Yesu Kilishitu ba Shikulu wesu ! Lomba , nebo nemwine ndalipyungila funde lya ba Lesa ne milangwe yangi . Nangaba ni fi fyo , sombi kumunefu ndalipyungila ifunde lya kubifya .