¹ Yesu kalabila kuba sambile bakwe ati, ''Kilishibanikilwe ati kukaba ifyakulitutulako, lomba akashamo kuli ulya umo bakeshila! ² Kyalino kuba bwino ukumukakula amabwe mumukoshi ne kumuposa munika ukukila ukulenga umo ukulituntula. ³ Mulelaba mwebene. Unenu nga apanga mulandu, mukalipileni, kabili nga alapila, mulekeleni mulandu. ⁴ Nga aminpangeni mulandu imiku isanu na ibili mukasuba kamo, kabili naye aisa kuli mwebo imiku isanu na ibili mukulyebelela, ne kulabila ati, 'nalapila, 'mufwile ukulekela ku milandu. ⁵ Penka abatumwa kabalabila kuli Shikulu ati, ''kusheni ikiketekelo kyesu. ⁶ ''Eli Shikulu alabile ati, nga kyakwebati lwamastate, mukalabila kukichi kya malubeni ati, ''shulikapo, ne kubalya mukinika, 'kabili nakyo kikaminakila. ⁷ Kabili ninani pali mwebo, ukwete uwamilimo ulimo ne ñombe neli ukulama mbelele ulabila kuli ye nga afuma mwibala mukubomba ati, 'Isa bwangu kabili wikale ne kulya'? ⁸ Kanshi takalabile kuli ye ati, mpeukanisheko ifya kulya, ne kubika umuponda mufyakufwla fyobe ne kumpela ukufika namukupwisha ukulya ne kunwa. Eli panuma mukalya ne kunwa'? ⁹ Kabili tatashapo uwamilimo pakuchi pamilimo abo mbele lyo bamukambishe, efyo akita? ¹⁰ Fyenke fyo na mwebo, ngamwakita fyonse ifyo bamikambisheni, mukalabila ati, ''Tuli ababomfi aba shelelwe. Twakita lukoso ifyo tufwile kukita.'' ¹¹ Ili yafikile mpindi pakuya ku Yelusalemi, alipitile kumupake pakati ka Samaliya na Ngalili. ¹² Penka pakwingila mukati kamushi, alikumenye abalalume ikumi ne abalwele mbumba. Nabo kabemakana apatali naye. ¹³ Penka ne kubilika ne mashiwi akulu ati, ''Yesu, Shikulu, tukichileni inkumbu. '' ¹⁴ Ili ababwene, kalabila kulibo ati, kabiye ne kulangishe mwebene kuba papatilishi, ¹⁵ ''Sombi ili bayile baliiposhiwe. Umo mulibo ili abwene ati aposhiwa, alibwelelemo, ne shiwi likulu ili alemya ba Lesa. ¹⁶ Penka kapona ne mpumi panshi kumolu aba Yesu, ne kumutasha, Lomba ali mwina Samaliya. ¹⁷ Na Yesu kalabila ati, ''kanshi tamwali ikumi abaposhiwa? ngabasano na bane bali kwepi? ¹⁸ Takwalipo bambi ababwelele mukupela kulemya kuli ba Lesa, ukufumyako uyu uutali mwina kyalo?'' ¹⁹ Naye alilapile kuli ye ati, ''ima ne kuya. Uluketekelo lobe lwa kupususha.'' ²⁰ Ili bamwipusha aba Falisi ili ubufumu bwa kwa Lesa buli nokwisa. Yesu alibasukile ne kulabila ati, ''ubufumu bwa Lesa ta bwisapo mukukebelesha makosa. ²¹ Neli ukulabila ati, kebeni, kilikuno! neli ati kili kulya! Sombi, ubufumu bwa ba Lesa buli mukati kenu. '' ²² Penka alilabile kuba sambile bakwe ati, ''Inshiku shileisa ili mukafwaisha ukubona ubushiku bwa ba Shikulu sha mwana wa muntu, lomba tamwakabumone. ²³ Eli bakalabila kuli mwebo ati kebeni, kulya! kebeni kuno! 'Sombi mwekayako neli ukubutukilako. ²⁴ Fyenka ukubyasha kwa mfula kutubisha mwiulu nga yabyasha ukufuma kulubali lumo lwa mumakumbi ne kuya kulubali lumbi ulwa makumbi, efikaba ne mwana wa muntu mubushiku bwakwe. ²⁵ Pakutapa ali ne kupenshiwa mufintu fingi kabili ne kumukana kubaino nkulo. ²⁶ Fyenka kyamonekele mu nshiku sha kwa Nowa, efyo kikamoneka munshiku sha mwana wa muntu. ²⁷ Kabalya, kabanwa, kabopa, kabili ne kupwa ukufika ne bushiku ili Nowa aingile mubwato kabili ne muyulo kaisa ne kubonaula bonse. ²⁸ Munshila imo yenka, kwati ifi kyakitikile munshiku shakwa Loti balikulya ne kunwa, ukushita ne kushitisha, ukubyala ne kusompa. ²⁹ Sombi mubushiku ili Loti afumine mu Sodoma, umulilo kauloka ne kukaba ukufuma mwiulu ne kubonaula bonse. ³⁰ Munshile fye imo efyo kikaba mu bushiku ili umwana wa muntu akaboneka. ³¹ Pali kulya kasuba ukaba peulu pamitenge ekekila panshi mukusenda ifipe fyakwe muñanda, kabili naulya ukaba mubulimi ekabwela kumunshi. ³² Langulukeni bamuka Loti. ³³ Onse ukafwaisha umeo wakwe, akabulufya, naulya ukalulya umweo wakwe akaupulusha. ³⁴ Ndemwebeni ati, muli bulya bushiku abantu babili bakaba pampunda umo. Umo akapintwa, naumbi akashala. ³⁵ Abanakanshi babili bakalu kupeumbi akapintwa, umbi akashala. ³⁶ Abantu babili bakasangwa mumabala, umbi akasendwa, umbi akashala.'' ³⁷ Penka kaba mwipusha ati, ''nikwepi Shikulu?'' Kalabila kuli bo ati, ''Ukukaba ifitumbi, fya bafwile ekukaba neba lukoshi pamo.''