¹ Ba Yesu nabo balilabile kubasambile ati. ''Ekwali umbi umuntu umunonshi uwali ne ikilolo, Nakyo kyali kuposaisaka amaboni yakwe. ² Naye umuntu umubile ali kitilene kulabila na kyo, mba nifindo ifi ndukumfwa pali webo? Ngebepo ifintu fimo palwa mulimo obe, pakuchi tekuchi tawabe ikutolo na kabili. ³ ''Ikilolo kyalililabilishe ikine, 'Nifindo lomba nakukita, pakuchi baShikulu balu kufwaya ukumpoka umulimo wa bukilolo bwangi? Nshikwetepo ne makosa akulima, Ndi nesoni nshishilepo ukulomba lomba. ⁴ Naishiba ifi nkakita, pakuchi kani ba mfyumya inkito ya kuba ikilolo, abantu bakambokelela muma ñanda abo.' ⁵ Penka ikilolo kyali betile bonse abo abli nenkongole shaba Shikulu bakwe, nekwipusha uwakutanga ati, mba nishinga inkongole ubakwati le ba Shikulu? ⁶ Naye alilabile ati, ' umwanda uwa ifyakubikamo amafuta ama Olifi.' '' Nakyo kyalilabile kuli ye ati, 'Bule nkalata yobe, wikale bwangu, ulembe amakumi asanu.' ⁷ ''Eli ikilolo kyalabile na kuli umbi ati, ' Mba nishinga ubakwatile webo?' ''Naye ati, ' Umwanda umo uwa ifyatiligu.' Nakyo kyalilabile kuli ye ati, 'buleni nkalata yobe, ulembe amakumi asanu na atatu.' ⁸ Lomba ba Shikulu kaba kilemya ikilolo iki ta kyelelwe pakuchi kyali kitile ifya bukyengyeshi kubana ba mu kyalo pakuchi bo ba kilile ubukyengyeshi mufya kukita mu bantu ba bo ukukila abana bakutuba. ⁹ Kabili ndukulabila kuli mwenbo ati, mulilengele ifibusa fyenu ku maboni aelelwe pakwebati kani ya shila yo, fika mipokelele mubwikashi bwa muyayaya. ^{10 11} Uyo uli na bukine mufintu ta mwabu pyungisha mukulungama amaboni, mba ninani uka miketekeleni ne maboni akine? ¹² Kabili kani tamwabelepo abakine mu kupyungisha ifintu fya bakwanu, Ninani ukamipeleni amaboni akalikuli enu ¹³ Tapapo umupyungishi uyo uwinga pyungila ba Shikulu babili, Epali a fitilwepo umo ne kutemwapo umbi, ne akalikulipelesha kuli umo ne kumupefya umbi. Tekuchi mupyungile ba Lesa ne maboni. ¹⁴ Penka aba Falisi, abo abali ba kutemwa indalama, baufwile ifi fintu fyonse, penka ne kubaseka bo. ¹⁵ Nabo balilabile kulibo ati, ''mwebo mulalingika pa menso abantu, sombi ba Lesa balishi imitima yenu pakuchi ikyo ikikindikilwe kubantu kilikana minwe kumeso ya ba Lesa. ¹⁶ Amafunde ne bakushimika bali bakwi kalikwa ukufika na kukwisakwa kwe Yoane. Ukufuma kuli yeyo impindi, ikyebo ikiweme ikya bufumu bwaba Lesa kili kubulishiwa, nabonse abantu balukulipatikisha ukwingilamo ne makosa. ¹⁷ Sombi kili kipubile iulu ne kyalo ukupita ukuchila umushilwa uwa mumalembo ukwikala uwupubile. ¹⁸ Uyo onse ukana umukashi wakwe penka ne kuupa umbi alikuchita ubukyende, na uyo uwakumupa uyo uwakanwa kumulume wakwe uyo naye alukukita ubukende. ¹⁹ Sombi ekuwali umbi umuntu umubile uyo uwafite ingubo inakile iya kukashika uyo uwali kusangalala inshiku shonse mu fya maboni fyakwe. ²⁰ Lomba umbi umuyanji uweshina lyakwe ni Lasalo alilalikilwe ali ne filonda ponse ponse. ²¹ Uyo uwalukufwaisha ukulya ifyakulya ifyalukupona kwitebulu lya mubili. Nembwa shalikwisa ne kumyanga pa filonda fyakwe. ²² Lomba palibele ati uyo muyanji alifwile ne kipintwe ali pintilwe ne nkalamba muntibi yakwe Ablaamu. Ne mubile naye alifwile ne kushikwa, ²³ Penka kuSeoli, alimukumpenshiwa, eli atontomekeleamenso yakwe kwiulu ne kubona Ablaamu ali ukulali na Lasalo ali kumbali yakwe. ²⁴ Naye alililile ne kulabila ati, mweba tata ba Ablaamu, nkitileni inkumbu umunwe wakwe mumenda antontwenshe palimini, pakuchi ndukusomenwa uwakuchi mumulilo uyu. ' ²⁵ ''sombi Ablaamu alilabile ati, 'wemwana, ulanguluke pa mpindi ya mweo obe walukupoka ifintu fyobe ifi weme, na Lasalo fyopele fyo ifintu fyobe ifi ifibipile. Sombi bukumo alukusangalala kuno, nawebo uli ne kusomenwa. ²⁶ Pali fyefyo, pakuchi paliwebo na fwebo palikwa nemukolo ukulu, ati abo abalukufwayo ukupita ukufuma kuno ne kuya kuli webo tafingakitikwa po, nakabili tapapo neli umo uwakwabuka ukufuma uko ne kwisa kuli fwebo. ' ²⁷ ''Eli umubile alabile ati, na mipapatani, mweba tata ba Ablaamu, ati muutume kunanda ya ba Tata. ²⁸ Pakuchi ndi ne bakwasu basanu ati akashimika kulibo ati bengesa nababo mukwingila muno mumupunda waku pensha. ²⁹ ''Sombi Ablaamu alilabile ati, Abo bali na Mose ne ba kushimika; ngaba bomfwe bo. ' ³⁰ ''Umubile naye alibaswekwe ati, 'koku, mwe ba Tata Ablaamu, sombi kani umuntu uwakufuma kuba fwile akaye kuli bo bakalapila. ³¹ ''Lomba Ablaamu alilabile kuli ye ati, kani tabakofwepo Mose neli bakushimika, teti bakasumine po na ngaba ati umbi akabuke ukufuma kuba fwile. '''