¹ Ba Yawe kabalabila libili kuli Mose na Aloni. ka Labila, ² Umuntu onse umwina afwile aikala mu nkambi ukulingana nekufwaya kwakwe, nemambandela eyaaba wishibo ayamañanada aya wishibo. Bakaba munkambi ukushinguluka itente lya kukumaninamo kumbali shonse, ³ Kuli babo abakaba munkambi ya kukabanga iye tente lya kukumaninamo, uko aka suba kafumina ba munkambi yakwa Yuda kabili bali munkambi ukulingana nekufwaya kwabo. Nashona umwana wakwa Amminadabi nitangishi ua bantu bakwa Yuda. ⁴ Nependwa ya bantu abena Yuda yali 74,600. ⁵ Nemikoka yakwa Isaki ikabe munkambi mupepi na Juda. Nafelo umwana wakwa Zuwa akatangilile aba shilika bakwa Isaki. ⁶ Nempendwa mufipimfwa ili 54,400 abalalume. ⁷ Nemukoka wakwa Zebuloni ekabe munkambi mupepi na Isaki. Eliyabi umwana wakwa Heloni akatungulule aba shilikale ba Zebuluni. ⁸ Ne pendwa mufipimfwa ili 57,400. ⁹ Impendwa shoseisha nkambi shakwa Juda shili 186,400. Ebakabalipo ukufuma. ¹⁰ Nkupusha yaku kabeta ka bulenga kukaba inkambi yakwa Rubeni ukulingana nekufwaya kwabo. nentangishi munkambi yakwa Rubeni ni Eliza umwana wakwa sheba. ¹¹ Nempendwa mukuyabanya ili 46,500. ¹² Simyoni ali makambi mupepi na Rubeni. Uwa kabu tangilila aba bantu bakwa Simyoni ni shelumyele umwana wakwa Zuishaddai. ¹³ Nempendwa mukuyabanya ili 59,300 ¹⁴ Nemukoka wafwa Gade ali kuntashi Nentangishi ya bantu Gade ni Elisapo umwana wakwa Duwelo. ¹⁵ Nempendwa yamufipimfwa ili 45,650. ¹⁶ Impendwa yaba lalume bonse aba nsotelwe ku nkambi yakwa Rubeni, ukulingana ne kwabanikwa kwabo, ili 151,450. Ba kafuma abakibili. ¹⁷ Ikyankokapo, litente lya kukumaninamo nalyo kufuma munkambi nebena Lefi pakati kankambi yonse. Bakaye nekufuma mu nkambi mushila imo baishilamo mu nkambi. Onse umwalalume abemumpusha yakwe, apali imbandela. ¹⁸ Kulubali lwa kumboshi kukaba ukwabanya kwa nkambi yakwa Efulemu ukupitila mukulingana nekufwaya kwabo. Intangishi yaba bantu abakwa Efulemu ni Elishama umwana wakwa Ammiluda. ¹⁹ Nempendwa mukuyabanya ili 40,500. ²⁰ Ukunkokapo kulibo mushobo wakwa Manasseh. Intangishi yakwa Manasseh ni Gamalyela umwna wakwa Pedazure. ²¹ Impendwa mukuyabanya ili 32,200. ²² Ukunkoka ukaba mushobo wakwa Benjamini. Intangishi wakwa Benjamina ni Abidani umwana wakwa Gidyoni. ²³ Impendwa mukuyabanya ili 35,400. ²⁴ Abo bonse aba pendwa munkambi yakwa Efulemu bali 108,100. Bakafuma aba butatu. ²⁵ Kukabeta kabuyeke kukaba ukwabaninamo munkambi yakwa Dani. Itangishi yabantu bakwa Dani ni Ayeza umana wakwa Ammishaddai. ²⁶ Impendwa mukuyabanya ili 62,700. ²⁷ Abatnu aba nutundu wakwa Asha munkambi yakkonkelepo kuli Dani. Intangishi yabena Asha ni pagile umwana wakwa Okanani. ²⁸ Impendwa mukuyabanya ili 41,500. ²⁹ Umutunduwakwa Nafetali iya konkelepo. Intangishi ya Nafetali ni Ahina umwana wakwa Enani. ³⁰ Impendwa mukuyatanya ili 53, 400. ³¹ Abo bonse aba pendelwe munkambi yakwa Dani ili 157,600. Bakaya ukufuma munkambi abakupelako, nembandela shabo.'' ³² Aba abena Isilaeli, aba pendelwe ukulingana ne kifyashi kyabo.'' Abo bonse aba pendelwe munkambi, mukwabanya, bali 603,550. ³³ Lomba abena Lefi tababapendele pamo nebana ba Isilaeli, ngefyo ba Yawe ba kambishe Mose. ³⁴ Abana ba Isilaeli balikitile fyonse ifyo ba Yawe bakambishe Mose. Bali munkambi ya mbandela shabo. Balifumine munkambi ukunkoka nemikoka, kulinga nefikolwe fya bafyashi babo.