¹ Panuma ya fifi kwali ne malila aba Yuda, Na ba Yesu kabaya kwenka ku Yelusalemi. ² Lomba mu Yelusalemi kumpelo yafibi mwali ikishiba, ikyo balikwita muki Alamaika ati Beteseda, kabili kyali natulukolo tusanu utwafimbilwe. ³ Ibumba ilikuluilya bantu abalwele, impofu, ifilema, neli aba bulebe bali kubalalikamo. Kabili ku pembelela ukwenda kwa menshi. ⁴ Pakuti malaika waba Shikulu alikwikilila mwenka munshi ne kusunkakanya menshi pa mpindi shimo na uyo uwaku nyantamo ili amenshi alikushokoloka ali ku tengulushiwa kuli bonse ubulwele ali kulwala. ⁵ Umwalalume umo ali kwenka uwali ne bulwele pa myaka amakumi atatu na isanu ne myaka shitatu. ⁶ Ili ba Yesu bamu bwene kaalele mulya, kabili nefi ba langulukile ati popele pa mpindi iitali, kabalabila kuli ye, ulukufwaya ukubo mutuntulu?'' ⁷ Umulwele ka asuka, ''mwane, nshikwetepo uwakumbikamo mukishiba ili amenshi alikushokoloka. Ili ndukwisa, umbi kaa nyantamo ili nemo nshimya.'' ⁸ Ba Yesu kabalabila kuli ye, ''Imakana, Imya umupunda obe, ne kwenda.'' ⁹ Popele umwalalume kaatenduluka, kabili kapinta ne mupunda wakwe ne kwenda, nabulyo bushiku bwali bwe sabata. ¹⁰ Neba Yuda kabalabila kuli ye uwa tendulushiwe, Lelo lisabata kabili tawitabishiwe ukupinte sasa lyobe yowo.'' ¹¹ Kabasuka,'' uyo wa ntedusha ewangeba nemo, alti pinte sasa lyobe wende.'' ¹² Kaba mwipusha ye, ''mba ninani uyo muntu uwa kilabile kuli webo, pintanta ne kwena'?'' ¹³ Neli nififyo, Nauyo uwa tendulushiwe tamwishibilepo ali ninani pakuti ba yesu bo bali kale ikya ku fisama, pakuti kwli bumba pa mpunsha. ¹⁴ Panuma, ba Yesu kaba musanga mwitempele na kulabila kuli ye, bona watendulushiwa! Wekabifya libili, ukweba ati fimbi ifikililepo tafika kichikwapo kuli.'' ¹⁵ Umuntu kaya nekubula aba Yuda ati ni ba Yesu eba ntendulusha ukubo mutuntulu. ¹⁶ Lomba pali fifi fintu aba Yuda kababakatasha ba Yesu, pakuti kabakite fifintu pesabata. ¹⁷ Ba Yesu kabalabila kuli bo, ''Batata bali kubomba naluluno, kabili na nemo. Pamo, ndukubomba.'' ¹⁸ Pali fifyo, aba Yuda kabafwailisha ne fingi umwaku bepayila bo pakuti tabaonawileso isabata, Lomba nekuita ba Lesa ati ba Wishibo, ukulye sakanya abene pano naba Lesa. ¹⁹ Ba Yesu kababasuka bo, ''Ikine, kine, umwana tenga kitapo ikili kyonse enka, ukwakubula fyenka abona balikukita baWishi, pakuti fyonse bali kukita baWishi, ne mwana alikukite fintu fimo. ²⁰ Pakuti ba Wishi balitemenwe umwana ne kumubula ye fyonse ifyo ye umwine akita, kabili aka mubule fintu ifikulu ifikilile fi ukweba ati mukankamane. ²¹ Koti nifilya baWishi ba bushishe abafwile nekubapelo mweo, efyenka ne mwana apano mweo kuli onse uyo afwaya. ²² Pakuti ba Wishi tabapingulapo uli onse, Lomba palipene ubupingushi bonse ku mwana. ²³ Ukwebati uuli onse enga kinjiko mwana koti fyenka ba kinjika ba Wishi. Uyo umo uuta kinjiko mwana takinjika ba Wishi aba mutumine ye. ²⁴ Ikine, kine, uyo uumfwe shiwi lyangi neku musumino yo uwantumine nemo ali ne mweo wa nshiku shonse kabili ta aka shininwepo, lomba apitaila ukufuma kumfwa nekuya ku mweo. ²⁵ Ikine, kine, Nduku bebeni impindi ili kwisa, kabili yafika, ili abafwile bakomfwe shiwi lya mwana wakwa Lesa, nebakalufwa bakekala. ²⁶ Koti fyenka ba Wishi bali ne mweo mubene, efynka bapela ku mwana ukwebati engaba ne mweo muli enka, ²⁷ Naba Wishi bali mupele umwana amakosa ukupinto bupingushi pakuti ye mwana wa muntu. ²⁸ Mwekankamana pali fifi, eko ili impindi ilikwisa iyo uli onse uli mwipafu akomfwe shiwi lyakwe. ²⁹ Kabili bakafuma: abo abakichile ifiweme kukubuka kwa mweo, nababo abali kukite fibi kukubushiwa kwa ku pingulwa. ³⁰ Tapali ikintu negalikichila nenka. Ifi ndukumfula, Efimpingula, kabili ukupingula kwangi kwakine pakuti nshilukufwayapo ukufwaya kwangi lomba ukufwaya kwa uyo uwa ntumine nemo. ³¹ Kani nenga shimika pali nemo nemwine, bumboni bwangi teshi bube ubwa kine. ³² Eko ali umbi uwakushimika pali nemo, kabili ndishi ati bumboni ubo apana pali nemo bwa kine. ³³ Mwa tuma kuli Yoane, kabili ali shimikile bukine. ³⁴ Lomba bumboni ubo napokele talipo bwakufuma ku muntu. Ndukulabila ifi fintu ukweba ati mwenga puluka. ³⁵ Yoane ali ni nyali iyo iyali kupya ne kwaka, kabili mwali sangalele mukutuba kwakwe pali kalya ka pindi. ³⁶ Pakuti bumboni ubo njinabo bukulu ukukila bulyo bwa kwa Yoane, pa milimo isho ba Tata bampela ukupwisha, Ilya yenka milimo iyi mbomba, ukulondolola pali nemo ukwebati baTata bali ntumine nemo. ³⁷ Ba Tata abantumine nemo bali nabumboni abene pali nemo. Tamungomfwapo ishiwi lyabo neli kumonapo umusango babelelemo pa mpindi iili yonse. ³⁸ Tamkwetepo amashiwi abo ukushala muli mwebo, pakuti tamuli kusumina muli uyo uya batuma. ³⁹ Mulafwaisha mufinembelo pakuti mulalanguluka ati muli fifyo mwenga sango mweo wanshiku shonse, kabili aya enka amalembo ali kulabila pali nemo. ⁴⁰ Lomba tamuli kufwaya ukwisa kuli nemo ukweba ati mwengaba ne mweo. ⁴¹ Nshipokapo ubuleme ukufuma ku bantu. ⁴² Lomba njishi ati tamubatemenwe ba Lesa muli mwebene. ⁴³ Nemo nalishile mwshina lya ba Tata, Lomba tamumpokelelepo. Lomba kani umbi kaisa mwishina lyakwe umwine, mukamupokelela ye. ⁴⁴ Kuti mwasumina shani, mwebo mwebapokelele ubuleme ukufuma kuli umo ne mubiye lomba tabali kufwayapo ubuleme ubo ubufumaso kuli ba Lesa? ⁴⁵ Mweli kulanguluka ati nemo nemwine nkamishinina pa menso aba Tata. Uyo wali ku mishinina ni Mose uyo uyu mulimo nekuketekela. ⁴⁶ Kani mwalisumine muli Mose, kani mwasumina na muli nemo pakuti ali lembele palwa kwa nemo. ⁴⁷ Kani ta musumine mumalembo abo, mwakusumina shani mumashiwi angi?''