¹ Panuma ya fifi fintu, ba Yesu kabaya kubushilya lyakishiba kya Ngalili, nakukishiba kabili ikya likwitwa ati Tibelya. ² Neli bumba likulu lyali kubakonkela pakuchi bali kubone filangililo ifyo ifi bali kukita kuli babo abalikulwala. ³ Ba Yesu kabaya peulu ya lupili popele balikele panshi neba sambile babo. ⁴ (Popele ubushiku bwa kupitaila, bwa Juda, ukusekelela kwali palamina). ⁵ Ili ba Yesu bakebeshe peulu ne kubone bumba ilyakuchi kalilikwisa kulibo, kabalabila kuli Filipo, '' mba ni kulipi twakuya kushita mikate ukuchi aba bantu balye?'' ⁶ (Ba Yesu kabalabila fi mukumwesha Filipo, pakuchi bo abene balishibile limo ifi bakoya kukita). ⁷ Filipo kabasuka, Indalama imyanda shibili tekuchi shinga kumana pakwebati uuli onse abe nekatente.'' ⁸ Umo uwamubasambile, Andaleya, umukwabo Shimoni Petilo, kalabila kuli ba Yesu. ⁹ ''Pali umusankwa pano uyo uli noba shikwa abambale ba sanu ne sabi libili, lomba efindo ifi pa bantu abengi?'' ¹⁰ Ba Yesu kabalabila kuli bo, '' Ikalikeni abantu panshi.'' Popele ne bantu kabekala panshi ifingi pali ilye mpunsha. Penka ne bantu kabekala panshi, koti makana asanu mukupenda. ¹¹ Penka ba Yesu kabatola ba shikwa ne panuma yakupelokutota kababapela abo abaikele. Kabakita fimo na kwisa koti bwingi bwa kufwaya kwabo. ¹² Ili abantu baikuchile, kabalabila kuba sambile babo, ''Bunganyeni fyonse ifi peso ifya pesauka ifyashalapo, ukwebatimtapalipo ifyakuluba.'' ¹³ Popele bali fibunganye nekwisusha mitonga ikumi na shibili ilya fipeso ifya pesaukile ukufuma kuli ba shukwa bambale basanu ku fya shelepo kuli baabo abalile. ¹⁴ Penka, ili abantu babwene ifyakubwenako ifi ifi ba kichile, kabalabila, ''iyu kyakine wakushimika uyo uwakwisa mukyalo.'' ¹⁵ Ili ba Yesu baishibile ati bali ku kwisa kubekata mu ku kakachisha bo ukube mfumu, kaba fumyako libili kulupili abene benka. ¹⁶ Ili ikingulo yafunkile kingulo, abasambile kaba kukulukila ku kishiba. ¹⁷ Nekuninsa mubwato, kabili bali kuya bushilya bweshiba ku kapenama. Ilya mpindi kwali imfinshi, naba Yesu bali tabangesa kuli bo. ¹⁸ Nakabesha wamakosa alikupuupa, neshiba lyali kuya kubipa. ¹⁹ Ili ba obeleko koti mishinso amakumi abili naisamupo-neli amkumi atatu,kaba bona ba Yesu balikwenda pa kishiba balikwisa ku palama kubwato, bali keteue ne mwenso. ²⁰ Lomba kabalabila kulibo. ''Ninebo,' mwebo ne mwenso. ²¹ ''Bali fwaishe ukubapokelelabo mubwato, na penkapo ubwato bwali fikile kumushili uko uku bali kuya. ²² Akasuba kakonkelepo, ibumba ilyo ilyali kali makene kubushilya bwa kishiba lya bwene ati takwalipo bumbi ubwato kulya sombi bulya bumo, kabili ubo ba Yesu taba ingilemo ne basambile baabo lomba abasambile baabo bali baya kale benka. ²³ Nangaba nififyo, kwali na ambi amato aalikufuma ku tibeliase pabwipi na kumpunsha uko balilile ba shikwa panuma ba Shikulu ba pele ukutota. ²⁴ Lomba ili ibuma lyaishile kwishiba ati ba Yesu neli basambile bali penka, bo abene kabaya mubwato ne kuya ku kapenama mukufwaya ba Yesu. ²⁵ Ili babasangile bo kulubali lumbi ulwa kishiba, kabalabila kulibo, ''Mweba sambishi, Nisa mpindi mwashikwisa kuno?'' ²⁶ Ba Yesu kaba bwesha kulibo, nokulabila ati, ''Ikine, kine, mulukufwaya nemo, tali pakuchi mwali bwene ifya kubwena ko, pakuchi mwalililepo bamo ba shimkwa kabili mwali kuchile. ²⁷ Mweli kubombele fya kulya ifyo ifyonaika, sombi akalyo ako apela umweo wa nshiku shonse uyo umwana wa muntu akabapeleni mwebo, pakuchi ba Lesa ba wishi babika ikya kwishibilako bali ye.'' ²⁸ Popele kabalabila kulibo, ''pano tukite fyepi, ukweba ati twenga pyunga imilimo yaba Lesa?'' ²⁹ Ba Yesu kabalabila nokubwesha kulibo,'' uyu emulimo waba Lesa: ukwebati musumine mwebo uuli ulya umo uyo batuma.' ³⁰ Penka kabalabila kulibo, ''Mba ninsa fyakumwenako mukakita mwebo, ifi kalenga ukubona fwebo ne kusmina muli mwebo? nindo muka kita? ³¹ Ba wishifwe kabalya maana mumatololo, koti fintu kilembelwe, kaabapela shinkwa ukufuma mwiulu ne kulya.'' ³² Penka ba yesu kabalabila kulibo, ''Ikine kine, talipo ni Mose uwa mipele shinkwa ukufuma mwiulu, lomba niba Taata abo abali kumipela mwebo shinkwa wakine ukufuma mwiulu. ³³ Pakuchi shinkwa waba Lesa ni uyo uufuma mwiulu ukwisa panshi nekupelo mweo ku kyalo.'' ³⁴ Popele kabalabila kulibo,'' Mwane, mukotupela uyu shinkwa lyonse. ³⁵ Ba Yesu kabalabila kulibo,'' Nbo ene shinkwa wa mweo; uyo uwisa kuli nebo takonfwepo insala, nauyo uuketekela muli nebo takomfwepo ikilaka. ³⁶ Lomba nababuleni ukwebati, lomba ikine mwanbona nemo, kabili tamusumine. ³⁷ Uyo onse ba Tata bampela nemo akesa kuli ne, nauyo uwisa kuli nemo nshika muposa pesonde. ³⁸ Pakuchi naisa ukufuma mwiulu, talipo nimukukite fyakufwaya fyangi nemwine, lomba koti kufwaya kwa mwine uwa ntumine nemo. ³⁹ Uku kufwaya kwa uyo uwantumine, nemo, ati nshika posapo nangu umo pali babo bonse abo ba mpele nemo, lomba nkaba benya peulu pabushiku bwa ku pelako. ⁴⁰ Pakuchi uku kufwaya kwa ba Tata, ati uyo onse uwabona mwana nekumwitabila muli ye engaba ne mweo wanshiku shonse kabili nka mwimya peulu pabushiku bwa kupelako. ⁴¹ Popele aba Juda kaba munyinyita ye pakuchi pafyo alabile, ''Enee shinkwa uyo uwaisa ukufuma kwiulu.'' ⁴² Kabalabila uyu talipo ni Yesu mwana Josefi, uyo bawishi na nyina twishibile? pakuchi ye kuchi alabila shani, ''Naisa panshi ukufuma mwiulu'?'' ⁴³ Ba Yesu kaba bwesha nekulabila kulibo, '' Lekeni ukunyinyita muli mwebene. ⁴⁴ Tapalipo neli umo uwenga kuli nemo kani baTata aba ntumine nemo kaba mwita ye, nanemo nkamwimya peul pabushiku bwa kupelako. Kililembelwe muba kushimika, ⁴⁵ ''Umuntu onse aka sambishiwa kuli ba Lesa! umuntu onse uwa umfwa ne kusambilishiwa ukufuma kuli ba Tata ba esa kuli nemo. ⁴⁶ Talipo afi uli onse ali bwenepo baTata, sombi uyo uwafumine kuli ba Lesa-Ewa bwene ba Tata. ⁴⁷ Ikine, kine, uyo uwusumine ali ne mweo wanshiku shone. ⁴⁸ Ena shikwa wa mweo. ⁴⁹ Ba wishimwe balilile mana mumpanta, kabili bali fwile ⁵⁰ Uyu Eshikwa uwafumine mwiulu ukwisa panshi, umuntu engalyako fino ifya kuliye nekufwa koku. ⁵¹ Ena shinkwa wa mweo uyo uwaishile ukufuma mwiulu. kani umuntu kalyako fimo kuli uyu shinkwa, akekalilila imyaka ne myaka. Shinkwa uyo naku mipela munefu wangi uwa mweo wa kyalo.'' ⁵² Aba Juda kabesa kuli fichilwa abene ne bene nekutatula ulupata, kabalabila, mba uyu umuntu katepela fyepi umunefu wakwe achi tulye?'' ⁵³ Popele ba Yesu kabalabila kulibo, Ikine, kine, kani kamulya milopa shakwe, tamwingabapo ne mweo muli mwebene. ⁵⁴ Uyo ukalyo munefu wangi nekunwe milopa shangi ali ne mweo wanshiku shone, kabili nkamwimya ye peulu pa bushiku bwa kupelako. ⁵⁵ Pakuchi umunefu wangi kyakulya kya kine, ne milopa shangi kyakunwa kya kine. ⁵⁶ Uyo uulyo munefu wangi nekunwe milopa shangi akekalilila muli nebo, nanebo muli ye. ⁵⁷ Koti baTata abekalile bantumine, kabili koti nifyenka ngikele pakuchi niba Tata, fyenka uyo ulya kuli nebo, naye akali kwikala pakuchi ninebo. ⁵⁸ Uyu eshinkwa uyo uwaisa panshi ukufuma kwiulu, talipo koti nififyo ba wishinwe balile nekufwa kabafwa. uyo uwakulya kuli uyu shinkwa akekalila inshiku shonse.'' ⁵⁹ Lomba ba Yesu kabalabila ifi fintu muma shinagonga ili bali kusambisha mu kapenama. ⁶⁰ Popele abasambile abengi abaumfwile ifi kabalabila, ''Uku kulabilo kukatesh; ninani engofwe fi?'' ⁶¹ Ba Yesu, pakuchi balishi abene achi abasambile babo bali kunyinyita pali fifi, nekulabila kulibo, ''ifi fyamusomesha mwebo? ⁶² Pano kingaba fya ili mukabona umwana wamuntu alikuya kwiulu uko ali pakutanga? ⁶³ Pakuchi mupashi eulenga ukwikala; umunefu tausanganamo insubo, Amashiwi aya nalabila kuli mwebo amupashi kabili emweo. ⁶⁴ Lomba mwebo bana abatabasumine, ''Pakuti ba Yesu balishi ukufuma kukutanga abo bana abatabakasumine nauyo uyo uwa kuba fisululabo. ⁶⁵ Kabalabila, ''nipali fifi ifi nalabila kuli mwebo ati takulipo uwingesa kuli nebo kani kya pelwa kuli ye kuli ba Tata.'' ⁶⁶ Pakuti pali fifi, abengi abasambile babo bali fumineko nekuya kabili taba endepo nabo libilibo. ⁶⁷ Penka ba Yesu kabalabila kube kumi na babili, tamuli kufwaya ukuya nanwe, muliku?'' ⁶⁸ Simoni Petilo kaabasukabo, ''Shikulu, nikuli bani twinga ya? muli ne mashiwi a mweo wa nshiku shonse. ⁶⁹ Kabili twalisumine nekwisa kwishiba ati muli bamo aba mushilo ababa Lesa.'' Ilembo umo uwamushilo uwa ba Lesa euli mukuwana kwa malembo afikota. amo amalembo ali bikilweko nekulundwako nekulondolola kabili bali ku penda: ba Kilishitu, bano aba mushilo aba ba Lesa. ⁷⁰ Ba Yesu kabalabila kulibo, ''nshami salile mwe, abe kumi nababili, naumo muli mwe mulwami?'' ⁷¹ Penka balikulabila pali Juda mwana Simoni sakaliyota, pakuti niye, umo mubekumi nababili, uyo uwa kuba fisulula.