¹ Penka ba Yawe balilabile kuli Mose. Balilabile ati, ² ''Tumapo abalalume bamo ukuya mukumona ikyalo kya Kenani, ikyo napela ku bena Isuleli. Tumapo umwalalume umo umo ukufuma mu mikoka ya fikolwe fyabo. Kila mwalalume afwile ukuba ni ntangishi pakachi kabo.'' ³ Mose alibatumine ukufuma mu mpanga ya palani, pakwebaati banakile umukambisho wa ba Yawe. Bonse aba bali nintangishi pakati kabena Isuleli. ⁴ Aya eali mashina abo: ukufuma ku mukoka wakwa Lubeni, Shamuwa umwano mwalalume uwakwa Zaka; ⁵ Ukufuma mu mukoka wakwa Simyoni, Shafati umwana wakwa Olo; ⁶ Ukufuma mu mukoka wakwa Yuda, Kalebu umwana wakwa Yefune; ⁷ Ukufuma mu mukoka wakwa Isaki, Igao umwana wakwa Yosefu; ⁸ Ukufuma mu mukoka wakwa Efulemu, Osheya umwana wakwa Nuni; ⁹ Ukufuma mu mukoka wakwa Benjamini, Pauti umwana wakwa Lafu. ¹⁰ Ukufuma mumukoka wakwa Zebuluni, Gadyeo umwana wakwa Soji; ¹¹ Ukufuma mu mukoka wakwa Yosefu (emukulabila ati, ukufuma mu mukoka wakwa Manase), Gadi umwana wakwa Susi; ¹² Ukufuma mu mukoka wakwa Dani, Amiu umwana wakwa Gemali; ¹³ Ukufuma mu mukoka wakwa Asha, Seta umwana wakwa Maiko; ¹⁴ Ukufuma mu mukoka wakwa Nafitali, Nabi umwana wakwa Vofisi; ¹⁵ Ukufuma mu mukoka wakwa Gadi, Geweo umwana wakwa Maki. ¹⁶ Aya eyali mashina ya balalalume abo Mose atumine ukuya mukumone mpanga. Mose alitile Osheya umwana umwalalume uwakwa Nuni uweshina lya bu Yoshiwa. ¹⁷ Mose alibatumine ukuya mukumone kyalo kya Kenani. Alilabile kulibo ati, kabiyeni ku kyalo kya Negevi nokuya ku kyalo kya mpili. ¹⁸ Mukakifwailishe bwino ikyalo nokmonefi kili. mukabamweneshe bwino abantu abekalamo, kani bakosele kani banakile, kabili kani banini nangu bengi. ¹⁹ Mukamone ikyalo ifikili umubekala. Kani kiweme nangu kibipile? Insa mishi shilimo? Kani mishi shili koti ni nkambi, nangu mishi ishili namalinga? ²⁰ Mukamone umushili ifyo ali, kani muweme ukulimamo ifya kulya nangu yo-o, kabili kani muli ifiti nangu yo-o. Mube abakosele kabili mukale tepo ne fisepo fya mu kyalo. Lomba iyo mpindi yali yakutaliko kupya kwa fisepo. ²¹ Penka aba abalalume kabaya mukumweneshe kyalo ukufuma ku mpanga Zini ku Liobu, kubwipi na Lebo Amati. ²² Balile ukufumine ku Negevi nokufika pa Ebuloni. Aimani, Sheshai, na Tomai, aba mu kifyashi kyakwa Anaki, bali penka. Lomba Ebuloni wali kulilwe imyaka isanu na ibili apo tabanga kula umusahi wa Zowani mu kyalo kya Injipiti. ²³ Ili bafikile kumukolo wa Eshikoli, bali putwileko umusampi ukwali ifisepo. Bali kitembakene pa mutembo pakati ka bantu babili. Kabili balipinchile ifisepo kwati mapomegulanchi na makuyu. ²⁴ Palya pantu palichilwe achi umukolo wa Eshikola, pantu epo baputwile umusampi ukwali ifisepo kubena Isuleli. ²⁵ Panuma ya nshiku amakumi ane, balibwelele ukufuma ku kyalo baile mukupikita. ²⁶ Balibwelele kuli Mose, Aloni, na ku kimasamasa kyonse ikyabena Isuleli mu mpanga ya palani pa Kadeshi. Balibweseshe amashiwi kuli bo kabili na kukimasamasa kyonse, no kubalangisha ifisepo ifyafumine kuliki kyalo. ²⁷ Balimwebele Mose, ''Twalifikile ku kyalo watuutumine. Ikine kiliswile umukaka no buki. Ifi efifumamo. ²⁸ Nangi befyo, abantu abekele mulya bakosele ikine makosa. Imishi shili namalinga kabili. Shikulu makosa kabili twalimwene ne fikolwe fyakwa Anaki kulya. ²⁹ Abena Amaleki balekala mu Negevu. Abena Hiti, Jebusi na Amoli balikele mukyalo kya mpili. Abena Kenani balikalile kumusesho wa menshi na ku musesho wanika ya Yodani.'' ³⁰ Penka kalebu kabashilikishapo abantu abali kuli Mose nokubeba ati, ''Twendeni tuye tukapoke ubupyani bwa kyalo, pantu fwebo kuti twakwanisha ukukimfya.'' ³¹ Pakuti bambi abalalume abaile nakwe kabalabila ati, ''Teti tuba kwanishe ukulwa nabo aba bantu pantu balikosele ukutukila.'' ³² Kanshi balitulishe ilyashi ilyakuba bweshamo panuma abena Isuleli palwaiki kyalo baile mukumona. Balilabile ati, ''Ikyalo twaile mukumona kilalya abantu bakiko. Abantu bonse aba twamwene kulya balikwete fimo ifitali sana. ³³ Kulya twalimwene abantu aba makosa, ifikolwe fyakwa Anaki, abantu abafumine ku bantu abakosele. Mumenso esu twalemoneka koti ni batete mukulyeshanya nabo, kabili nefi efyo twalemoneka mumenso abo, nafwebo.''