¹ Ba Yawe balilabile kuli Mose na kuli Aloni. Balilabile ati? ² ''Pendeni abalalume aba mufiyashi kya Koyati ikya mu bena Levi, mumikoka namu fifyashi fyabo. ³ Pendeni bonse abalalume abali ne myaka amakumi atatu ukufika kumakumi asanu aakufyalwa kwabo. bano abalalume bakalilunde kwibumba mukubomba umulimo mwitente lya ku ku maninamo. ⁴ Aba mukifyashi kya kwa Koyati balyelelwe ukusunga bwino ifipe fya mushilo ifintu ulilwe mwitente lya kukumaninamo. ⁵ Kani bmu kampi bapekanya ukuya kuntanshi, Aloni ne bana bakwe abalalume balyelelwe ukwingila mwi tente, ukufunya amapembe aabenye umushilishiwe ne mwamushilo ne kufimbapo pebokoshi lya kulyayana nawo. ⁶ Balyelelwe ukufimba pebokoshi lyakulayana ne kiputulwa ikiweme ikya kiseba. Balyelelwe ukufimbapo insalu ya kifufya peulu yakyo. Balyelelwe ukwingishamo imyamba ya kuoichilako imbokoshi. ⁷ Balyelelwe ukwanshika insalu ya kifufya peulu yetebulu uwa mukate wa bukumo. Peulu yakyo balyelelwe ukubikapo amabeseni, imilisho, amabale, ne makomeki aya kwitulwilako, umukate alyelelwe ukutwalilila ukuba petebulu. ⁸ Balyelelwe ukukupikapo ne nsalu yakukashikuluka ne kufifimba libili ne kiseba ikweme ikya manto mya ntomya. Balyelelwe ulwingishamo imyamba apa kupinchila itebulu. ⁹ Balyelelwe ukubuula insalu ya kiffya ne kufimba ikyakutulapo ilampi, pamo ne malampi akyo, ne fimanto, ne masani aakupinchilapo, ne makomeki onse amafuta amuma lampi. ¹⁰ Balyelelwe ukubika ikitulwapo ilampi na fyonse ifya kubomfya mu kupombamo ikya kiseba ikiweme, kabili balyelelwe ukukibika pe fulemu lya kupinchilapo. ¹¹ Balyelelwe ukukupikapo insalu ya kifufya pa kyonto kya golide. Balyelelwe ukukifimba ne kiseba ikiweme, ne kukibika pa myaamba yakupinchilapo. ¹² Balyelelwe ukupinta ifyela fyonse ifya kubomfya munkyende ya mushilo ne kukipomba mu insalu ya kifufya. Balyelelwe ukukifimba ne kiseba ikiweme ikya mantomya ntomya ne kubika ifibombelo fyakyela pe fulemu lya kupinchilapo. ¹³ Balyelelwe ukufumya ubutoi pa kyoto ne kukupikapo insalu iikashikulukite pa kyoto. ¹⁴ Balyelelwe ukubika pe fulemu lyaku pinchilapo fyonse ifyela fya kubomfya ifya babomfya pa milimo yapa kyoto Fino ifibombelo mapani apa mulilo, amafoloko, amafosholo, amabeseni, naa fyonse fimbi ifya kubomfya pa kyoto. Balyelelwe ukufimba ikyoto ne kiseba ikiweme ikyamantomya ntomya ne kubikako imyaamba ya kupinchilako. ¹⁵ Ulo Aloni ne baana bakwe abalalume bapwililikishe ukufimba inkyende iya mushilo na fyonse ifibombelo, kabili ulo aba mu kampu baya kuntanshi, elo aba mu kifyashi kya kwa Koyati belelwe ukwisa kupinta inkyende iya mushilo. Kani bakwatako kufibombelo fyamushilo, balyelelwe ukufwa. Ino enkito iya bamukifyashi kyakwa Koyati, Ukupinta ifyakuwamya mwi tente lya kukumanimo. ¹⁶ Eliasi umwana umwalalume wakwa Aloni umumupapatili akalukumona ifya kusunga amfuta amwilampi, ifinunkile bwino, umulambu wanseke, ne mafuta akusabwa. Alamona pafya kusunga bwino ikilonganino kyonse na fyonse ifilimo, inkyende ya mushilo ne fibombelo fyonse. ¹⁷ Ba Yawe balilabile kuli Mose na kuli Aloni. Balilabile ati, ¹⁸ ''Mwe kabasuminisha abamu kifyashi kya mutundu wabena Koyati ukuputulwako kubena Levi. ¹⁹ Kanshi mukakite fi kuli bo pakwebati bakekale ne bumi ne nekubulo kufwa, nga bapalama kufintu ifya mushilo: Aloni ne baana bakwe abalalume balyelelwe ukwingila mukachi, kabili bakatongwele umuntu onse inkito yakwe ne nsambu shakwe. ²⁰ Pano abamukifyashi kya bena Koyati tabelwe ukwingila mukachi mukumona pa nkende iya mushilo, nangu pakashita akanini, pantu kochi bafwa. ²¹ Ba awe balilabile libili kuli Mose. Balilabile ati, ²² ''Pendeni abamukifyashi kyakwa Geshon nabo, ukulingana ne tukolwe twabo ne mikoka yabo. ²³ Pendeni abo abali ne myaka yakufyalwa amakumi atatu ukufika na ku makumi asanu. Pendeni bonse abakalilunda kwibumba mu kubombela mwitente lya kukumaninamo. ²⁴ Ino enkitoiya ba mumukoka wabena Geshoni, ulo balebomba ne fyo bengapinta. ²⁵ Balyelelwe ukupinta amapeembe aakilonganino, mwitente lya kukumaninamo, ifyakufimbapo, ukufimbwa kwa ifiseba ifiweme ifyamantomyantomya ifilipo, ne mapembe aamumulyango wetente lya kukumaninamo. ²⁶ Balyelelwe ukupinta amapembe aamunanda ya kutotolwelamo imilandu, amapempe aamwakupita ku mulyango uukulu uwakuñanda yakutotolwelamo, uuliku bwipi ne kilonganino bwipi ne kyoto, ne ntambo, na fyonse ifya kubomfya mu milimo. ikili kyonse ikyenga bombwa mulifi fyonse, balyelelwe uku kikita. ²⁷ Aloni ne baana bakwe abalalume balyelelwe ukutangilila umulimoonse uwabamu kifyashi kyakwa Geshon, muli kili kyonse ikyo benga twaaala, ukufumya pakifulo kimo, na muli fyonse ifya mu milimo. Mulyelelwe ukubatongwela ku nsambu shabo shonse. ²⁸ Uno emulilo uwa ba mumikoka kifyashi kya bena Geshon uwa mwi tente lyakukumaninamo. Itamala umwana umwalalume wakwa Aloni umupapatilishi alyelelwe ikutangilila mu milimo yabo. ²⁹ Mulyelelwe ukupenda abamukifyashi kyakwa Melali umwaila umikoka yabo, ne kubatanchika umwaila utukolwe twabo, ³⁰ Ukufuma ku myaka amakumi atatu ne kuya peulu ukufika ku makumi asanu. pendeni uuli onse uukalilunda kwi bumba ne kubomba mwitente lya kukumaninamo. ³¹ Ishi ensambu nkito mu milimo shabo shonse mwi tente lya kukumaninamo. Blyelelwe ukusunga bwino amafulea mu kilonganino, ifyela fya peulu, ne mapanda, ne fya kwikakalikapo, ³² ne mapanda aa kuñanda yakutoto lwelamo apepi ne kilonganino, ifyakwikalikapo, ne mpopo, ne ntambo, na fyonse ifyeela. Tanchika pe shina ifintu belelwe ukupinta. ³³ uno emulimo uwakoka wa kifyashi kya bena Melali, ifyo belelwe ukukita pa milimo yamwi tente lya kukumaninamo, mwenka umwilile ubutangishi bwakwa Itamala umwana mwalalume akwa Aloni umupapatilishi. ³⁴ Mose na Aloni ne ntangishi isha mukimasamasa balipendele aba mu kifyashi kya kwa Koyati ku mikoka iya kikota kyabo. ³⁵ Bali bapendele ukufuma pamyaka yakufyalwa amakumi atatu ne kuya peulu ukufika ku makumi asanu. Bali bapendele abenga lilunda kwibumba mukubomba ku milimo yamwi tente lya kukumaninamo. ³⁶ Balibapende 2,750 abalalume abamu mikoka yabo. ³⁷ Ili ebumba lya mumukoka wakwa Koyati aba bombele mwitente lya kukumaninamo. Mose na Aloni balibapendele ukulingana ne kukambisha uko Yawe bapene ukupichila muli Mose. ³⁸ Aba mukifyashi kya kwa Geshon balipendelwe mumikoka yabo, ukupichila mutukolwe twaabo, ³⁹ ukufuma pa myaka yakufyalwa amakumi atatu ukufika ku makumi asanu, onse uwelelwe ukulilunda mukubomba mwitente lya kukumaninamo. ⁴⁰ Bonse abalalume, bali pendelwe kumikoka na kutukolwe twabo, baali 2,630. ⁴¹ Mose na Aloni bali bapendele imikoka yamu kifyashi kyakwa Geshon aba kubomba mwitente lya kukumaninamo. mukukite kino, bali nakiile ifyo ba Yawe baba kambishe ukukita ukupichila muli Mose. ⁴² Aba mukifyashi kyakwa Melali balipendelwe mumikoka yabo ukupichila mutukolwe twabo, ⁴³ Ukufuma pamyaka iya kufyalwa amakumi atatu ukufika ku makumi asanu onsefye alyelelwe ukuli lunda kwibuba mu kubomba imilio yamwi tente lya kukumaninamo. ⁴⁴ Bonse abalalume, abapendelwe mu mikoka yabo na mu tukolwe twabo, bali 3,200. ⁴⁵ Ili ebumba lyaba mu mukoka wakwa Melali, abo Mose na Aloni bapendele ukulingana nefunde lya ba Yawe ilyaishile ne kuboko kwa kwa Mose. ⁴⁶ Penka Mose, Aloni, be ntangishi shaba Ishileli balipendele bonse abena Levi mumikoka yabo mu fikolwe fyabo. ⁴⁷ Ukufuma imyaka yakufyalwa amakumi atatu ukufika ku makumi asanu. Balipendele onse uulingale ukubomba mu kilinganino, ne bakupinta ne kusunga ifipe fya mwi tente lya kukumaninamo. ⁴⁸ Balipendele abalalume 8,580. ⁴⁹ Pefunde lyaba Yawe, Mose alipendele umwalalume onse, ukutwalilila ukupenda umo umo ukulingana ne milimo batongwelwe ukukita. Alipendele pa muntu ukulingana ne nsambu enga kwata. Mukukite fi balinakile ifyo ba Yawe bakambishe ukukita ukupichila muli Mose.