¹ Bulya bushiku ikimasamasa kyonse kyalililile ne shiwi ilikulu. ² Bonse abantu bakwe Isuleli bali mulilile Mose na Aloni. Ikimasamasa kyonse kyalilabile kuli bo ati, ''Kyaliwemepo kanshi kani twalifwilile lukoso mu kyalo kya Injipita, nangu muno mu kiselebwa! ³ Mba nindo ba Yawe batuletela ku kyalwe ki mukufwa ku mpoko? Abakashi besu na bana besu ebakatapwa. Kanshi takyelelwe fwebo ukubwelelamo ku Injipita?'' ⁴ Kabalilabilisha abene na bene ati, ''Tusale intangishi imbi, kabil twendeni tubwelele ku Injipita.'' ⁵ Penka Mose na Aloni balifuneme pa menso ebungamo lya bantu bonse abena Isuleli. ⁶ Yoshuwa umwana wakwe Nuni na Kalebu umwana wakwe Yefune, abali muli balya abo batumine ukuya mukumone kyalo, balitabwile ifyakufwala fyabo. ⁷ Balilabile kukimasamasa kyonse ikya bantu bakwe Isuleli. Balilabile ati, ''Íkyalo ikitwapichilemo no kukimona kyalo ikiweme makosa. ⁸ Kani ba Yawe basekelamo muli fwebo, penka bakatutwala muliki kyalo nokukipana kuli fwebo. Ikyalo ikituluka umukaka nobuki. ⁹ Pano mwipondokela ba Yawe, kabili mwichina abantu aba mu kyalo, pantu bo mukate kuli fwebo. Ubukingo bwabo bukafumishiwapo pali bo, pantu ba Yawe bali na fwebo. mwibachina yo-o.'' ¹⁰ Penka ibumba lyonse lyalilabile ukuba toba amabwe. Lomba ubuleme bwa ba Yawe bwalimonekele petente lye bungano ku bantu bonse abena Isuleli. ¹¹ Ba Yawe balilabile kuli Mose ati, ''Ni mpindi shinga isho aba bantu bakansula nemo? Nimpindi shinga isho bakafwilwa ukunketekela nemo, nangaba ifishibilo fyonse ifya makosa angi ifyo nakichile muli bo? ¹² Nkabapama no mwealo, nokubashina nganya, kabili nokulenga ukufuma kukikota kyobe umushobo ukubo mukulu kabili ukosele uwakubakila.'' ¹³ Mose alilabile kuli ba Yawe ati, ''Kani mwakitefyo, penka abena Injipita bakakyumfwa, pantu mwalibapokolwele aba bantu ukufuma kuli bo kumakosa enu. ¹⁴ Bakalabila kubekashi baiki kyabo. Balyumfwile ati mwebo, ba Yawe, muli naba bantu, mulaboneka impumi ne mpumi. Ikumbi lyenu lilemakana peulu ya bantu besu. Mulabatangilila mwikumbi ilimakene mumpindi ya kasuba kabili mumulimo ilwimakene mu mpindi ya bushiku. ¹⁵ Pano kani mwebo mubepaye aba bantu koti muntu umo, penka ifyalo fyonse ifyumfwile inkuwa yenu fikalabila ati, ¹⁶ Pantu ba Yawe teti babatwale aba bantu mu kyalo ikyo alapile ukubapela bo, abepaila mukiselebwa.' ¹⁷ Pano, namipapateni, bomfyeni amakosa enu aakulu. pantu mwebo mwalabila ati, ¹⁸ ''Ba Yawe balakokolo kufitwa kabili baliswile no kutemwa. Balalekela ububi no kulufyanya. Takabalekepo lukoso abakulufyanya ukwakubulo kubapensha pa mulandu wa bubi bwafikolwe fyabo pa bana babo, kunkulo ya butatu ne ya bune.' ¹⁹ Fitulukile, na mipapateni, ububi bwa aba bantu pa mulandu wa bukulu bwa kipangano kyenu ikya mukiketekelo, kwati fyenka muba fitulukilako aba bantu lyonse ukufuma impindi bali mu Injipita ukufika nalelo.'' ²⁰ Ba Yawe balilabile ati, ''Nabafituluukila ukukonka nokulomba kobe, ²¹ Pano ikine, koti ifi ndi no mweo, kabili kwati ikyalo kyonse kiswile no buleme bwangi, ²² Abo bonse abantu abamwene ubuleme bwangi kabili ne fishibilo fya makosa ifyo nakichile mu Injipita na mukiselebwa - bakingesha nemo impindi ishili ikumi kabili tabomfwile kwisshiwi lyangi. ²³ Kansshi nalabila ati ikyakine tabakakimone ikyalo ikyo nalaile ifikolwe fyenu. Tapali nangu umo pali balya abandengulwile uukakimona, ²⁴ Kani lukoso umupwingishi wangi kalebu, pantu ye ali no mupashi uupuseneko kabili nokunknka nomuchima wakwe onse. Nkamuleta mu kyalo umu aile, na bana bakwe bakapinto bupyani bwakiko. ²⁵ (Lomba abena Amaleki nabena Kenani balikele mu mukolo.) Mailo alulukeni kabili nokuya mu kiselebwa kunshila ya ku kishiba ikyamatete.'' ²⁶ Ba Yawe balilabile kuli Mose nakuli Aloni. Alilabile ati, ²⁷ ''Nimpindi shinga isho ningaleka iki kimasamasa ikibipile ukungebaula? Naumfwa ukulilishanya kwa bantu bakwe Isuleli pa mulandu wakwe nemo. ²⁸ Labila kuli bo ati, ''Fyenka ndi no mweo, 'efyalabila ba Yawe, 'koti fyenka mwalabila mu matwi angi, nkakitefi kuli mwebo: ²⁹ Ifitumbi fyenu fikala muliki kiselebwa, mwebo bonse mwebalilishe nye pa mulandu wanemo, mwebo mwe mwapendelwe mu mpendwa, impendwa ya bantu bonse abakulilile ukufuma pa myaka amakumi abili kabili nokuya peulu. ³⁰ Ikine tamwakaye mu kyalo iki namilaile ukuba kyakwikalamo kyabo, kanifye kalebu umwana wakwa Yefune na Yoshuwa umwana wakwa Nuni. ³¹ Pano abana benu abanini abo mwalabile ati bakatapwa, nkabafisha mu kyalo. Bakakishiba ikyalo ikyo mwakana! ³² Pano mwebo, ifitumbi fyenu fikalala muliki kiselebwa. ³³ Abana benu bakaba bembeshi ba mbelele mu kiselebwa pa myaka amakumi ane. Bakapinta ukusomenwa pa mulandu wakupondoka kwenu ukufika lukoso nefyo ifitumbi fyenu fikapwa mu kiselebwa. ^{34 35} Ukulingana ne mpendwa ya nshiku isho mwafwaili