¹ Ili kipupu kyapwile Paulo kabeta abasambile kabili panuma ba kosesha alibashalikilepo ne kuya ku makedonya. ² Ilyo apichile mumpanga yonse kabili ne kulabila amashiwi ayengi aya kubasesha , eli ashile kuba Ela. ³ Panuma yakuwishako imyenshi itatu kulya aba Yuda kamuteyo bubale ili ali kufwayo kwimo lwendo mubwato ukuya ku Silya , kabili alifwaile uku bwelelamo ukupita mu Makedonya . ⁴ Popele sopata umwana wakwa pulo uwa ku Beloya ali mushi ndikishe ukufika naku kyalo kya Asya , Alisitako na sekundo , bonse balifumine kuba sumini abena Tesalonika ; Na Gayo uwa ku Debe ; Timoti ; na Tuchiko na Tilofimo abafumine ku Asya. ⁵ Sombi aba balalume ebatangilepo ne kuli kutupembelela ku Tilowa. ⁶ Penka twalyendele mubwato ukufuma ku Filipoi pakushile nshiku fya fimpwampwa ifya kubulo musunga , kabili pa nshiku shisanu twalikeleko inshiku shisanu na shibili. ⁷ Pa bushiku bwa ntanshi ubwa mulungu , ili twabun'ene pamo mukukumala shiku , Paulo alilabile kuba sumini . Ye Paulo alikupekanya ubasha ubusha ubushiku ubwa kankopo , naye alitalimfishe amashiwi akwe ukufika napa kati kabushiku. ⁸ Kabili mwali nyali ishingi mun'anda ya peulu umo twabungene bonse. ⁹ Pakipense pali keele umusankwa uweshina lya Yutiko , uwa ponene mutulo utukulu makosa . Ili Paulo alasile pa nshita . Ili Paulo alabile pa nshita itali , uyu musankwa , ili kaleele , aliponene ukufuma pa n'anda ya butatu peulu ne kumutoola ufwile. ¹⁰ Na Paulo ili aikile panshi ne kulalila pali ye ne kumufukatila . Penka alilabile ati , '' Mwiumfwe mwenso , pantu ye mulabi.'' ¹¹ Penka Paulo kanina peulu ne kutebaula shinkwa ne kulya napanumaya kulabila nabo panshita itali ukufika na ku makya , alikumbulukile . ¹² Nabo kaba muleta umusankwa umulabi kabili baline kusangalala ukukulu . ¹³ Nafwebo katubatangilila ba Paulo ne kuya ku Aso mu bwato , uko twafwaile ukusenda Paulo ukuya naye . Ifi ifyo naye afwaile uku kita , pantu alipekenye ukuya ulwa panseni. ¹⁴ Ili atusangile ku Aso , twali musendele mu bwato ne kuya ku mitulene. ¹⁵ Pakufumako kulya kabili twalifikile ubushiku bwakonkelepo pa chiyo . Kabili ubushiku ubwa konkelepo twalifikile ku Samo , ne bwa masoshi matali twalishile ku Mileto. ¹⁶ Pakuti Paulo ukuya no bwato ukukila pa Efeso , pakwebati akabule ukuposa nshita ku Asha ; Pakuti ali kubutukila ku Yelusalemi pabushiku bwa pentekosite , nga kyali suminishiwe ukukite fyo . ¹⁷ Kulya ku Milito , alitumine abalalume ku Efeso ne kubeta abakulu abamwikelesha . ¹⁸ Ili baishile kuli ye , naye kabeba ati , '' Mwebo mwebene muli shibile , kutachita pa bushiku bwantashi ili na nyente amolu angi mu Asha , ili naposele impindi yandi na mwebo. ¹⁹ Nali kuba pyunjila ba Shikulu ne kulikefya ukwa mumutima ne minsoshi , ne pakuti pafiteyo fya ba Yuda . ²⁰ Nanemo shatininepo ukumibulishisheni ifintu fyonse ifya kubomfya ne kulu ne kulu kumusambilisheni apatusile na muma nánda onse. ²¹ Ukulukulabila kuba Yuda naku ba Giliki pa kulabila kuli Lesa ne ku ketekela kuli ba Shikulu Yesu Kilishitu . ²² Lomab boneni , ndukuyu ku Yelusalemi , ukutangililwa ukwishiba ifili ko kukichika kuli nebo kulya . ²³ Pakuti Umupashi ali ne kushimikila mumishi yonse ati iminyololo ne mapensho filikupembelela . ²⁴ Lomba shili kubonapo umweo wangi ukulema kuli nebo , ngakyakwebati nkapwishe uku butuka ne milimo iyo napokele kuli ba shikulu Yesu , iya kushimika ikyebo ikiweme ikya lusa lwa Lesa . ²⁵ Pakuti moneni , ndishi ukwebati mwebo bonse , muli babo abo naileko mukutulisha palwa bufumu , tamwakabonepo impumi yangi . ²⁶ Emulandu wine ndukulabila kuli mwebo muka suba ka lelo , ndi uwa kaele pa milopa iya muntu uli onse . ²⁷ Pakuti shatininepo ukumibuleni ukufwaya kwa Lesa . ²⁸ Kamushenjela mwebo mwebene , kabili na pe tanga ilyo Umupashi amisontele bukilolo . Muletekanya pa kutangilila ikelesha lya ba Lesa , ili ashitile ne mulopa wakwe umwine .( mukifulo ca kwebati - ne milopa yakwe umwine ifyalembelwe ifyakale ati , ne mulopa ya mwana wakwe umwine). ²⁹ Ndishi ati pakufumapo nebo , imimbulu kali ikengila pakati pali mwebo kabili tabakalileke itanga . ³⁰ Nakabili mukati kenu mukema abantu ne kulabila amashiwi aya sendeme mu kuba twala mumbi aba sambile . ³¹ Sombi mulelangalanga . Langulukeni ati pamyaka itatu shalekelepo ukulu kumukengesheni bonse pa bushiku ne kasuba ne minsoshi . ³² Lomba ndikumipeleni kuli ba Lesa naku mashiwi a nkumbu , aeshi ukumwibakeni ne kumupeleni ubupyani pamo nababo bonse abasweshiwe. ³³ Sha kumbilwepo Siliva , golide , neli ifya kufwala ifya bantu bonse . ³⁴ Mwebo mwebene mulishi sti amaboko aali kubombesa ifya kufwaya kwangi ne kufwaya kwababo abali nanemo . ³⁵ Mufintu fyonse nalimpeleni ikya kumwenako ifi mufwile ukofwa abanakile mukubomba , nefyo mufwile ukwibukisha amashiwi aba Shikulu Yesu amashiwi ayo umwine alabile ati ; mulya mashunko ayengi mukupela ukukila ukupokelela . ³⁶ Ili apwishile ukulabila muyi ishila , ali fukamine panshi ne kutembela nabo pamo bonse . ³⁷ Kwali ukulila ukwingi ne ku mu kumbanta Paulo ne kumu fyompa ye . ³⁸ Abengi balibombomene pamulandu wa mashiwi alabile , ati tabaka . Monepo libili ikinso kyakwe . Penka bali mushindikishe mu kunisa ubwato.