¹ Boneni amalembo pali Yoane 7 : 53 ba Yesu kabaya kulupili lwa Olife. ² Kumakya makya kabesa kwi tempele libili, Nabonse abantu kabesa; kabekala panshi nekuba sambisha. ³ Abanembeshi ne ba Falisi kabaleta mwanakashi uyu bakwete mukukita bukende. Kaba mutula mukachi. ⁴ Kabalabila kuliye,'' We musambishi uyu umwanakashi akikwatwa mu kukito bukende. ⁵ Lomba mumishilo, Mose katubulishisha fwebo ukutoba amabwe aba bantu; mwakulabilapo indo paliye?'' ⁶ Kalabile fi muku muteye ukwebati benga sangana ne mwaku mushinina yepali, lomba ba Yesu kabenamina panshi ne kulemba pa mushili ne munwe wabo. ⁷ Ili batwalilile ukupepusha, kabemakana nekulabila kulibo,'' uyo umo muli mwebo uyu takwetepo ububifi, Lekeni abe wakutatwilapo ukupose bwe pali ye.'' ⁸ Nalibili kabenama panshi, nekulemba pa mushili ne munwe wabo. ⁹ Ili baumfwile fyo, kabafumako umo na umo, ukutatwila ku bene abakulu.ukupelako ba yesu kababasha benka, ne mwana kashi uyo uwali mukachi. ¹⁰ Ba Yesu kabemakana nekulabila kuli ye,'' Wemwanakashi, balipi abakikupela milandu? Tapalipo uwakufwisha milandu?'' ¹¹ Kalabila,'' Neli umo, Shikulu.'' Ba Yesu kabalabila nangaba ninemo tekuuchi nkufwishe nayo webo. koya nekubifya libili yowo,'') Boneni amalembo pali Yoane 7 : 53. ¹² Nalibili ba Yesu kabalabila nabo, nekulabila, ''Nebo ene lubuto lwa kyalo; uyo uunkonkela nebo takendapo mumfinshi lomba ababa ne lubuto lwa mweo.'' ¹³ AbaFalisi kabalabila kuli bo, ''mwebo mulukushimika pali mwebene; ukushimika kwenu takulipo kwa kine.'' ¹⁴ Ba Yesu kabasuka nekulabila kulibo, Nanga ba nenga shimika balwa kwa mwebene, ukushimika kwangi kwa kine. Njishi uku nafumine kabili njishibile uku ndukuya, pakuti tamwishibilepo uku nafumine neko ndukuya. ¹⁵ Mwe mula pingwila ukwesakanya ne munefu, Nshipingulapo nangu umo. ¹⁶ Lomba kani napingula, ubupingushi bwangi bwakine pakuchi nshilipo nenka, lomba nji na baTata abo aba ntumine nemo. ¹⁷ Ee, na mishilo shenu kililembelwe achi ukushimika, kwa bantu babili bwa kine. ¹⁸ Ene ulya ushimika palwakwe kwa nemo nemwine, Naba Tata abantumine nemo balashimika palwakwa nemo.'' ¹⁹ Kabalabila kulibo, ''Balipi ba Wishinwe?'' Ba Yesu kabasuka, ''Tamungishi neli ninemo nangaba niba Tata, kani mwalingishi nemo, kani mwalishi naba Tata nabo. ²⁰ Kabalabila aya amashiwi mukya kulaminamo ili bali kusambisha mwitempele, kabili tapalipo nangu umo uwabakakile yowo pakuchi impindi yabo yali taingafika. ²¹ Kabili kabalabila kuli bo libili, ''Ndukuya ukufumako,' mukamfwaya nemo nekufwila mububi bwenu uku ndukuya tamwingesako.'' ²² Aba Yuda kabalabila, Engalipayo mwine? Efifyo alabila,' uko ndukuya nemo mwebo tekuchi mwiseko. ²³ Ba Yesu kabalabila kulibo, muli bakufuma panshi; Nemo kamfuma peulu. Muli ba muli kino ikyalo,' Nshili wa muli kino ikyalo. ²⁴ Pakuchi, Nalabila kuli mwebo nachi mukafwila mukubifya. Pakuchi kani mwasumina ati ENEMO, mukafwila mukubifya kwenu.'' ²⁵ Kabalabila pakuchi kulibo, ''Ewe nani?'' Ba Yesu kabalabila kulibo, Findo nalabila kuli mwebo ukufuma kukutatula. ²⁶ Nji Nefingi ifya kulabila nekupingula pali mwebo. Lomba, ye uwantuma nemo ekine,' Nefintu ifi naumfwile ukufuma kuli ye. Efifi fintu nokulabila ku kyalo. ²⁷ Taba fumfwile ifi bali kulabila kuli bo palwa ba Tata. ²⁸ Ba Yesu kabalabila, ''Ili mwamwimyo mwana wa muntu, eli lomba mukeshiba ati ENEMO, kabili nshikitatapo ifintu ifyangi nemwine. kani ifyo ifi ba mfundile baTata nemo, Ndalabile fi fintu. ²⁹ Uyo uwantumine nemo ali nanemo, kabili taanshapo bushimwa, pakuchi ndakita lyonse ifya kumusekeshapo mwine. ³⁰ Ili ba Yesu bali kulabila ifi fintu, abengi kabasumina mulibo. ³¹ Ba Yesu kabalabila kuba Yuda abo abasumine mulibo, kani mwaikalilila mumashiwi angi, Ninshi kyakine, penka kine muli basambile bangi. ³² Kabili mukeshibe kine, nekine kikamilenga kuba abakakulukile,'' ³³ Kabasukabo, Tuli fisolo fyakwa Ablaamu kabili tatungabapo abasha ku uli onse,' kuchi mwalabila, mukaba aba kakulukile?'' ³⁴ Ba Yesu kabasukabo, Kine, Kine, nalabila kuli mwebo, uyo onse uwakita bubifi mushi wa bubifi. ³⁵ Ubusha tabwikala mu ñanda imyaka yonse,' umwana alekalilila imyaka. ³⁶ Penka, kani umwana amikakula mwebo, mwemukabe kine abakakulukile. ³⁷ Njishi ati muli fikota fyakwa Ablaamu; mulafwaya kungipaya nemo pakuchi amashiwi angi taalipo ne mpense muli mwebo. ³⁸ Nokulabila ifi nabwene muli ba Tata, Na mwebo mwakita fyenka mwaumfwile ukufuma kuli ba wishinwe.'' ³⁹ Kababasuka ne kulabila kulibo, ''Wishifwe fwebo ni Ablaamu.'' Ba Yesu kabalabila kuli bo,'' kani muli mwali muli bana bakwe Ablaamu, kani mula bomba imilimo yakwe Ablaamu. ⁴⁰ Pano lomba muli kufwaya kungipaya, umuntu uli ulukumibuleni ifyakine ifyo ifi naumfwile ukufuma kuli ba Lesa, Ablaamu takichilepo ifi. ⁴¹ Mulakita milimo yaba wishinwe.'' Kabalabila kuli bo,'' Fwebo tatwafyelwe mubukende, tuli na wishifwe umo, Lesa.'' ⁴² Ba Yesu kabalabila kuli bo,'' kani ba Lesa bali ni bawishinwe, kani mwantemwa nemo pakuchi nali fumine kuli ba Lesa kabili nji kuno,' neli kulishila nenka, lomba kabantuma. ⁴³ Mba nindo tamumfwila mashiwi angi mwe? ni pakuchi tamumfwapo amashiwi angi nemo. ⁴⁴ Muli bakwa wishinwe umulwani, kabili mulafwaya ukitefifwaya wishinwe. Ali kapondo ukufuma kukutendeka kabili temakanapo muli bukishinka pakuchi tamulipo ikishinka muliye. Kani alabila bufi, alalabila ukufuma mubu mwine bwakwe pakuchi ye wabufi na wishi wabufi. ⁴⁵ Lomba, pakuchi Ndalabila bukine, Tamuko ngitabila nemo. ⁴⁶ Nani umo muli mwebo unsangilepo ne nemo ne bubi? Kani nalabila kine, nindo tamungufwila? ⁴⁷ Iye uli wa ba Lesa alomfwa amashiwi aba Lea,' mwebo tamuomfwa pakuchi tamuli baba Lesa.'' ⁴⁸ Aba Yuda kababasuka nekulabila kulibo, ''Tatulabila fwebo kanshiikyakine achi uli muSamaliya kabili uli ne kibanda?'' ⁴⁹ Ba Yesu kababasuka, Nshilipo nekibanda, sombi ukubalemya ba Tata, na mwebo mukompufya nemo. ⁵⁰ Nshikufwayapo ubuleme bwangi,' pali umo uulikufwya ne kupingula. ⁵¹ Ikine, Kine, nalabila kuli mwebo, kani umo kalama mwashiwi angi, takamonepo ukufwa.'' ⁵² Aba Yuda kabalabila kulibo, ''pakuchi twaishiba ati uli ne kibanda. Ablaamu neba kushimika balifwile; Lomba webo walabila, kani umo kalama amashiwi angi takatompepo imfwa. ⁵³ Webo taumukililepo wishifwe Ablaamu uwafwile, uli mukilile? Nebakushimika nabo balifwile. Uli kulipanga webo wemwine ukuba uwafiisa?'' ⁵⁴ Ba Yesu kabasuka,'' kani nalilemya nemwine, ubuleme bwangi bwa lukoso,' pakuchi ni baTata eba ndemya nebo abo mulukulabila mwebo ati niba Lesa benu. ⁵⁵ Mwebo tamubeshipo, lomba njibeshi, kani nalabila,' nshibeshi,' nakuba kuchi ninwe, uwabufi. lomba njibeshibile nekulama ishiwi lyabo. ⁵⁶ Wishinwe Ablaamu kaasekela pakubono bushiku bwangi,' kabumona nekusangalala.'' ⁵⁷ Aba Yuda kabalabila kulibo,'' webo taunga fishe myaka shisanu, nawebo komubona Ablaamu?'' ⁵⁸ Ba Yesu kabalabila kulibo, ''Kine, kine, nalabila kuli mwebo, Taanga Ablaamu, NEMO naliko.'' ⁵⁹ Popele kababula mabwe akuba lasa bo, Lomba, ba Yesu kabalifisa abene nekufumamo mwitempele.