¹ Panuma Yesu alabile aya mashiwi, alile ne basambile bakwe kumbali ye lungu lya Kidolon, ukwali ne bala umo ye ne basambile bakwe baile mukwingila. ² Lomba Yuda, uwali ne kumubema, naye kaishiba mupunda, pakuti Yesu emo alikuya lyonse ne basambile bakwe. ³ Penka Yuda, ili atangila ibumba lya bashilika ne bakulu muba papatilishi abakulu ne ba Falise, balile kulya ne lampi, amatochi, kabili ne fyakupuminako. ⁴ Pano Yesu, Uwaishibile fyonse ifyali kucifwa kuli ye, alile kutangile ukubepusha ati, ''mba ninani mulukufwaya?'' ⁵ Nkaba mwasuka ati, ''Yesu umwina Nazaleti.'' Na Yesu kalabila kuli bo ati, ''Ninemo.'' Na Yuda uwali ne kumubemba, alimakene pamo ne bashilika. ⁶ Sombi ifi alabile kuli bo ati, ''Ninemo,'' nkababwela panuma ne kupona panshi. ⁷ Kabili kabepusha libili ati, ''Ninani uyo mulukufwaya?'' Nabo libiliati, ''Yesu umwina Nazaleti.'' ⁸ Yesu kabasuka ati, nakimweba ati ninemo. Kashi nga mulukufwaya nemo, lekeni abo baleya.'' ⁹ Ifi fyalikitilwe pa mulandu wakufikilisha amashiwi alabile ati, ''Pali bonse mwampele shilufishepo neli umo.'' ¹⁰ Penka Simoni Petilo, uwali ne Lupanga, alimufishe ne kukesa ukutwi kwakululyo ukwa mupyungishi wa mupapatilishi umukulu kabili ne shina lya mupungishi ali ne Malikgisa. ¹¹ Yesu kalabila kuli Petilo ati, ''Bwesha ulupanga mukikwama. Kaushi tetinwe ulukombo uyo baTata bampele nemo?'' ¹² Penka ibumba lyabashilikale naba kapitao, ne bakulu baba Yuda, bali mwikete Yesu ne kmukaka. ¹³ Kaba mutwala kuli Annasa, pakuti ali ni Wishi fyala wakwa Kefasi uwali mupapatilishi umukulu muli ulya mwaka. ¹⁴ Lomba Kefasi ewapele ukukambisha kuba Yuda ati kili bwino umuntu umo engafwila abantu ba byakwe. ¹⁵ Penka Petilo kamukonkela Yesu kwati fyakitile abasambile bambi. Kabili ulya musambile alishibikilwe kumupapatilishi umukulu, kabili alingile pamo na Yesu mukupango kya mupapatilishi umukulu. ¹⁶ Lomba Petilo alimakene pamulyango pesonde. kabili umusambile umbi, uwaishibikile kumupapatilishi umukulu alifumine ne kulabila kuwali pamulyango, kabili ne kumuleta Petilo mukati. ¹⁷ Penka umwanakashi umusha uwali pa mulyango kalabila kuli Petilo ati, ''Kanshi webo tauli umo uwa muli uyu muntu?'' Kalabila ati, ''Shilipo.'' ¹⁸ Sombi aba mulimo ne bakulu bakito bali makene penka, kabili koti ne mulilo wa malasha, pantu yali ni mpindi ya mpepo, kabili bali kuli kafyako abene. Na Petilo ali nabo pamo, kaimakene ne kulikefya umwine. ¹⁹ Umupapatilishi kaipusha Yesu palwa basambile bakwe ne fyo ali kufundisha. ²⁰ Yesu kamwasuka ati, ''Nalabile apatubile kukyalo kyonse, nali kusambilisha mumashinsngonga na mwitempele umwali kwisa aba Yuda bonse pamo. Shalabilepo mubumfisulo. ²¹ Mba nindo muli kunjipwisha? Ipusheni bonse aba lukungufwa nemo ifyo nali kulabila. Moneni, aba bantu balishi ifyo nali kulabila. ²² Ili Yesu apwishishe kulabila fi, umo umukulu wa mulimo uwali makene kamupuma Yesu ne kulabila ati, ''Ifi efyo ufwile ukwasuka umupapatilishi umukulu?'' ²³ Yesu ali mwasukile ati,'' ngashi labile bwino, labileni pakulufyanya. Lomba ngafyakine nindo ukumpuma?'' ²⁴ Penka Annasa kamutuma ili akakilwe kuli Kefasi umupapatilishi umukulu. ²⁵ Lomba Simoni Petilo alimakene ili alikonta kumu mulilo umwine abantu, kabalabila kuli ye ati,'' ''Kanshi namwebo tauli umo uwa mubasambile bakwe?'' Naye kakana ne kulabila ati, ''Shilipo.'' ²⁶ Umo uwa mulimo mubapapatilishi abakulu, uwali mulongo waulya muntu bakesele ukutwi kuli Petilo kalabila ati, ''Shakubwene mubulimi pamo nankwe?'' ²⁷ Kabili Petilo kankana libili kabili penka namukolwe kalila. ²⁸ Penka balitangilile Yesu ukufuma kuli Kefasi ne kuya kubabuteko pantu yali ni mpindi yalukelo, kabili tabaingile mukachi ukuchina ukuli kowesha pakuti bengaba abakulya kumulalilo. ²⁹ Penka Pilato kafumamo mulibo ne kulabila ati,'' nisa kushinina muli kupela uyu muntu?'' ³⁰ Kaba mwasuka ne kulabila ati,' ''Uyu muntu ngatali nimbifi, nga twachinipeleni ye mwebo.'' ³¹ Penka Pilato kalabila kulibo ati,' mupinteni mwebene, ne kumupingula ukulingana ne mfunde lyenu.'' Aba Yuda kabalabila kuli ye ati, ''Takibipilepo fwebo ukupingwila umuntu ukufwa.'' ³² Kabalabilo fi ukwebati ishiwi kyakwe Yesu ingafika ilyo alabile mukumwenesha umusango wamfwa iyo ali kufwako. ³³ Penka Pilato kaingila mukachi, kakinango libili ne kumwita Yesu ne kulabila kuli ye ati, ''Niwebo imfumu yaba Yuda?'' ³⁴ Na Yesu kamwasuka, ''uli kulilabilila ukufuma muli wemwine nangu bambi balilabilepo muli webo palwa nemo?'' ³⁵ Pilato kamwasuka ati,' ''shilipo umu Yuda, abantu bobe ne bakulu babapapatilishi ebakupele kuli nemo. Findo wakitile?'' ³⁶ Yesu kaasuka ati, ''Ubufumu bwangi tabuli bwa muli kino kyalo, ngakya kwebati ubufumu bwangi bwali bwa muli kino kyalo, abantu bangi nga bali ne kulwa pakwebati ningabulwa ukupelwa kuba Yuda kanshi ubufumu bwangi tabulipo bwapa pano. ³⁷ Penka Pilato kalabila kuli ye ati,'' Kanshi uli mfumu'' Na Yesu kaasuka,'' walabila ati ndi mfumu pamulandu wakiki ekyo nafyalilwe, kabili pamulandu wakiki ekyo naishile mu kyalo mukulangisha bukine. Bonse abali muli bukine balofwa kwi shiwi lyangi.'' ³⁸ Na Pilato kalabila kuli ye ati, ''Nga bukine endo? ''Ili alabile aya mashiwi, alifumine libili ne kuya kuba Yuda ne kulabila kuli bo ati, shisangilepo umulandu muli uyu muntu. ³⁹ Lomba muli ye kifyalilwa ikya kwabati ningakakulapo umuntu umo papindi ya mulalilo. Mulefwaya kwebati mikakulwilepo imfumu yaba Yuda?'' ⁴⁰ Penka kabalabila libili ne kulabila ati, ''Talipo uyu muntu, pakuti banabae.'' pakuti bana basi ali kapondo.