¹ Pano ili elyashi lya kifyashi kya kwa Aloni na Mose impindi ba Yawe balabile kuli Mose pa lupili lwa Sinai. ² Amashina abana bakwa Aloni abalalume bali ni Nadabi uwabuleli, na Abiu, Eliaza, kabili na Itama. ³ Aya emashina abana bakwa Aloni, umupapatilishi uwasubilwe kabili ne kupyanikwa ati abombe nkonto ya bupapatilishi. ⁴ Lomba Nadabi na Abiu kabafwa ku menso a ba Yawe ili bapaine umulambu wa mulilo uutapokelelwepo kuli ba Yawe mupanga ya Sinai. Adabi na Abiu tabakwetepo abana, kashi enka Eliaza kabili: na Itama ebalebomba kwati bapapatilishi pamo na wishibo Aloni. ⁵ Ba Yawe balilabile kuli Mose Balabile ati, ⁶ ''Leta umukoka wa bena Lefi ne kubapela kuli Aloni umupapatilishi ba ka mwafwako. ⁷ Bafwile babomba inkito kwimakaninako Aloni ne kimasasa kyonse ku menso atente ya mwakubungena. ⁸ Bafwile babomba mwi tente mwakubungena Bafwile basunga bwino fyonse fipe fya mwi tente ya mwakubungena, kabili bafwile baafwako mukoka wa bena Isilaeli ukubomba inkinto ya mwi tente wa kubungenamo. ⁹ Ufwile wabapela bena Lefi kuli Aloni ne bana bakwe abalalume. Balipela ne mutima onse ukubombela bantu bamu Isilaeli. ¹⁰ Ufwile wasonta Aloni ne bana bakwe kuba bapapatilishi, Lomba umwina fyalo onse uukapalaminako afwile aipaiwa. ¹¹ Ba Yawe kabalabila kuli Mose. Ba mwebati, ¹² ''Mona, nabafumyamo abena Lefi mu bantu ba Isilaeli. Nakitefi mukifulo kyakupinta abana bonse abalalume ababeli abalalume abafyele mukati ka bana ba Isilaeli. Bena Lefi bangi. ¹³ Ababeli bonse bangi. Pabushiku nabalukukile ababeli bonse mu kyalo kya Injipita, Nalilile pambali nemwine ababeli bonse bamu Isilaeli, abalalume bonse ne nama shonse. Bangi ni nemo Yawe'' ¹⁴ 'Ba Yawe balabila kuli Mose mupanga ya Sinai. Balabile ati, ¹⁵ ''Penda fikota fya bena mu kifyashi kyonse, kya kifyashi kyabo. Penda mwalalume onse uuli ne mwenshi umo ne kukilapo.'' ¹⁶ Mose kabapenda, ukukonka ishiwi ya ba Yawe, koti nifi akambishiwe ukukita. ¹⁷ Amashina abana bakwa Lefi abalalume abana babo bali Geshoni, Koati, na Melali. ¹⁸ Imikoka ukufuma ku bana bakwa Geshoni bali Libini na Shimei. ¹⁹ Imikoka ukufuma ku bana bakwa Koati abalalume abali Amulamu, Izha, Ebuloni, na Uzilya. ²⁰ Imikoka ukufuma ku bana balalume bakwa Melali bali Moli na Mushi. Iyi emikoka ya bena Lefi, iyatachikilwe mukoka pa mukoka. ²¹ Imikoka ya bena Iibini nebena Shimei yalifumine kuli Geshoni. Uyu emukoko wa bena Geshoni. ²² Abana balalume bonse kutampila ku uli ne mwenshi umo kufika na kumukulu balipendelwe, bonse pamo bali 7,500. ²³ Imikoka ya bena Geshoni bafwile bakasompele nkambi yabo kumboshi ya tempele. ²⁴ Elisafi mwana umwalalume wakwa Laeli afwile akatungulule imikoka iya mukifyashi kyabena Geshoni. ²⁵ Bamukifyashi kya kwa Geshoni bafwile basunga bwino itente ya kubungenamo ukubikapo lukoso ne tempele. Bafwile basunga bwino itente, ikyakufimbapo, ne kipembe ikibofiwa nga mulyango waku tente wakubungenamo. ²⁶ Bafwile basunga bwino nefyakobaikwa kukipango, kimpembe kyapa mulyango wa Lukolo - ne kukilambwilo. Bafwile basunga bwino intambo yakwi tente ya mwakubungena kabili na fyonse ifilimo. ²⁷ Iyi mikoka yafuma kuli Koati: umukoka wa bena Amulami, umukoka wabena Izha, umukoka wabena Hebuloni, kabili ne mukoka wabena Uzilya. Iyi mikoka ya bena Koati. ²⁸ Abalalume 8,600 ebapendelwe kutampila ku wa mwenshi umo kifika ku mukulu babe kubakusunge fintu fya ba Yawe. ²⁹ Imikoka ya bena Koati ifwile ikekalile kubulenge ye tempele. ³⁰ Elizafwani umwna mwalalume wakwa Uzilya afwile akatungulule imikoka ya bena Koati. ³¹ Bafwile basunga bwino imbokoshi ya mafunde, itebulu, kyakutulapo amalampi, ifyonto, ifintu ifiswetele babofya mu nkito yabo, ikipembe, kabili ne nkito yonse iya shingulukileko. ³² Eliaza mwana mwalalume wakwa Aloni mupapatilishi afwile akatungulule abalalume abatungulula bena Lefi. Afwile akabe ntungulushi ya kubasopa balalume abasunga impusha ya mushilo. ³³ Imikoka ibili yafuma kuli Melali: mukoka wa bena Moli ne mukoka wa bena mushi. iyi mikoka yafuma kuli Melali. ³⁴ 6,200 abalalume abali ne mwenshi umo ne kufika kumukulu ebapendelwe. ³⁵ Zulya umwana umwalalume wakwa Abiyale afwile akatungulule mukoka wa bena Melali. Bafwile bakasompele ne kwikalila kabeta kabuyeke kulubali lya tempele. ³⁶ Ikifyashi kya kwa Melali bafwile bakaasunge bwino ifya kwimikilako tempele, imyamba ya fyela, ifimpampa, ifilindi, ifya kushitishako, na fyonse ifyakuma kuli fifi, apali ³⁷ amapanda ne fimpampa fya mukipango ifishingulukile kwi tempele, kubikapo ne fyakwashi shako, fyakwikatishako, ne ntambo. ³⁸ Mose na Aloni bafwile bakekalile ku mutubesuba wa tempele, patangile ya tente mwakubungena, kulolenkana ne kufumina kasuba. Ebaline mulimo wakufikilisha nkito yonse mwamushilo kabili ne nkito yonse ya bena Isilaeli. mwina fyalo onse uukapalamina ku mwamushilo afwile akepaiwe. ³⁹ Mose na Aloni bali mpendele abalalume bonse mu mikoka ya bena Lefi abali ne mwenshi umo kifika naku mukulu, koti ifi ba Yawe bamukambishe. Bali pendele abalalume 22,000. ⁴⁰ Ba Yawe bamweba Mose, ''penda ababeli bonse abalalume bamu bena Isilaeli ukutampila ku wa mwenshi umo kufika na kumukulu. Tachika mashina abo. ⁴¹ Ufwile wa patulako bena Lefi babe bangi - ni nemo Yawe - mukifulo kya babeli bonse ba bena Isilaeli, kabili ne fitekwa fya fifyashi fya bena Isilaeli.'' ⁴² Mose kabapenda bonse ababeli babena Isilaeli ngefyo ba Yawe ba mukambishishe ukakita. ⁴³ Alipendele ababeli bonse abalalume pe shina, aba mwenshi umo ne bakulu kapenda 22,273 abalalume. ⁴⁴ Nalimbi, ba Yawe kabalabila kuli Mose. Ba mwebati, ⁴⁵ ''patulako bena Lefi babe bangi mukifulo kya babeli bonse aba mu bena Isilaeli, kabili patulako ne fitekwa fya bena Lefi mu kifulo kya fitekwa fya bena Isilaeli. Bena Lefi bangi - ni nemo Yawe. ⁴⁶ Ufwile wa kolonganika mashekele asanu imo pa muntu imo pa muntu akukakulwa ababeli 273 ababena Isilaeli abo abafula kukila bena Lefi. ⁴⁷ Ufwile ukabofye kipimo kya shekele ikya mwa mushilo. Ishekele imo pamo na magela aali amakumi abili. ⁴⁸ Ufwile ukapele umutengo wa kulubulwa uo wapele aloni ne bana bakwe abalalume.'' ⁴⁹ KanshiMose alikolonganikile pamo ifyo bapele ifya kulubulwa ifyapene abena Lefi. ⁵⁰ Mose alikolonganikile ndalama kufuma kubabeli bonse ababena Isilaeli. Ali kolonganikile amashekele 1, 365 aalinekulema kwa shekele wa mwa mushilo. ⁵¹ Mose alipele ii ndalama ya kulubulwa kuli Aloni ne bana bakwe abalalume. Mose kakita fyonse ifi bamwebele kwi shiwi ya ba Yawe, ngefi ba Yawe ba mukambishe.