¹ Panuma ya fyonse fi, Ba Yesu balishile kubasambile babo ne mukulibwenesha kukishiba ikya Tibeliase; kabili kalibwenesha fyopelefi. ² Kwali Shimoni Petilo Tomasi uyo balukwita ati, Didimasi, na natanela wa kumushi wa kenani uwa mungalili, ne bana bakwa Zebede, ne basambile bakwe Yesu bali. ³ Shimoni Petilo kalabila kulibo, ''Naya mukwita isabi.'' Nabo kabalabila kuli ye, ''Nafwebo tuleisa namwebo'' kabaya ne kunisa mubwato, pa bulya bushiku bonse tabakwachilepo neli kama koku. ⁴ Lomba eli bwakile kumakya. Ba Yesu bali makene kukitulu, pakuti basambile bakwe tabamwishibile ati Yesu yowo. ⁵ Popele, ba Yesu kalabila ati mwe bana muli ne fyakutobela? Kamwasuka ati yowo. ⁶ Kalabila kulibo ati, ''Teyeni amasumbo kulubali lwakulwine lwabwato, mukoikata. Penka kateya balifilwe ukwabula pamenshi nipakuti isabi lyalifulile. ⁷ Eli lomba ulya umusambile uyo batemenwe ba Yesu kalabila ati niba Shikulu. Penka Petilo pakumfwa ati niba Shikulu, kafwala umunkukumba wakwe (nipo pakuti aliubwamba) ne kuliposa kaliposa pamenda. ⁸ Pakuti abasambile bakwe bambi balukwisa muli kabwato pantu tabalipo kutali ne kitulu yowo, pali imishinso imyanda ibili amakyubiki kabalukutonsa amasumbo ayeswile isabi. ⁹ Ili bafumine kukitulu, kababona umulilo uwamashanga pali ne munani penka ne mukate. ¹⁰ Naba Yesu kabalabila kuli bo ati, lomba letenipo isabi limbi elyo mwakwata. ¹¹ Penka Shimoni Petilo kaya ne Kudonsela amasumbo kumpanga kaliswile isabi ilikulu, umwanda umo ne amakumi asanu ne sabi litatu po. ¹² Ba Yesu kabalabila kulibo ati, ''Ieni mulye. Tapalipo nangu umusambile uwafwile ukumwipusha ati ni mwebo banani koku. Balishibile ati ebenka baShikulu. ¹³ Popele ba Yesu balishile kuli bo kabula umukate kabapelo ne munani pamo. ¹⁴ Fyopele filya kalikumana litatu alyo alibweneshe Yesu kubasambile bakwe ili atutubukile mubafwa. ¹⁵ Ili bapwishishe ukulya, ba Yesu balilabile kuli Shimoni Petilo ati Shimoni. mwana Yoane ulintemenwe ukukila bano? Naye kalabila ati Ee, mwe baShikulu mulishi ifyo mitemenwe. Ba Yesu kabalabila kulibo balisheni impanga shangi.'' ¹⁶ Kabweshapo ukulabila libili ati Shimoni mwana Yoane ulitemenwe?'' Kalabila ati Ee Shikulu mulishi ifyo mitemenwe. Ba yesu kabalabila ati sungeni impanga shangi. ¹⁷ Naye kamwipusha ilyo butatu ati, Shimoni mwana Yoane ulitemenwe?'' Petilo alibombomene pantu ba Yesu bali mwipwishe litatu ulitemenwe? Naye kalabila kuliye ati Shikulu, mwebo mulishibile ifintu fyonse. mulishibile ifyo mitemenwe.'' Ba Yesu kabalabila kulibo ati, kalisheni impango shangi. ¹⁸ Ikishinka, Ikine ndemyebeni ili mwali muli mubulumendo mwali kulifwika ne kwenda ukuli konse mwalefwaya ukuya mwebo mwebene. Pakuti ili mukota. mutunika amaboko yenu. Naumbi akamifwika ne mitwala ukuli konse ukuntu uko tamulefwaya ukuya. ¹⁹ Lomba ba Yesu kabalabila fi mukulumbula umusango wamfwa iyo Petilo akalumbanishimo Lesa. Napanuma ya kulabila fi kabalabila kuli Petilo ati. Nkonkeni.'' ²⁰ Petilo kaluluko ne kubona ulyo umusambile uyo batemenwe ba Yesu kalumukonka ulya wenka uwakunamene panchibi yakwe lyakulwine, ne kulabila ati, Shikulu, ninani, ukamisolola? ²¹ Petilo alimumwene ne kulabila kuli ba Yesu ati, Shikulu uyu muntu akakita shani?'' ²² Ba Yesu kabalabila kulibo, ''Nga nafwaya ukwebati ekale mpaka nkese, kanshi mulandu wenu? mwebo mulenkonka fye.'' ²³ Popele uyu umulandu kaufwikwa kubalongo babo ati ulya umusambile taakafwe koku: Pakuti ba yesu tabalabilepo kuli Petilo ati balya abasambile tabakafwepo, Nga,'' Nafwaya ati ekale mpaka fye nkese, Nikindi kuli mwebo?'' ²⁴ Uyo emusambile uwalelumbula fyonse fi, ne kufilemba ifintu fyonse, tushibile ukwebati ukulabila kwakwe ekwa kine. ²⁵ Eko fili ifintu fimbi ifingi ifyo bakichile ba Yesu. Nga fyalilembelwe fyonse. Nga napano pa kyalo nga paisula ukufilwa ne patula amabuku ambi.