¹ ''Mwebakwasu nabawishifye ubukingililo ubo ndemipangila mwebo.'' ² Penka ibumba kalyumfwa Paulo kalukulabila kulibo muki Hebele. Balikele tondolo . Kalabila . ³ Ninemo umu Yuda , nalifyelwe mu Turso uwaku Silisha , na lisambilile mweka muno mukyalo kunshi Gamalyeli nali tangililwe ukulingana nenkonka ya bawishi fwe. Indenemunkosha wabu Lesa kwati ifyo muli bonse abalelo. ⁴ Nali kyulile nofwaya ukufwa , ukubakaka ne kubalobela munakoti bonse abalalume ne banakashi . ⁵ Ili umupapatilishi umukulu ne bakulu bonse baumfwine , nalipokele inkalata ukufuma kubabwesha libili mukubapensha ku Jelusalema . ⁶ Kafikichikwa ili naleya ne kupalama ku Damasiko , utwala mukingulo penka ikyeya kyakuti kufuma mwiulu kakichika ukusama ukunshinguluka . ⁷ Popele kampona panshi ne kumfwa ishiwi kalilabila kuli nemo , Saulo , Saulo , nindo ulenkyushisha ?' ⁸ Kangasuka , 'Niwebo nani , Shikulu ?'Kalabila kalabila kuli ye . Ninemo Yesu uwaku Nazaleti, ulya mwale- kyusha! ⁹ Balyabo nalinabo kamobona ukutuba , sombi tabaumfwilepo ishiwi lyakwe uwalelabila nanemo. ¹⁰ Kandabila nkite shani Shikulu ? Naba Shikulu kamwebo ati ima uleya ku Damasiko . Kulya eko bakukubula fyonse fyo bakutongwele webo ifyakuta' ¹¹ .Pkuti nshalukubona pamulandu wakulya ukutuba , ne kutangililwa kukubo kwa balya abali nanemo , nashile ku Damasiko. ¹² Penka kankumanya umuntu uweshina Ananiya umuntu utekenye uwali nekonka yomafunde ne kulabila ukuweme kuba abekala kulya. ¹³ Kaisa kuli nemo , ukwimakana , ne kulabila ati wemukwasu Saulo , upo ukulaba kobe ; muli yenka ilya nshita kamubona. ¹⁴ Naye kalabilati , ba Lesa bawishi fwe bakusobola webo ukwebati uwishibe ubufwayo bwakwe , ukumonapo umulungami ne kumfwa kwishiwi ukufuma mukanwa kakwe umwine. ¹⁵ Webo ukaba ulimboni wakwe kubantu bonse pafyo wamwene nefyo waumfwine. ¹⁶ Lomba nindo ulepembelela ? Ima, ubatishiwe, ne kusamba ufumye imembu shobe , u;leita pe shina lyakwe.' ¹⁷ Ili nabwelele ku Jelusalema , nelyo nalepepa mwi tempele, kambona ikimonwa. ¹⁸ Kamumona ulukulabila kuli nemo ati, 'Endesha ne ufume ku Jelusalema bwangu , pantu tabasuminishe bumboni bwangi. ¹⁹ Kandabila , 'Shikulu abene balishi ati nakakilwe na kupama balya abaketekele muli mwebo neli konse kusinagoge. ²⁰ Kabili umulopa uwa kwa Sitefano imboni pakupokomoka , nanemo nalimakene ne kusumino , ne kulama ifya kufwala fya balya abamwipeye.' ²¹ Nabo balilabile kuli nemo ati , 'Koya , pakuti nkakutuma ukutali kubena fyalo. ²² Nabo balimumfwile ku ena nekufika kwishiwi. Eli babilikishe , ne kulabila ati , mufumyeni mukyala uyu muntu mungwa telelwe ukwikala na mweo. ²³ Ili balebilika , ne kuposa ifyakufwala ne kuposa ukungu mwiulu, ²⁴ ikilolo ikikulu kyali fibulile ifita umwingisheni mulinga . Kaba mukambisha ukumwipusha paulu kupama ati njishibe ikyebo iki balikumubilikishisha. ²⁵ Penka ili bamukakile ne ntambo, Paulo alilabile ku kilolo kyafita mwanda ikyaimakene apo, ati,'' Kani ukumwelelweni mwebo ukupumo umuntu umu Loma ? utangashininwa? ²⁶ Popele ikilolo ili, aumfwilw fyo alile kumukulu wafita ne kumweba ati,'' Nkita shani? kuli uno mwina Loma.'' ²⁷ Umukulu wafita alishile ne kulabila kuli ye ati ungebe , ngauli umwina Loma? ²⁸ Umukulu wafita kabasukati , '' Shalifye nindalama ishingi ishilefwaikwa ukuba umwina kyalo pakuti kalabila ati , nalifyelwe kubena Loma. ²⁹ Pakuti balya abantu alukuya ili bamwipusha ena kabamusha penkapo . Umukulu wabashilikale naye alyumfwile umwenso , ili aishibile ati Paulo ali umwina Loma , pakuti alimukakulwile. ³⁰ Akasaba akakonkelepo , umukulu wabashilikale kafwaya ukwishiba ikine paba Yuda ukuli lwishanya na Paulo . Naye kabamukakulula ne kukambisha umukulu wabashilikale na bonse abekala mishi ukuti bambaulepo , kabamuleta Paulo ne kumwikalika panshi ne kumubika mukati kabo.