¹ Takulipo ukupelwa milandu kulibabo abali muli Kilishitu Yesu . ² Pakuti ifunde lya Mupashi muli ba Kilishitu Yesu lyamikakuleni kwifunde lya kubifya ne mfwa . ³ Pantu ifyo ifunde lyafililwe ukuchita pamulandu wakunaka mumunefu , Lesa kachita . Alitumine umwana wakwe mukipasha kyakwe ikya kubifya kumunefu ukuba ikyafuchila ukubifya kabili alikifishile ukubifya mu mubili . ⁴ Kachitechi pakwebati ififwaikwa mwifunde finga fikilishiwa muli fwebo , fwebo abatabendapo kufya kumubili , lomba ukulingana no Mupashi . ⁵ Balya abekalila kunefu bala bika amano yabo kufya kumunefu , pakuti balya abali mu Mupashi balabuka amano yabo kufintu fya ku Mupashi . ⁶ Pakuti ukubika amano kufya ku mubili emfwa , lomba ukubi ka amano kufya Mupashi emweo ne mutende . ⁷ Ukubika amano kufya kumubili ebulwani kuli Lesa ,pantu tafyelelwepo kwifunde lya kwa Lesa nangula teti fichite efya kube fyo . ⁸ Balya abali kumubili tabaseke shapo ba Lesa . ⁹ Fyenke fyo tamulipo kumubili lomba ku Mupashi , nga kyabati Umupashi wabe Lesa aba muli mwebo . Pakuti umuntu ngata kwetepo umupashi waba Kilishitu tabelepo wakwabo . ¹⁰ Nga Kilishitu ali muli mwebo , umubili afwile kukubifya , pakuti Umupashi ali ne mwebo mukulungamikwa . ¹¹ Nga kyakwebati Umupashi uwabushishe ba Kilishitu mubafwile aikala muli mwebo , ali ne kumupeleni umweo namwebo , kumibili yenu ifwile ukupitila mu Mupashi , uli mulimwebo . ¹² Kanshi , mweba byesu , tuli nenkongole , tali kumubili ukwakale kwati bakumunefu. ¹³ Kanshi ngamwaikala kumubili , mulya pepi ne kufwa , lomba ku Mupashi nga mwaipaya fyonse ifichitwa fya kumubili , mukaba ne mweo . ¹⁴ Pakuti bonse abatangililwa ne Mupashi waba Lesa , abama ba kwa Lesa . ¹⁵ Tamwapokelepo Umupashi wa busha pakwebati mulu kwikala libili mumwenso ; pakuti mwalipole Umupashi wakusungwa , umutulilila ati , '' Abba , Taata ! '' ¹⁶ Umupashi umwine ala mwensha bumbini ne Mupashi wesu ukwebati tuli bana bakwa Lesa . ¹⁷ Nga tuli bana , nishi tuli mpyani , impyani shakwa Lesa , kabili tulibele pama impyani na Kilishitu , ngatwapengela pamo nakwe pa kwebati nafyebo twinga lemeshiwa pamo nakwi . ¹⁸ Pantu ifyakupenga fyakamo ka pindindi tafilemenepo kuchila yabuleme ubukapelwakuli fwebo . ¹⁹ Pakuti ukaba abakupembela ukukulu ukwa bulengeshi kulepembela ukuboneka kwa bana bakwa Lesa . ²⁰ Pakuti ubulengoshi basalipelwe mukuloweshiwa panuma tali mu kufwaya kwakwe lomba pamulandu wa ulya unapela , mukuchetekela . ²¹ Ukwebati ubulengeshi ubwine kuya mukonaulwa kwa buleme bwa mwana wana wa kwa Lesa . ²² Pantu tulishi ati ifilengelwe fyonse filikutenda ne kusomonwa mufisanso pamo na lelo . ²³ Tali fyenkefyo yoo , lomba pamo nafwebo , abakwete ifya nsomo fya Mupashi ukuli kutenda mukati , ili tulepembela ukusungwa kwesu , ukupuluka kwa mibili ²⁴ shesu.Pakuti muli kukuno kuketekelemo twapulukile . Pantu ikichetekelo ikiboneko takilipo chitekelo . Pakuti ninani uwinga chetekela ifintu ifyo enga bona ? ²⁵ Ngatwa chetekele ifyo tatubonapo , nishi tulukupembelela mukulu kutekanya . ²⁶ Munshila fye imo yenka , Umupashi naye alatwafwa mukunaka kwesu . Pakuti tatwishipo ifya kupepa . Pakuti Umupashi alatwimakaninako kufya kutenda kwesu . ²⁷ Ulya ufwalisha mumitima Yesu , ewishi akalango ka Mupashi , pantu alemakaninako abaswetele baba Lesa ukulingana ne kufwaya kwa Lesa . ²⁸ Tulishi ukwebati balya abatemenwe Lesa alabomba fyonse ifintu muku wama , kuli bonse abetilwe kulingana ne mulimo wakwe . ²⁹ Pantu bonse abo aishibili kale alibeswile limo mukubo neka mu kipashe kya mwana wakwe , ukwebati engaba umubeli muba byakwe . ³⁰ Balya abo aishibile kutanshi , nabo ali betile . Balya abo aitile alibalungikile , balya alungikile , nabo kabalemya . ³¹ Lomba twa kulabila shani pali fififntu ? Nga Lesa alinafwebo , mba ninani uwakutwimina ? ³² Niwuyo utasungilepo umwana wakwe lomba kamupila mukutwi makaninako bonse , mba nindo teti atupele fyonse fintu ifya lukoso ? ³³ Ninani uwingapela umulandu abasalilwa baba Lesa ? Lesa ewinga tulungika . ³⁴ Ninani upela umulandu ? Kilishitu Yesu ewafwile ne kucilapo uwabushiwe - uwikele kukuboko kwa kuso kwa ba Lesa , kabili uletutwimakaninako . ³⁵ Nganinani uka tufumya kubutemwe bwa ba Lesa ? Amapensho , ukupenga , ukweshiwa , insala , ubwamba , nangula ulupanga ? ³⁶ Fyenka kilembelwe ati , '' pamulandu wenu tuleipaiwa inshiku shonse . Tubele kwa nimbelele iyi balikwipaya .'' ³⁷ Muli fifi fyonse tulichilile pa ba kucifya ukupichila muli umo uwatutemenwe . ³⁸ Pantu njishi ukwebati nangula nimfwa , nangu umweo , nangu likalamba , nangula aba kuli ba fyalo , nagu ifintu ifilipo , nangu ifintu ifikasa ,nangula aba makosa , ³⁹ nangula butali , nangula ni panshi nangula fyonse ifilengelwe , ifinga fumya kubutemwe bwaba Lesa , ubwa muli Kilishitu Yesu imfumu Yesu .