¹ Panuma ba Yesu balabile ifi fintu, bali tontomekele amenso yabo kwiulu ne kulabila ati, ''Tata, pano impindi yaisa, mumulemye umwana wenu ati umwana wenu naye amulemyeni. ² Koti nifyopele fyo ifi mwamupele ubukulu ubwa paba munefu bonse ukwebati ye abapele umweo uwamuyayaya bonse abo ebo mwamupele. ³ Uyu emweo wa muyayaya: Ati ba kamwiishibeni mwebo ati, emwe mwenka mwe ba Lesa ba kine, na uyo uyu mwatumine, Yesu kilishitu. ⁴ Nalimulemesheni pa kyalo kyapanshi. Nashishisha imilimo iyo mwapele ati nkite. ⁵ Pano, Tata, nga mundemye pamo na mwebo mwebene kubuleme ubo nali nabo pamo na mwebo akale ili takinga lengwa ikyalo kyapanshi. ⁶ Nali lifisulwile ishina lyenu ku bantu abo ebo mwampele abafumine pakyalo kya panshi, bali benu, kabili mwali bapele kuli ne bo, Nabo balukulama amshiwi enu. ⁷ Bukumo balishi ati fyonse ifi fyo mumpele nebo filifumine kuli mwebo. ⁸ Pakuti na bapela amashiwi yonse ayo mwampele. Nabo bali yapokelele ne kwishiba ikine ati nali fumine kuli mwebo, ne kuketekela ati ni mwebo mwantumine. ⁹ Ndukuba tembelelako. Nshilukutembelelako ikyalo lomba ndukutembelela abo mwampela nemo, nipakuti benu. ¹⁰ Kabili ifintu fyangi fyonse fyenu, ne fintu fyenu fyangi, kabili muli fyefyo ndikindikilwemo. ¹¹ Lomba pano nshili mu kyalo, sombi aba bantu bali mukyalo, nemo ndukwisa kuli mwebo. Tata mweba swetelele, mubalame mwi shina kyenu abo mwampele ukweba ati bakalikwikala buumo koti nifyopele tuli umo na fwebo. ¹² Ili nali nabo, nalukubalama bwino mwishina lyenu, abo mwampele nemo nali kutembela bo, kabili tapali neli umo mulibo uwaonaikile, sombi enko uyo umwana wakonaulwa, nipakuti amalembo afikilishiwe. ¹³ Sombi bukumo ndukwisa kuli mwebo, kabili nsukulabila ifi fintu mu kaylo ukweba ati ukusangalala kwangi kukumane muli bo. ¹⁴ Nabapela ishiwi lyenu, ne kyalo kyabafitilwa nipakuti tabali ba mu kyalo, fyopele fyo nemo nshili wa mu kyalo. ¹⁵ Nshilukutembelela ati mukabafumye mu kyalo kya panshi, sombi ati mukalukubalama ukufuma kuwa kubifya. ¹⁶ Tabali mu kyalo, koti ni nemo nshili wamu kyalo. ¹⁷ Babikeni pambali muli bukine. Ishiwi lyenu ebukine. ¹⁸ Koti nifyopele fyo ifi mwantumine mu kyalo kya panshi na nemo nabatuma mu kyalo kya panshi. ¹⁹ Kukufyaya kwabo nalibika pambali, pakuti nabo balibike pambali muli bukine. ²⁰ Nshilikutembelela pali benkabo, sombi nakuli babo abakasumina muli nemo ukupitila mwishiwi lyabo ²¹ ukweba ati bonse bakalikuli umo koti efyo muli, Tata, muli nemo, na nemo mli mwebo. Nabo ukweba ati babe muli fwebo pakuti ikyalo kisumine ukweba ati mwantuma. ²² Ubuleme ubo mwampela nemo, nabo nabapela, ukweba ati bakalikuli umo, koti nifyopele ifi tuli umo. ²³ Nemo muli bo, Namwebo muli nemo ukweba ati bakaletwe mukwikatana ukupwililikile, ukweba ati ikyalo kikeshibe ati mwalintumine, nakabili ati mwli batemenwe koti nifyoele fyo ifi muntemenwe nemo. ²⁴ Tata, ndukufwaya ati abo mwampele nemo babe na nemo ukondi, ne kubona ubuleme bwangi, ubuleme ubo mwampele pakuti mwalintemenwe ili takingalengwa ikyalo kya panshi. ²⁵ Tata mwebalungeme, ikyalo takyamishibile mwebo, Lomba njimishibile mwebo, kabili naba balishibile ati mwalintumine. ²⁶ Nalilengele ishina lyenu ukwishibanikwa kuli bo, kabili nkalilenga ukwishibikwa pakweba ati ukutemwa kwangi uko muntemenwe nemo kube muli bo, na nemo nkalukuli muli bo.''