¹ Lomba ulukelo pakasuba akantanshi akamulungu, Ili pali kapafitile, Maliya uwa kuMagadala alishile ku kilende kabili alibwene ibwe bali fumyako ku kilende. ² Penka alibutukile ne kwisa kuli Simoni Petilo na kumusambile umbi uyo ba Yesu batemenwe, kabili ali labile kuli bo ati, ''Babafumyamo ba Shikulu mukilende, kabili tatwishipo uko ba balalika bo.'' ³ Penka Petilo ne musambile umbi baile, kabili bali kuya kukilende. ⁴ Bonse bali butukile pamo. kabili ne basambile bambi bali butukile ulubilo ukukila Petilo ne kufika ku kilende abatanshi. ⁵ Penka alineme panshi, ali bwene insalu ya linenyi kasha nshikilwe mulya, Lomba taingilemo mukati. ⁶ Simoni Petilo ili afikile panuma yakwe kabil ne kuya mukilende. Ali mwene insalu ya linenyi kasha nshikilwe mulya. ⁷ Kabili ne nsalu iyo iyali kumutwe wakwe. taya anshikilwe pamo ne nsalu ya linenyi smbi yalipetelwe pakabeya kakumitwe yenka. ⁸ Lomba umbi umusambile, uyo umutanshi uwafikile ku kilende, naye alingilemo, kabili alimwene ne kuketekela. ⁹ Pakuti ukufika na kuli iyo mpindi nabo tabaishibile amalembo aya kwebati bakema ukufuma kubafwile. ¹⁰ Penka abasambile balibwelele kabili kwabo. ¹¹ Sombi Maliya ali makene posonde yakilende kalukulila. Eli ali kulila, alineme panshi mukilende. ¹² Alibwene ba malaika babili kashi fwala ifitubile kashikele, imbi kukabeyakaku mutwe, kabili imo kukabeya kaku molu kulya umubili wa ba Yesu wa lalikwe. ¹³ Kabili shalilabile kuli ye ati, ''We mwanakashi, ulukulile ndo?'' Na ye ali labile kuli sho ati, ''Nipakuti ba bafumyamo ba Shikulu bangi, kabili nshishibilepo ne ko ba babika.'' ¹⁴ Ili alabile ifi, alyalulukile ne kubona ba Yesu kabemakene kulya, sombi taishibile ati bali ni ba Yesu. ¹⁵ Ba Yesu balilabile kuli ye ati, ''Wemwanakashi, ulukulile ndo? ninani ulukufwaya?'' Ye ne kulanguluka ati limbi emulimi webala, sombi ye nekulabila kuli bo ati, ''Shikulu, kani ni mwebo mwaya fumyamo, ngebeni uko mwababika, kabili nakubafumyako.'' ¹⁶ Ba yesu balilabile kuli ye ati, ''Maliya alyalulukile kabili nekulabila kuli bo mubu Ebeya ati, ''Laboni'' (Ilikulabila ati mwebembeshi'') ¹⁷ Ba Yesu balilabile kuli ye ati,'' wingikata, pakuti nshingaya kwiulu kuli baTata kabiye kubalonso bangi nekulabila kuli bo ati nakuya kwiulu kuli baTata kabili naba Wishi kabili na Lesa wangi na Lesa obe.'' ¹⁸ Maliya uwaku magadala alishile ne kulabila kubasambile ati, Nababona ba Shikulu, ''Kabili ati ne kulabila ifi fintu kuli ye. ¹⁹ Ikingulo kyapa pa kalya kasuba, pakasuba kakutanga aka mumulungu, ifibi fyali ifya kwisala mulya mwali abambile kumwenso uwakuchina aba Yuda, ba Yesu balishile ne kwimakana pakuti kabo ne kulabila kuli bo ati, ''umutende kuli mwebo.'' ²⁰ Napanuma yakulabila ifi, balibalangishe amaboko na mumbafu. Abasambile balisangalele ili ba babwene ba Shikulu. ²¹ Ba Yesu balilabile kabili kuli bo ati, ''umutende kuli mwebo. Fyenka ba Tata bantu bantuma, fyenka na nemo ndukumutumeni mwebo.'' ²² Eli ba Yesu balabile ifi, bali pemene pali bo ne kulabila kuli bo, ati, ''pokeni umupashi uswetelele. ²³ Uyo onse ukamibifya mukamufitukile, ba fitulukilwe, abo onse tamwakafitulukile, tabakafitulukilwe.'' ²⁴ Tomasi, umo pa bekumi na babili, uwaitilwe Didumo, tali nabo ilyo ba Yesu baishile. ²⁵ Popele abasambile bambi panuma bali labile kuli ye ati, ''twababona ba Shikulu. ''Ali labile kuli bo naye ati, ''Kani nga yamona amaboko abo ne mikovu ya misomali, ne kubikamo umunwe wangi mumukofu wamisumali, ne kwikalamo mu mbafu yakwe, nshaketekele.'' ²⁶ Panuma ya nshiku shisanu na shitatu abasambile bali mukati kabili, Na Tomasi ali nabo. Ba Yesu balishile ili ikibi kiliselwe, ne kwimakana pakati kabo, ne kulabila ati, ''umutende kuli mwebo.'' ²⁷ Penka balilabile kuli Tomasi, '' fika kuno ne munwe obe ubone amaboko angi. Fika kuno ne maboko abe ukwate mumbafu shangi. Wiba uwakubula ukuketekela, sombi uketekele.'' ²⁸ Tomasi alyaswike ne kulabila kuli bo ati, '' mweba Shikulu kabili ba Lesa. ²⁹ Ba Yesu balilabile kuli ye ati, ''Nipakuti wambona nemo, waketekla. Bashikulu abo tababwene, sombi baliketekela.'' ³⁰ Sombi ba Yesu balikitile utwishibilo tumbi pa menso abasambile, utwishibilo uto ta tukembelwe po muli li ibuku, ³¹ sombi utu tulilembelwe ati muketekele ati ba Yesu niba Kilishitu, bana ba ba Lesa, ati kabili napakuketekela, mukabe ne mweo mwishina lyabo.