¹ Penka Milyamu na Aloni kabalilishanya kuli Mose pakupa umwanakashi umwina kushi. ² Kabalabila ati, ''Kanshi ba Yawe balilabile lukoso kuli Mose? Kanshi tabalabile nakuli fwebo?'' Elyo ba Yawe kabomfwa ifi balabile. ³ Pano uyu muntu Mose ali uutekenye, ukukilapo pa muntu onse pa kyalo. ⁴ Penkapo lukoso ba Yawe kabalabila kuli Mose, Aloni, na Milyamu: ''Fumeni, mwebo batatu, kwi tente lye bungamo.'' kabili bonse batatu bali fuminemo. ⁵ Penka ba Yawe kabekila pansi mwi kumbi ilimakene. Alimakene pa mulyango we tente nokwita Aloni na Milyamu. Bonse babili balshile. ⁶ Ba Yawe kabalabila ati, ''pano umfweni kwishiwi lyangi. Kani kasesema wangi ali na mwebo, Nkalifisulula ne mwine kuli ye mufimonwa kabili nokulabila kuli ye mufiloto. ⁷ Umubomfi wangi Mose tefyo ali ye wa kishinka mu ñanda yangi yonse. ⁸ Ndalabila kui Mose akanwa ne kanwa, te mufimonwa nangu mu fishimi. Ye alamona bu Lesa bwangi. Shanya kumubomfi wangi, Mose?'' ⁹ Ubukali buba Yawe bawlibabukile, kabili alibashile. ¹⁰ Ikumbi lyalimine ukufuma peulu ye tente, kabili Milyamu penka alikwetwe ne mbumba - alitubile nomwine tuu. Ilyo Aloni aalulukile kuli Milyamu, alimwene ukwebati ali ne mbumba. ¹¹ Aloni kalabila kuli Mose, ''Kapa, mwitupelo mulandu. Twalabile fya kutumpa, kabili twakito bubi. ¹² Napapata mwimuleka abo koti mwana uwafyalwa bukumo wafwa uyo umubili wakwe waonaikile pakufuma mumala yakwa nyina.'' ¹³ Penka Mose kaita ba Yawe. Alilabile ati, ''Napapata mupodheni, Lesa, napapata.'' ¹⁴ Ba Yawe balilabile kuli Mose, ''Kani bawishi balimushipilile amate pa menso, kani alikwete nsoni pa nshiku pesonde ya nkambi pa nshiku shisanu na shibili. Panuma yafifyo umubweshe libili mukati.'' ¹⁵ Penka Milyamu alisalilwe pesonde ya nkambi pa nshiku shisanu na shibili. Abantu tabaendela ukfikafye na kumpindi abwelele munkambi. ¹⁶ Panuma yafifyo, abantu bali tendekele ukenda ukufuma ku Hazeloti nokupanga inkambi mu mpanga ya palani.