¹ Ili twafumine kulibo ne kuya mubwato katu pulaila pa lwa kuya ku mushi wa Kosi , ne bushiku ubwa konkelepo ku mushi wa Lodesi , ne kufuma kulya nekuya ku mushi wa Patala. ² Ili twa sangile ubwato ubwa kwabukila bushilya ku Fonisia , twalile mubwato ne kutendekako ukuya. ³ Panuma yakumona saipulasi , kaishala ku kipiko lubali lwa bwato , katwendela ku Silya ne kufika pa mushili wa Tile , uko ubwato bwali uku Paulo ifipe fyabo. ⁴ Panuma yakusangana abasambi , twalikele inshiku shisanu na shibili . Ukupichila mu Mupashi bali twalilile uku musashilila Paulo achi eyaa ku Yelusalemi . ⁵ Ili inshiku shesu kulya sha pichile , katufumako nekuya munshila Yesu , nabo bonse , nebakashi babo ne bana , kaba konkela ikufuma mumushi . Penka katufukama panshi ku kitulu katu tembela , ⁶ ne kulishalikapo umo ne mubyakwe . Popele katu ya kuninso bwato , kabili kaba bwelamo . ⁷ Ili twa pwishishe ukooba ukufuma ku Taile , katu patuka pa Putolemaisa . Apo twa likwimusha abakwa besu nekwikalako nabo ubushiku bumo. ⁸ Ubushiku bwa konkelepo katufumako katuya ku Kesalea . Twalingile munganda yakwa Filipo uwa kwete abantu kuliba Yesu , uyo uwali umo muli basamu na babili twaliikele nakwe . ⁹ Pakuchi uyu umwalalume ali nebana ifisungu bane abali ku shimikisha . ¹⁰ Ili twaikeleko inshiku shino , kakwisa uwa fumine ku Yuda uwakutulishisha uweshina Agabase . ¹¹ Kaisa kuli fwebo neku pinta umushipi wa kwa Paulo . Nako kali kakilako kumolu naku maboko akwe ne kulabila , '' Ifi efyalabila Umupashi , 'ukweba ati aba Yuda mu Yelusalemi ba kamukake umwalalume uyo umwine wa uno umushipi , ne kumupana ye mumaboko aba Jentile .'' ¹² Pakumfwa ifi ifintu , bubili bwesu ne bantu abo abalukwikala muli ilye mpunsha katu mupapachila Paulo ati tekuya kulya ku Yelusalemi . ¹³ Kabili Paulo kaasuka , '' Nindo mulukukita , ukulila neku tobaula umuchima wangi ? Pakuchi nali teyanya , talipo kunkakilaso , lomba nekufwila so mu Yelusalemi pa mulandu so weshina lya kwa Shikulu Yesu . '' ¹⁴ Pakuchi Paulo taba mukifishepo , twalikele kele kelele kabilikatulabila , nga kuchi kwe uku fwaya kwaba Shikulu. '' ¹⁵ Pakupite shi nshiku , katutola ifyola fyesu ne kwimina ku Yelusalemi . ¹⁶ Kulya nako katuya nafwebo nabanbi aba sambile ukufuma kuli Kaisale . Kanamuleta nabo umwalalume weshina Munasona , umwalalume ukufuma ku Saipulasa , umusambile uwakutanga , uyo uyu twenge kala naye . ¹⁷ Ilitwafikile mu Yelusalemi , umukwasu katupokelela nekutemwa . ¹⁸ Ubushiku ubwa konkelepo Paulo katuya nafwebo kuli Yakobo , kabili nabonse abo aba kulu kabali penka . ¹⁹ Ili abe mwishe bo , kaba londolwela ifintu kimo pali kimo ifyo ba Lesa bakita mukachi kaba Jentile ukupichila mu milimo yakwe . ²⁰ Ili baumfwile ifi , kaba kinjika ba Shikulu , ne kulabila kuli ye , wabona , we mukwasu , nibanga ama sausande aitabila mu ma Yuda . Bonse bali elelwe ukusunge mishilo. ²¹ Ba ababula pali mwebo , achi mulasambilisha bonse aba Yuda abo abekala neba Jentile . Muku kana Mose , achi mubabule belukukopola abana babo , ne kubula ukwenda mu nshila sha mbusa. ²² Twakukita fyepi ? Lomba bakumfwa ati waisa . ²³ Penka mwakukita fyenka twakulabila kuli webo . Tuli ne balalume bane aba pangile ukulapo . ²⁴ Pinta aba abalalume nekulitubisha nabowenka ne kubalipilila ifyakulipila , penka nekuba beye imitwi shabo . Pakuti uuli onse akeshibe ati imfintu bababulile pali webo fyabufi . Bkusambilila ati namwebo mulekakala aba lungeme , ukulame imishilo . ²⁵ Lomba pa lwa ba Jentile abo aba sumina , twali lembele palwa kulanguluka kwesu achi bakali kuli sunga abene ukufuma kufintu ifya lanbulwa kutu lubi , ukufuma ku milopa , ukufuma kufya kukakanya , ne kufuma kubukende . '' ²⁶ Penka Paulo ka pinta abalalume , ne kasuba ka konkelepo kalitubisha imwine pamo nabo . Penka kabaya na mwitenpele , nekubabulishishe nshiku shaku tubishiwa shikafikilishiwa ne mulambu ukapanwa kuli umo umo . ²⁷ Ili inshiku shisanu na shibili shapalamine mukupwa , bomo aba Yuda ukufuma ku Esya , kaba mona Paulo mwitenpele , kaba bunganika ibumba lyonse nekubika amaboko pali ye . ²⁸ Baliku bilikisha , '' Mwe balalume ba Islaeli , tofweniko . Uyu emwalalume wusambilisha bonse abalalume konse ifintu ifya kwalukila abantu , imishilo. naino impunsha . Pali fifyo , kabili aleta ne ba Giliki mwitenpele kabili abifya naino impunsha ya mushilo . ²⁹ Pakuchi nakunuma kaba mumona Tolofimasi umwina Efese kali naye mumushi , nekulanguluka ati Paulo amuleta mwitenpele . ³⁰ Umushi onse nekusekela , nebantu kababutukila pamo ne kumukwata Paulo . Kaba mufumya pesonde ye tenpele , penkapo nefibi kabafisala . ³¹ Ili bali kwesho kumwipaya , amashiwi ka afika ku mukulu wa ba kulonda ati Yelusalemi onse ali mu kuwawoto kukulu. ³² Popele kapinta ne bashilikale ne ma chalyote ne kubutukilako ukwali ibumba . Ili abantu babwene umukulu wabashilika neba shikilale , kabakileka ukumupuma Paulo. ³³ Penka umukulu waba shilikale palamina ne kumukwata Paulo , nekuba kakachisha achi ba mukake iminyololo shibili . Eli amuipushe ati niwe aani kabili nindo akita . ³⁴ Bambi mwibumba bali kubilika ikintu kimo bambi nabo fimbi . Pakuti umukulu wabashilika tamwenepo ifishinka pamulandu wa kiwowo kyonse , kabakakachisha ati Paulo ba mutwale mungande ikosele . ³⁵ Ili aishile pa ndandalashi , bali mupinchile ku bashilikale pa mulandu wa bantu abankuma . ³⁶ Pakuti ibumba lya bantu kali konkela panuma ne ku bilikisha pesonde , '' Fumeniko kuli ye ! '' ³⁷ Ili Paulo bafwaile ukumuleta mungande ikosele , kalabila kumukulu wa mashilikale , '' Kili itabishi nemo ukulabilapo fimo kuli webo? '' Umukulu wabashilika kalabila , '' Ulalabila iki Giliki ? ³⁸ Tali webo kanshi umu Egupito uyo pa mpinji shimo kunuma watatwile ukubakila ne ku tangilila abalalume fosausande ' Abakusatuka 'mwenka mumpanga ? '' ³⁹ Paulo kalabila , '' Nji mu Yuda , ukufuma mu mushi wa Talasusa mu silikya . Nji mwina kyalo . Uwa mukyalo ikikindeme . Nakusashilapo , ngitabishe ndabile kuli baba bantu . '' ⁴⁰ Ili umushilika amupele nsambu , Paulo ka imakana peulu nekuba shilikishapo ne kuboko . Ili baikele shilili , kalabila kulibo mumushobo waki Hebelu , kalabila .