¹ Panuma yafifyo ifintu ba Yesu balukupita namu Ngalili, penka bena tabalukufwayapo ne kuya mu Judiya pakuti aba Juda balibele ne kulanguluka ukubepayabo. ² Penka aba Juda yalipalamine ishita yachitenje. ³ Abakwbo bonse palifyefyo kabalabila kulibo, '' sheni iyi pusha kabili ukuya ku Judiya. Pakwebati mwebo abasambile benu pakuti babe ne kumona ne milimo iyo mwebo mukakita. ⁴ Takuli nangu umo ukita ifintu mubufisolo nga ye umwine alafwaya ne kwishiba apatubile, nge mwebo mulakita ififi fintu fyonse, mukulimwenesha mwebene na kukyalo.'' ⁵ Pakuti nangu ni mubakwabo tabali ne kuchetekela mulibo. ⁶ Ba Yesu pali fyopele fyo kabalabila kuli bena, ''Ishita yangi tainga palamina, pakuti mwebo ishita shonse shilyelelwe. ⁷ Penka ikyalo takishi ukumupateni mwebo, pakuti balipachilenebo pakwebati nebo ndubeba pakwebati iyi milimo yenu ilibele ibipile. ⁸ Mwebo kamuyeni ku chitenje: Nebo shikofwaya ukuyako kulichi chitenje pakuti ishita yangi taingaba ne kusuminisha. ⁹ ''Panuma naye kalabila ifi fintu ifingi kuli bena, naye alikele mu Ngalili. ¹⁰ Pakuti ilyo abakwabo bena kabaya mukufika ku chitenje, penka ena kabili kaya mukufika, tali ni palwelele sombi mubufisolo. ¹¹ Penka ba Juda balibele nokulolesha kuli bo penka pa chitenje ne kulabila, '''ali kwepi ena?'' ¹² Penkapo kwali kwambaula ukwakuti pakuchi ne bumba pakuti pali ena, nabambi kabalabila,'' uyu ali muwamishe umuntu.'' Bambi kabalabila,'' koku, naye katangilila ibumba mukubalanganya. ¹³ ''Sombi takulipo umo ulabila apatubile penka pali ena mubene mwenso mukuchina aba Juda. ¹⁴ Sombi ne chitenje ilyo kyali pakuchi mukupwa, ba Yesu kabaya mukwingila mwitempuli ne kutachika ukusambisha. ¹⁵ Penka ba Juda kabakankamana, ukulabila,'' mba alishani uyu muntu ukwishiba ifi fyonse? Ena taalipo neli nimusambilila. ¹⁶ ''Ba Yesu kababasuka bena ne kulabila, ''ukusambisha kwangi tali kwangi ne mwine, pakuti na umwine uyo uwatuma nebo. ¹⁷ Penka ngapali umo ulukufwaya ukukita mubafwayo bwakwe, ena alyelelwe ukwishiba ati ukukusambisha, kanakwe kufuma kuli ba Lesa, nangu kwebati ena alalabila ifya kufuma kumwine. ¹⁸ Onse uyu ulabila ukufuma kuli ye umwine alafwaya ukumona buleme umwine, pakuchi uyo onse ufwayaisha ukulilemesha kuli umwine uyo alekala kumwine, pakuchi umuntu uli wakishika, kabili penka takulipo ubulungami kuliye umwine. ¹⁹ Mba nindo Mose abapeleni mwebo amafunde? Sombi bambi pali mwebo balasunga amafunde, mba nindo mukichila mwebo mulukufwaya ukungipaya nemo? ²⁰ ''Penka ibumba kalyasuka, ''mwebo muli ne kibanda. Ungoyo ulukufwaya ukubepayeni mwebo?'' ²¹ Ba Yesu kabasuka ne kulabila kulibo, ''Nemo kakita umo umulimo, na mwebo bonse mwakakamana pakuchi pali uyu. ²² Mose kabapeleni mwebo ukukopolwe (tali nifyefyo pantu kwali fumine kuli Mose, pakuchi filafuma kuli ba wishinwe abakale), kabili na kwisabata mwebo mulakopola ne bantu. ²³ Ngo muntu alapokelela ukukopolwa mwi Sabata penka lukoso amafunde akwa Mose takuli ukushilulula ''mba nindo mwebo mubela ne bukali pali nemo pakwebati nemo nalipulwishe umuntu ukapwilika mututulu mwi Sabata? ²⁴ Tekuli kwesha ukupingula ukulingakana na kufyo mwishiibile, pakuchi pinguleni mubulungami bonse.'' ²⁵ Bambi pali mwebo ukufuma kuYelusalemi kabalabila, ''uyu tali euyu umo uyo bali kufwaya ukwipaya? ²⁶ Moneni, ena alukulabila aapatubile, kabili penka ukulabila takulipo ikitu kuli ye. Takilingile kube ifyo ne tangishi ikyakine shilukwishiba ati aba ni ba Kilishitu, kani nififyo? ²⁷ Penka bena kabeshiba uko uyu umo ukuafuma, pakuchi pakweti ba Kilishitu bakesa, koku umo ulukwishiba uko ena alukufuma,'' ²⁸ Penka ba Yesu kabalila ukwakuti mwi tempuli, kabasambisha ne kulabila,'' mwebo mwese ishibeni nemo kabili mwishibe neko nemo kalikukufuma, nemo shikwepo ukofuma nemo ne mwine. pakuti ena uyo senda nemo muli bukishika. kabili ena takita nangu kwishiba nemo. ²⁹ Nemo keshiba ena pakwebati ba mwikate ena, pakuta papa nangu umo uwatanikile amaboko pali ena pakwebati iyi mpindi taingesa. ³⁰ Penka balikwesha mukwebati baamwikate ena, pakutapa pa nangu umo uwatanikile amaboko pali ena pakwebati iyi mpindi taingesa. ³¹ Sombi abengi mwi bumba balichetekele kulibo, kabili penka kabalabila, ''pakuti ba Kilishitu pakwisa, kabili bena bakalikukita ifingi ifishibilo ne kukila pali uyu umo ifyo alikukita? ³² ''Penka abaFalisi ulubauwile kabatuma ifilolo ne kubekatabo. ³³ Ba Yesu ne kulabila,'' Nemo kalukuli na mwebo paliino ishita inini, kabili penka nemo kaya kuli uyo uwatumine nemo. ³⁴ Mwebo muli nekumona nemo pakuti mwebo mukalukubula ukufwaya nemo; uko nemo kaya, mwebo tamulipo ukuba nesambu ne kwisa.'' ³⁵ Penka ba Juda penka pali fyefyo kabalabila pakuchi pali abene, ''kwepi ukuli uyu muntu kamuya pakuti fwebo tatukukwetepo ikosa isha kumufweya ena? Uko ali ena nekuya palibabo abapalamaninemo mube kala fyalo ne kuli kubafujisha abekala fyalo? ³⁶ Nga kuli ki kyebo ena alabila,'mwebo muli nekubona nemo pakuti mukalu kuli ne kufwaya nemo: uko nemo kaya, mwebo tamukwetepo isambu ne shakwisa?'' ³⁷ 'Lomba na mukupelako, mushikulu ishiku ishachitenje, ba Yesu kabemakana ne kulila ukwekuti, ukulabila,'' nga kyakwebati pali umo uyo waufwa ikilaka, lekeni ena ese kuli nemo ne kunwa. ³⁸ Ena uyo uchetekela, muli nemo kwati nifyopele fyo amalembo alu kulabila, ninika ili ukupema amenda akali kwisula ukufuma munda yakwe.'' ³⁹ Pakuti ena kalabila kulifi pakwebati umupashi, kuli uyo onse uyo ulukuchetekela mulibo ali nekupoka: nemupashi utaanga aba ne kupelwa pakwebati ba Yesu tabangaba mubuleme. ⁴⁰ Bambi mwi bumba, penka ilyo baufwile aya mashiwi kabalabila, ''Ifiefyeka uyu ewakushimika.'' ⁴¹ Nabambi kabalabila,'' uyu ni ba Kilishitu,'' pakuti bambi nabo kabalabila,'' kashi ba Kilishitu bakesa ukufuma ku Ngalili? ⁴² Kashi amalembo takolabila mukwebati ba Kilishitu bali ne kwisa ukufuma kubana ba Dafidi kabili ukufuma kuBetelemi, na kumushi uwali wakwe Dafidi uko ali?'' ⁴³ Popelepo kwalibukile ukwabana mwibumba pamulandu wakwe ena. ⁴⁴ Bambi mulibena balukufwaya ukumwikata ena, pakuti takwalipo umo uwatanikile amaboko kuli ena. ⁴⁵ Penka ne Ifilolo kafisa mukubwela kubapapatilishi abakulu na kuba Falisi,'' ngo walabila kuli bena,'' mba nindo mwebo tamumuletele kuli nemo? ⁴⁶ ''Penka ifilolo kafyasuka,'' koku nangu umo ulabila kwati nififi. ⁴⁷ lomba ne ba Falisi kabasuka bena, ''Kashi na mwebo mwali kutupaikwa? Kashi pali ne filolo ifilukuchetekela kulibo,'' nangu. ⁴⁸ Kashi na mwebo mwali kutupaikwa? Kashi pali ne filolo ifilukuchetekela kulibo, nangu nibambi aba Falisi? ⁴⁹ Pakuti ili bimba talyali ne kwishiba amafunde, penka bali fingilwe ,'' ⁵⁰ Nikodemo (Umo uwali mu Falisi, uyo kaesa kulibo bwangu) ukulabila kuli bena, ⁵¹ Kashi amafunde esu alapingula ne muntu ukwakubula ukufwaya ukufuma kuliye kabili ukwishiba ifyo ena. ⁵² ''penka kaasuka ne kulabila kuli bo, fyopele mwebo pamo mulafuma mu Ngalili/ Fwayeni ne kumona takulipo uwakushimika ukwisa ukufuma mu Ngalili.'' ⁵³ Penka ifiweme ifikulu kufika pamo tatukwetepo muli yo ane 7 : 53 - 8 : 11 (penka bonse umo umo kabaya kuli uyo umwine kuñanda.