¹ Lomba twakulabila shani ? twinga twalilila mukubufya pakuti inkumbu sginga fula? ² Tefifyo . Pakuti fwe bafwile kukubifya , kuti twaikalamo shani libili ? ³ Tamwishibile kwebati mubengi ababatishiwe muli Kilishitu Yesu , balibatishiwe mumfwa Yakwe ? ⁴ Twashikilwe , lomba pamo naye kupitila mulubatisho mumfwa . Ichi kya likitikilwe pa kulangishe ati fyenka Kilishitu abushiwe kuba fwile kubuleme bwaba wishi , fyenka nafwebo twingenda mweo wabukumo . ⁵ Nga kyakwebati twaba abakwikatana naye mukipasha kya mfwa yakwe , kabili ne kwi katana ne kubuka kwakwe . ⁶ Ichi tulishi ukwebati bumuntu bwesu bwa kale bwalipopelwe nakwe pa kwebati umubili wa lubembu engabula ukonaulwa . Kyalikitikilwe pakwebati twinga bula ukunonkwa kufya kubifya . ⁷ Pakuti ulya uwafwile engetwa umulungami kuchibipile . ⁸ Lomba nga twalifwile na Kilishitu twasumina ati tukekala nankwe pamo . ⁹ Tulishi ati ili Kilishitu abukile kubafwile tekuti afwe libili imfwa taikwetepo amakosa pali ye yowo . ¹⁰ Pamulandu wakwebati alifwile kwabipile alifwile limo fye lyonka . Nangabe fyo , umweo uyo ekele . alikalile pali Lesa . ¹¹ Munshila imo yenka , namwebo pamo mulimone abafwile kukibipile , lomba aba mweo kuli Lesa muli ba Kilishitu Yesu . ¹² Efyenke fyo mwileka ikibipile kimitangilileni mumibili yenu ifwile ukwebati munakile ifya lukumbwe lwaluko . ¹³ Mwipele imibili yenu kububi ukuba ifya kubofya kufya kubula ukulungama . Lomba ipeleni mwebene kuli Lesa kwati ni babo abufumine kububi ne kuya kumweo , kabili ipeleni mwebene kuli Lesa ukaba ifibombelo ifya bulungami . ¹⁴ Mwileka ikibipile ukumitangilileni pantu tamulipo munshi ye funde , lomba munshi ya nkumbu . ¹⁵ Mbanindo ? twingaba abakulu kubifya pantu tuli mushi ye funde , ifyo yoo. ¹⁶ Tamwishibile ati ngamwalipela mwebene abasha muli kuli ulya munakila ? Tamulipo abasha kuchi bipile , ikitwala kumfwa , nangu abasha kukunakila ikitwala ku kulungama . ¹⁷ Lomba utota kuba kuli ba Lesa ! pakuti mwali abasha kuchibipile pamo mwanakila kufuma mumitima pafyo bamisambishe ifyo mwapelwe . ¹⁸ Mwakakulwa kububi kabili mwaba abasha kukulungama . ¹⁹ Nalabila kwati mwalalume pamulandu wakunaka kwa mibili shenu . Kwati nififyo mwalipele kwati basha kukubifya nakukushilulula , umu afumine ukushilulula ukukulu makosa munshila imo yenka , lomba ipeleni kuba basha kukulungama mukutuba . ²⁰ Pantu ili mwali abasha kububi , mwalikakulwilwe kukulungama . ²¹ Pali ilya mpindi nisa fisaba ifyo mwakwete pafintu ifyo mu kwatilepo insoni ? Pantu ifya fumine muli fifyo nimfwa . ²² Lelo mwakakulwa ku bubi kabili ne kunonkwa kuli Lesa , mulukwete ifisabo fya kutuba . Ne fya fuminemo mweo wa nshiku shonse . ²³ Pakuti ikilambu kya bubipile nimfwa , lomba ikyabupe kya kwa Lesa mweo wa nshiku shonse muli Yesu Kilishitu Shikulu wesu .