¹ Ba Yawe balilabile kuli Mose. Alilabile ati, ² ''Kabakambishe abantu bamu Isilaeli ukutamfya uuli onse uuli no balwele bwa munkanda umkambi, na bonse abali ne fipwelonda, nabali bonse abali nefiko ukupitila mukwita umunili uufwile. ³ Nangu mwalalume nangu mwanakashi, ufwile waba fumya pesonde ya nkambi. Tabafwile ukukowesha nkambi, pantu emo ngikala.'' ⁴ Abana bamu Isilaeli kabakita fyenke fyo. Bali bafumishemo mu nkambi, kwati efyo ba Yawe bamukambishe Mose. Abana ba Isilaeli bali nakile ba Yawe. ⁵ Ba Yawe bali labile kuli Mose ilyabubili. Alilabile ati, ⁶ ''Labila kubana ba Isilaeli. Nga umwalalume nangu mwanakashi ngaakita ikyakubifyakyonse kwati ni filya abantu bakita kubana nabo, kabili ali uwakubula bukushinka kuli nemo, ulya muntu ninshi wa mulandu. ⁷ Kabili afwile ukufisulua ububi bwakwe uboo akitile. Afwile ukulipila pa mulandu wa mulandu wakwe ne kubikapo umutengo kimo pafisanu, Alilingile ukupanefi kuli ulya muntu apangileko umulandu. ⁸ Lomba kani ulya umuntu uyo apangileko umulandu takwetepo abalongo pabwipi abakapoka amalipile, afwile alipila pa wakubifya kwakwe kuli nemo ukupitila mumupapatilishi pamo no mukoka umulume uwaku lifutila ukubifya kwakwe. ⁹ Umulambu onse uwa bana ba Isilaeli, Ifintu filya babika pambali no kufileta kumupapatilishi naba ba Isilaeli, fikaba fyakwe. ¹⁰ Imilambu isha muntu onse shikaba shamupapatilishi; nga kya kwebati uli onse nga apana ifi fyonse kumupapatilishi, fikaba fyakwe.'' ¹¹ Nalibile, bakwe kabalabila kuli Mose. Kabalabila ukwebati, ¹² ''Labila kubana bamu Isilaeli. Labila kuli bo ati, ''Nga kya kwebati umwanakashi akana umulume wakwe nokukita ikibipile kumulume wakwe. ¹³ Kani umwalalume alala naye kabili kyafisamika kumenso amulume wakwe nekubula ukwishibikwa nangaba ati alikowesha umwine, kabili takulipo imboni ishakumupela umulandu. Ili taikatilwe pakukita ikibipile. ¹⁴ Nangu ba efyo, umupashi wabukwa alilingile fye ukumubula umulume ukwebati umukashi wakwe alikowesha. Nangu nififyoumupashi wabukwa uukulu koti waisa kumwalalume nga kyakwebati umukashi wakw tali kowesheshe. ¹⁵ Imilandu shakubefi, umwalalume afwile ukuleta umukashi wakwe kumupapatilishi. Umwalalume afwile ukutwala umulandu uwaku mwimakaninako, ikyekumi pakipimo kya bungo. Tafwile aitilapo amafuta nangu ne kubula ukubikapo ifinunka bwino, pantu ali mulambu wanseke uwa bukwa, umulambu wanseke uwa kwanukilako, kwati kya kwanukilako ikibipile. ¹⁶ Umupapatilishi afwile ukumuleta umwanakashi kubwipi ne kumubika kumenso aba Yawe. ¹⁷ Umupapatilishi afwile asende amenda aaswetele munkomeki nokutola ifukutu ukufuma panshi ya mulenda. Akabike ifukutu mumenda. ¹⁸ Umupapatilishi ali nekubika umwanakashi ku menso aba Yawe kabili ali nekukakula imishishi sha mwanakashi isha kumutwi wakwe. Ali nekubika umulambu wanseke mu maboko amwanakashi uwakwanuka, uyo uli mulambu wanseke uwakubula ukukelekela. Umupapatilishi ali ne kukwala mukuboko kwakwe amenda aakulula aenga leta ifingo. ¹⁹ Umupapatilishi ali ne kubika umwanakashi mukulapa nekulabila kuli ye ati, nga kya kwebati umwalalume uli onse talelepo na webo, kabili nga tawapasukilepo ne kukita ikibipile, penka ukaba ukakulukile ukufuma kumenda aakulula ayo aenga leta amafingo. ²⁰ Kani kine wapasuka, ngabati uli panshi ya nsambu yamulume obe kabili ne kuli kowesha we mwine, ne mwalalume umbi akita ubukende na webo. ²¹ Penka, (umupapatilishi akalenga umwanakashi ukutipa ulutipa ulo ulwingaleta amafingo paliye kabili ali ne kutwalilila ukulu kulabila kumwanakashi) ati ba Yawe bali ne kukulenga webo ukuba ifingo ikya kumweneshako ku bantu bobe ukuba fyenkefyo. Iki kili ne kukitika nga ba Yawe balenga ifiso ukonaika nekapafu ukufimba. ²² Aya amenda aaleta ifingo ali ne kuya mukapafu kobe ne kulenga akapafuukufimba ne fiso fyobe ukonaika. 'Eli umwanakashi ali ne kwasuka ati, 'ee, lekeni ikyo kimoneke ngandi uwa mulandu.' ²³ Upapatilishi ali ne kulemba aya mafingo mwiibuku, kabili ali ne kusanfya amafingo aalembelwe mumenda akulula. ²⁴ Umupapatilishi ali nokulenga umwanakashi ukunwa amenda akulula ayo aaleta amafingo amenda ayo aaleta amafingo ali no kwingila muliye umwanakashi ne kuba aalulile. ²⁵ Umupapatilishi ali nekutola umulambu wanseke uwa bukwa ukufuma mukuboko kwa mwanakashi. Ali ne kwimyala peulu umulambu wanseke kumenso aba Yawe nekuuleta pa kyonto. ²⁶ Umupapatilishi ali ne kutola umulambu wanseke mukuboko kwakwe kwati mulabu wakwimakaninako, ne ku okya pakyonto. kabili ali ne kumupela umwanakashi amenda aalulile ne kunwa. ²⁷ Ili amupela umwanakashi amenda ukunwa, nga ali ukowelele pamulandu wakupanga ikibipile kumulume penka amenda aaleta amafingo akengila muliye ne kuba aalulile. Akapafu kakwe kuli nekufimba nrfiso fyakwe fili nekonaika. Umwanakashi ali nekufingwa mukati ka bantu bakwe. ²⁸ Lomba kani ali umwanakashi takowelelepo kabili nga ali mutubile afwile akakulwa. Ali nekufikilamo ukufyala abana. ²⁹ Ili lifunde ilya bukwa. Ili lifunde lya mwanakashi ukufuma kumulume wakwe ne kulikowesha. ³⁰ Lifunde lya mwalalume uuli ne mupashi wabukwa kumukashi wakwe. Aka mulete umukashi wakwe kumenso aba Yawe, Ne mupapatilishi ali nekukita fyonse kumwanakashi ifyo ili ifunde lya bukwa lilondolola. ³¹ Umwalalume akaba ukakulukile kumulandu wakuleta umukashi wakwe kumupapatilishi. Nemwanakashi akasende imilandu shonse esho alii ne kasangwa nasho.''