¹ Penka Pilato katola ba Yesu nokubakapaulu. ² Ali aba sokya kabaposa ikisoci kyamyumga. Nokuufwika kumutwi kabili kabamufwika ifya kufwala fya popo. ³ Kabesa kuliye nokulabila, ''Mutende, wefumu yaba Yuda!'' Nokumushipila ye. ⁴ Ali Pilato kaya posonde nokulabila kuli bo, ''Moneni, nduku muleta posonde pakwebati mwishibe ati shisangilemo mulandu muli ye.'' ⁵ Penka ba Yesu kabafuma posonde, kabafwinte ne kisoci kyamyunga nefyakufwala fya popo. Pilato kalabila kuli bo, ''Kebeni, umuntu wmo!'' ⁶ Lomba abapapatilishi abakuli nabakulu bamilimo kababona ba Yesu, Kababilisha nokulabila, ''Mutanikeni, Mutanikeni!'' ⁷ Aba Yuda kaba mwasuka, ''Tuli no mushilo, kulingana no mushilo alilingile ukufuma pakuti alabila ati mwana wa ba Lesa,'' ⁸ Ili Pilato aufwile amashiwi aya kafitwa, ⁹ kaya na mukwingila mukilya kyamilandu nokweba Yesu, ''Nkanshi wafumapi?'' Lomba ba Yesu taba mwasukile. ¹⁰ Popele Pilato kalabila kuli ye, ''Mba nindo taungasukile? Tawishipo ati jikwente amakosa yakuku fumya, namakosa yakuku popa?'' ¹¹ Ba Yesu kaba mwasuka, ''Taukwente isambu pali nemo kani ikyo kyapelwa kuli mwbo ukufuma kwiulu. Lomba, uyo u-wamipele nemo kuli mwebo ukuba imbifi iyikulu.'' ¹² Paku mwasuka palififi, Pilato kaeseka ukumukakula, penka aba Yuda kababilisha, Nokulabila, ''Nga mumukakule uyu muntu, Tauli umunakwe na kaisa. Uyo onse ulimonaci nifumu alukulabila kuli kaisa.'' ¹³ Ili Pilato aufwile amashiwi aya, kafumya ba Yesu nokwikala pakipuna kyabupingushi ikya leitwa ati ni Pavimeti, ''Pano makina abelu mumulaka wabo,'' Gabbath.'' ¹⁴ Yali nipindi yakulibabila pakilo kyakukilila, papindi ya kisanu na kimo. Pilato kalabila ku ba Yuda, ''Moneni, Ino efumu yenu!'' ¹⁵ Kabalila, Apatali, apatali; mutanikeni! Pilato kalabila kulibo, Nenga tanika ifumu yenu?'' Abapapatilishi abakulu kabalabila,'' Tatukwente ifumu lomba kaisa,'' ¹⁶ Penka Pilato kapana ba Yesu kumaboko abo mukumutanika. ¹⁷ Penka kababula ba Yesu, nokufuma nokuya, nokupita umutaliko u-mwine, kupunsha itwa ati kabongoselo, ''mukine alabika ''Ngolongota,'' ¹⁸ Kulya ekoba mutanikile Yesu. Napali ye notupondo tubili kabikulwine kabikukipiko, pakuti ba Yesu pakati. ¹⁹ Na Pilato kalemba akeshibilo nokukabika pa mutaliko. Apalembelwe: Yesu umwina Nazaleti, ifumu yaba Yuda. ²⁰ Nabengi aba Yuda kababelenga akakeshibilo pakuti ikupusha yali kubwipi no mushi. Akeshibilo kalilebelwe mukina alabiki na Latini, namakikiliki. ²¹ Nabakulu abapapatilishi ababa Yuda kabalabila kuli Pilato, ''Welemba, 'Ati ifuma yaba Yuda,' kinga wama,'' umo kalabila, Nemo fifumu yaba Yuda.''''''' ²² Pilato ka-asuka, ''Iki nemo nalemba nemo nalemba.'' ²³ Lomba ifinta kafitanika ba Yesu, kabafumya ingumbo, nokushabanya mufipifwa fine. kababana kimo kimo; nokukitabula kabili tukiponse tumone ukokitola, ''Akikyakitilwe, Akikyalikitilwe ukwebati ifinembelwe fifikilishiwe ikyalabilwe. ''Balyabene ingumbo abene,'' kabili kabatola ulutambo ulubapangile kabaposele nesula talwakwetepo nelikabulema. ²⁴ Ne finta kambaushanya, ''Lekeni twatabula, Lekeni tukipose posonde tomone ukakitola.'' Nefifi fyalikitilwe kwebati ifilembelwe fifikilishiwe ifyalabilwe, ''Balyabene ingumbo shangi abene nokupokolola ingumbo, ''Efyakitile infita. ²⁵ Pano ukwimakana kubwipi nomutalika kwali bangina, nomwanike wabo, Maliya muka Klopas, na Maliya makandelene. ²⁶ Ili ba Yesu bamwene banyina nabasambile abo atemenwe kabemakene pabwipi naye, kalabila kuli banyina, ''Wemwanakashi, Moneni, umwana obe!'' ²⁷ Kabili kalabila kubasambile, ''Moneni, Banyinenu!'' kufuma pampindi ilya kabamupita nokumutwala kuñanda yakwe. ²⁸ Pakupwa kwafifi. Napakwishiba ati fyonse fyapwa nefilembelwe fyaisushiwa, ba Yesu kabalabila, ''Naufwa ikilaka,'' ²⁹ Kabatola ikomenki wa fisunga ifyakubila kabalenta nokubikamo ifyakulula mwanganshi nokubika pakanwa. ³⁰ Penka ili banwa ba Yesu umwangashi wakululu, kabalabila, ''Kyapwa,'' kabaponya nomutwi nokufwa. ³¹ Penka aba Yuda, bwali bushiku bwakuli babila, napakwebati umubili tetiekale pamutaliko pabuku bwasabata (ubushiku bwasabata bushilile), kabepusha Pilato ukumokola amolu nokubafumya. ³² Popele ifinta kafisa nokumokala amolu yawakutanga nowakibili abapopelwe na ba Yesu. ³³ Ili baishile pali ba Yesu, kababona ati bafwakale, Tabamokwele amolu. ³⁴ Lomba umo, u-wafinta kulasa ifumo, penkapo nomulopa namenda kafuma. ³⁵ Umo wamwene kalabila ifishika, Nefishi ifiabwene. Alishibile ifi alabile ati fishi pakwebati musumine. ³⁶ Fyonse fintu fyalikitilwe mukufikilisha ifya lembelwe, ''Takulipo neli ifupa limo likamokoka,'' ³⁷ Kabili namashiwi yambi yalabila ati, ''Ba kamumona aba mupopele.'' ³⁸ Panuma yafifi, Yosefi waku Arimathea, pakuti ali musambi waba Yesu (pakutina ba Yuda), kaipusha Pilato kwebati engapita umubili waba Yesu. Pilato kamupela amakosa na Yosefi kaisa nokupita umubili. ³⁹ Nikondimashi nao kaisa, uyo patanshi kaisa kuli Yesu pakuti kabushika. Kaleta ifyakushakanya fya myrrh na aloes, pakipimo kya mwanda umo ikilemeneshi. ⁴⁰ Kabatola mubili waba Yesu nokumupapa mungumbo nefinuka bwino, pakuti kifyalilwa kyaba Yuda kyakushinga umubili. ⁴¹ Pano mupusha umo ba mupopele pamusalabo mwali ipoka; Namupoka mwali kilende kya bukumo umo tabashikilemo neli umo. ⁴² Pakuti bwalipalamine ubushiku bwa kuli bambila aba Yuda napakupalama kwa kilende kwalipa bwipi kabamabika mukati.