¹ Penka kalabila mufishipi kuli bo ifyo bafwile ukupepa lyonse ne kubula ukunaka, ² Ne kulabila ati, ''mumushi umo mwali umupingushi utali kuti napo Lesa neli ukindika abantu. ³ Sombi kwali mukafwilwa muli ulya mushi kabili ali kwisa lyonse kuli ye, ne kulabila ati, 'ngafweniko ukuputula umulandu wangi pamulandu wa bakupengesha.' ⁴ Napa mpindi itali talefwaya ukumofwa umwanakanshi, lomba ili papichile impindi kalilabilisha umwine ati, 'nangaba shitina Lesa neli ukuchidika bantu, ⁵ lomba pakuchi uyu mukafwila akatasha pakulu makosa, nakumofwa ukumukesela umulandu, ukwebati engabula ukutwalilika ukulu kwisa imukukatasha nebo.'''' ⁶ Eli ba Shikulu balabile ati, ''umfweni uyu mupingushi ubipile ifi alabila. ⁷ Lomba kanshi uyu Lesa takakesele bwino abantu bakwe abo asalile imilandu abamulilila akasuba no bushiku? Ye kuti abakokwesha? ⁸ Ndelabila kuli mwebo ati ye alinokuba putwila umulandu muli bwangu. nangaba nififyo, ili umwana wa muntu akesa, akasangapo abakuchetekela pa kyalo?'' ⁹ Kabili alilabile ikishipi kuli balya abaliketekele abene ukwebati balungeme kabili abasulile ababyalo, ¹⁰ ''Abalalume kabaya mwitempele-umbi ali mu Falisi naumbi musonkeshi. ¹¹ Penka umuFalisi kaima ne kulomba umwine palwakwe ukwebati, 'mweba Lesa, namitoteni pakuchi shilipo kwati aba bantu bambi-bakabwalala, abantu abakubula ukulungama, abakekemishi-neli kwati uyu musonkeshi. ¹² Nebo ndashisha libili ne nsala mumulungu umo, ndapela ikyekumi muli fyonse ifi sanga. ' ¹³ Pakuchi umusonkeshi kaimakana akatalamukila, kafilwa ne kulolesha kwiulu, lomba kalipuma panchibi kyakwe ne kulabila ati, ''mwe Lesa, munkichile inkumbu nemo, ne mbifi.'' ¹⁴ ''Ndukubebeni ati,' Uyu muntu kabwelamo kuñanda yakwe uwakubulo mulandu ukukila umubyakwe, pakuchi bonse abalibika peulu bakababwesha panshi, nabalya abali kefya bakabemya.'' ¹⁵ Penka abantu bali kuleta abana babo kuli ye ati engabekata, lomba eli abasambile bamwene filya, balibakalipile. ¹⁶ Pakuchi Yesu alibetile kuli ye ne kubeba ati, ''Lekeni abana banini bese kuli nemo, ne kubula ukubakanya. Pakuchi ubufumu bwa ba Lesa bwabakuba fyenke fyo. ¹⁷ Ikine ndukubebeni, ulya onse utakapoakelele ubufumu bwaba Lesa kwati mwana umunini takengilemo. '' ¹⁸ Uwakutangilila umo umukulu alimwipushe, ne kulabila ati, ''Mweba sambishi abaweme, mba nikindo ikyo nakukita pa kupyana ubumi bwa nshiku shonse?'' ¹⁹ Eli Yesu alabile kuliye ati,' mba nindo ulikungitila uweme? Takulipo uweme, sombi ba Lesa benka. ²⁰ Mulishi amafunde-mwilukita bukende, wilukwipaya, wilu kwiba, wilu kubepela abanobe, ulukukindika bawiso naba noko.'' ²¹ Penka uwa kutangilila kalabila ati,' ifi fyonse ndafilama bwino ukutachika ku mpindi ya bwaichi bwangi.'' ²² Naye Yesu pakumfwa fyo, kalabila kuliye ati,'' Ikintu kimo ikyo ubulishepo. Ushitishe fyonse ifyo uli nafyo ne kupela kuba pengele, kabili wakukwata ubunoshi mwiulu-eli wise nokunkoka.'' ²³ Ili uwakutangilila aumfwile ifi fintu, aline kubombamana ukukuli, pakuti ali nefya bunoshi ifikulu. ²⁴ Naye Yesu, pakumubona uwakubombomana, kalabila ati,' ifi kishumpile abanoshi ukwingila mu bufumu baw ba Lesa! ²⁵ Sombi kilipubile Ingamela ukwingila mulinso lya nshindano ukukila munonshi umuntu ukwingila mubufumu bwa ba Lesa.'' ²⁶ Nabalya abalukumfwa kabalabila ati,' ''mba nibani abenga puluka?'' ²⁷ Yesu kamwasuka ati,' ''ifintu ifi shupile ku muntu efipubile kuli Lesa.'' ²⁸ Penka naye Petilo kalabila ati,' ''kiweme, twasha ifintu fyensu fyonse ne kwisa mukumikonka.'' ²⁹ Na Yesu kalabila kulibo ati,' ''Ikine, ndukubebeni ati takulipo neli umo uwasha ñanda yakwe, neli bakashi bakwe, ababyakwe, abakumufyala, neli bana bakwe, pamulandu wa bufumu bwa ba Lesa, ³⁰ Abo abatabakapoke fingi muli ino mpindi, kabili na mu myaka iya kuntashi,' ubumi bwa shiku shonse.'' ³¹ Ili bekumi nababili babuweme kuliye, alilabile kuli bo ati,' ''moneni, tulya ku Yelusalemi, nafilya fyonse ifyalembelwe naba kusambisha palwa mwna wa muntu filino kufikilishiwa. ³² Pakuti ali no kupelwa kubena fyalo ali no kutumpikwe ne kumufwisha nsoni,' ne kumwekana ye. ³³ Kabili panuma ya kumupana, bali no kumwipaya kabili pa bushiku bwa butatu akema libili.'' ³⁴ Ifi fyonse tabafyufwilepo yoo, neya mashiwi alifishishilwe kuli ye, kabili tabaufwishishepo ifintu ifyalabilwe. ³⁵ Napali ilya mpindi,' ili Yesu apalamine ku yeliko, penka umwalalume impofu yalikele ku mbali ya nshila ne kuli ku kulomba, ³⁶ Naye ili aumfwile bumba lili kupita, kabepusha ifyli kubo neko. ³⁷ Kabamweba ati ni Yesu umwine Nasaleti ulukupita. ³⁸ Penka nayo impofu kaibilika, ati, ''Yesu, umwana wakwe Davifi, kichileni nkumbu nanemo.'' ³⁹ Nabalya abalukwenda pantangile kabamu kalipila, ne kumushilikishapo. Eli naye abiukisha ne kukilepo. We mwana Davifi, kichileni nkumbu.'' ⁴⁰ Naye Yesu kaimana shilili ne kubakambesha basmbile bakwe ati bamulete kuliye. Nayo mpofu pakuba apepi, Yesu ali mwipushe ati,' ⁴¹ ''Nifindo ulukufwaya nebo kukichile?'' Naye kalabila ati,'' Shikulu, ndukufwaya ukupokelela amenso yangi.'' ⁴² Yesu kalabila kuli ye ati, ''upokelele amenso yobe. Ikiketekelo kyobe kwakukosha.'' ⁴³ Penka alipokelele amenso ne kumunkoka ili alemya ba Yesu. Na bantu bonse, ili babwene ifi fintu kabepela ukulemya kuli ba Lesa.