1 Paulo ali tontomekele amenso pebumb lyaba kulu . Neku labila , ati ''Mwebalongo , nalikele muli ba Lesa mufili fyonse ifi weme mukutekanya ukufika nalelo .'' 2 Umupapalishi umukulu Ananiya , alibebele aba imakene nabo ukumupuma pakanwa . 3 Kabili Paulo alilabile kuliye ati , '' Lesa akakupama we lubumbu ikitubile . Nkanshi mwaikalila uku mpingula nebo kumishilo , neli mulifwaya ukupumwa , pakupula mwifunde ? '' 4 Abo abaimakene kulubali lumo . Kabalabila ati , '' Ifi efyo mutuka abapapatilishi abakulu abakwa Lesa ?'' 5 Paulo kalabila ati nshaishibile , mwebakwasu ati alimupapatili umukulu . Pakuti kililembelwe ati mwikalabilapo ifibipile kuntangi yabantu benu . 6 Ili Paulo abwene ati ulubali lumo ulwa kilye bali aba Saduki nalimbi ilyaba Falise , ali labile ne shiwi ilikulu mukilye , '' Mwebakwasu , nemo ndimufalise , umwana waba Failise - eko napingwilwe .'' 7 Ili alabile ifi ukupachika , kakutatika pakati kaba Falise neba Saduki , kabili nebumba lyalyabene . 8 Aba Saduki balabila ati takulipo ukusangulwa , takuli inkalamba , kabili takuli imipashi , pakuti aba Falise baleshiba bonse . 9 Popele apo ikiwowo ikikulu kyalumfwanikile , kabili nebalembeshi bamo abali kulubali lwaba Falise , bali makene nekupatika , kabili nekulabila ati , '' Tatusangilemo ikilubo mulyu yu muntu . Pano nga Mupashi nangu nikalamba yakilabila kuli ye ? '' 10 Ili kwabele ukutalinshanya ukukulu , kapitao umukulu ali tinine ati Paulo balemutabaula tufimpifwa tunituni , kulibo , pano lomba kakambisha abashilika ukuya panshi nekumupinta nemakosa abo ukumufumya mwibumba lyabalamishi abakulu babuteko , nekumuleta mwilinga . 11 Ubushiku ubwakonkelepo ba Shikulu balimakene kulubali lwakwe . Nekulabila ati , '' ba Ushipile fyenkefi wabasambisha aba mu Yelusalemi , kabili ulilingile ukubafikilisha nabena Loma .'' 12 Ili yafikile impindi yakasuba , bamo aba Yuda balyumfwa ngene nekupanga akabungwe kakosele nekulapa , nekushikilwa nensala nekulabila ati tabakalye nangu ukunwapo ukufika nakupindi bakamwipaya Paulo . 13 Impendwa yabo yalikilile pabantu amakumi ane abapangile ili bumba ilikosele . 14 Balile kubapapatilishi abakulu nakubakulu nekubeba ati fwebo twalapa ukulapa ukukulu kwakubula ukulya , ikilikyonse ati kani tumwipaye . 15 Pano kubati nifyenkefyo leke ikilye ikikulu kite kapito umukulu imulete kulimwebo kochi kulanguluka , umwa kupwishi umulandu mumulinganya uweme . Kochi nafwebo , tuli abalipekenye ukumwipaya ili tangesa kuno .'' 16 Pano umwana wankashi yakwe Paulo alyumfwile ati bale mupembelela . Pano alile nekwingila mwilinga nekumubula . 17 Kabili Paulo alitile umo umushilikale uwimakana pamulyango neku mweba ati , '' Mutwale uyu musankwa kumukulu waba kapitao , pantu ali nefyo alefwaya ukubabulishisha kuliye . 18 Uyu mushilika umukulu alimwimishe umusankwa nekumuleta kuli kapitao umukulu nekulabila ati , '' Paulo ukakilwe alingichile nebo . Alingipwishe nemo ukuleta uyu musankwa kuliwebo . Alikwete ifintu ifyakulabila kuli webo . 19 Kabili uyu kapitao umukulu alimukwete kukuboko nekumutwala kuchende ifiseme nekumwipusha ati ,'' Mba ninsa fintu ifi wingambula ? 20 Uyu musankwa kalabila ati , '' Aba Yuda basumina , ukungipusha ukumuleta Paulo mailokukilye . Kochi balefwaya ukumwipusha amepusho aweme . 21 Tekwesha , pantu bafula ukukila napa makumi ane abalalume abalukupembelela ukwisa kwakwe kabili babika ukushikilwa nensala ukulya nangu ukunwa ukufika nempindi yakumwipaya ye . Naluluno balilitengenye ukupembelela ukwa kusuminisha kwenu . '' 22 Umukulu wabakapitao alimulekeleko munsankwa , ili apwishishe ukumufwa , '' Ukubula neli umo ati nafisha ifi fintu kuli nemo ne . '' 23 Kabili alichile bakasopa babili nekubeba ati , '' Mpinta aba shilika imyanda ibili abakuya nabo Kukesialya , nebenda pambongolo abali amakumi asanu na abili , kabili . Nabalwa nemiketo nabo abali imyanda ibili , mwakwima pashita yabutatu iya bushiku .'' 24 Kabili ali bebele uku mufwaila imbongolo ilingile Paulo ukwendapo iyakumutwala kuli kilolo Felikishi . 25 Kabili ali lembele inkalata ati : '' 26 Kaladusa lishashi kiluye kilolo Felikishi , umutende . 27 Uyu muntu alikwetwe kuba Yuda kabili balukufwa ati bamwipaye bo pampindi yoo , ili naishile kuli bo nebashilika nekumukakula , pantu nalishibile ati ali mwikashi wakina Loma . 28 Nali fwaishe ukwishiba umulandu akitile , nalimwimishe nekumutwala kwibumba lyabakulu . 29 Kansanga ati bali mupele umulandu pamepusho aleipusha pamishilo yabo . Lomba tapalipo ifya kushininwa kwake ifyalingile ukufwilapo nangu ukukakilwapo . 30 Kabili amshiwi alishile kuli nebo ati kuli amapange aapali uyo muntu , pano bwangu bwangu nalimutumine kuli mwebo , fyopelefyo , nakufwaya ifyaku shininwa kwakwe kukinso kyenu . Mushale umutende .'' 31 Abashilika kaba nakila kwishiwi lya bakulu . Bali mwimishe Paulo impindi yabushiku neku mutwala kuli Antipatulusu . 32 Ubushiku bwakonkelepo , abashilika abengi kabafumako nekusha abenda pambongolo ukuya nakwe kabili kababwela kwilinga . 33 Ili abenda pambongolo bafikile Kukesalia bali pane inkalata kuli kilolo , kabili balimupene Paaulo kuliye . 34 Ili Kilolo abelengele inkalata , alipwishe inkende ukwa afumine Paulo . Ilishibile ati ali fumine ku Shilishya , 35 ali labilile ati , '' Nakukumfwisha sana iliuyu wakushinina umulandu nga aisa . '' Kabili ali mwebele ukwikalikwa mumushi ukulu mubuteko bwakwe Eloda .