¹ Pakupita inshiku shisanu , umupapatishi umukulu Ananyasa , nabakulu bamo , kabili ulabila kuma bumba uweshina lya Teletulusa alileko kulya . Aba abalalume balishile ukubula umukulu wakyalo ubupingushi bwa milandu yakwa Paulo . ² Paulo elyo alimakene kumeso amukulu wakyalo , Teletulusa alilampile ukumushinina Paulo ku menso amukulu , '' Mwane umulandu wamwebo tuli no mutende uukulu kabili ukulanguluka kwenu kulaleta uku kingya ukuweme ku kyalo ; ³ kabili nokutotela konse twapokelela fyonse ifyo mukita ukukilapo fye ba Felikisi . ⁴ Pakuti mbule ukumikwachila , na milombeni ukuti mukutekanya kwenu muntufwe panini . ⁵ Twasanga uyu muntu ukuba umulwani kabili alengela abantu bonse mu Yudeya ukupondoka . Kabili entangishi ya bena Nazala aba patwileko . ⁶ Kabili alifwaile ukonaula ne nganda yaba Lesa , kabili twalimukwachile . Twalifwaile ukumuputwila imilanda ukulingana na mafunde Yesu . ⁷ Kabili umukulu wafita Lisiasi alishele mukumupokolola mumaboko esu mulupata , kalu kweba abakumushinawina ukwisa kuli mwebo . ⁸ Nga mukamwipushe Paulo fyonse pali ili milandu , mukeshiba imilandu shonse isho tulemushinawina .'' ⁹ Aba Yudeya nambo bali tampile ukulukulabila , ne kusumina ati konse ukuputula kwamilambu kwakine . ¹⁰ Pano umukulu wa kyalo elyo amulumbwile Paulo ati alabile , Paulo alyasukile , '' Ndishibile ati imyaka iingi yonse mulaputwila abantu imilandu muno mukyalo , pano nokusangalala konse lakeni ndondolole . ¹¹ Kabili mwebene mulishi ati ishiku tashikilile pa shiku ikumi limo na tubili ukufuma elyo naile ku Yelusalema muku popwela ba Lesa . ¹² Elyo bansangile munganda ya ba Lesa , shalepachika nangu no muntu umo yowo , kabili shafulungenyepo ibumba nangu limo yowo , nangu mumashinagoga , nangu mumushi yowo . ¹³ Kabili ba filwa ukushinina kumenso enu imilandu yonse iyo baampele . ¹⁴ Pano nalapila ikya kine kuli mwebo , ukulingana ne shila iyo beta ati ukulipatulula ukubi , muli yenka ishila iimo emu bombela ba Lesa ba fikolwe fyesu . Naitaba fyonse ifili mukusuminishanya ne mishilo kabili ifilembelwe mu ba kwaula . ¹⁵ Njine kiketekelo muli ba Lesa kwati nyaba abantu , ukuti kukekala ukusanguka kwa bonse abolokele naba sho lokele . ¹⁶ Pano nemo ndiposeleko amano ati ngikale no muchima uwa kubula imilandu kuli ba Lesa na ku bantu . ¹⁷ Kabili ulu papichile imyaka iingi nalishele mukuleta ifya bupe ku ba pengele aba mukyalo kyangi . ¹⁸ Elyo nakichile fyo , aba Yudeya bamo abafumine ku Ezia ba lisangile nemo mukisela kya kusekelela ukutubishiwa mwitempuli , takwali abantu nangu ikyongo . ¹⁹ Aba bantu balilingile ukwikala ku menso enu pakuti bengashinawina , nga balipo ne fyabulabila. ²⁰ Nangu nifyo , ababenka abantu balabile ikibipile ikyo ba mweene mulinemo elyo na imakene mu kilye kyabo aba Yudeya . ²¹ Pambi mulandu we shiwi na bilikile ulo naimakene mukachi kabo ati , '' Umulandu wa kusanguko kwa bafu ekyo bandetela mu kumputwila imilandu .'' ²² Pakuti Felikisi , uwaishibishye bwino ifya paliiyo shila , alibakanishye ati pembeleleni , alilabilile ati , ''Kana Lesiyasa umukulu waba shilika akese ukufuma ku Yelusalema , elyo kamiputwile imilandu . '' ²³ Penkapo alyebele umo umukulu wabashilika ukumu sunga Paulo ne kumukichila ikumbu . Kabili mwikanya abalunda bakwe ukumukwashya yowo . ²⁴ Kabili pakupita inshiku , Felikisi alibwelele na Dulusila umukashi wakwe uwali umu Yudeya , penkapo alimwichile Paulo kabili balimufwine umwilile uluketekelo muli ba Kilishitu . ²⁵ Kabili Paulo ilyo alukulabila nakwe pamulandu wa bololoke , ukulikanya ulwa kuputula imilandu , Felikisi alyufwine umwenso nokulabila ati , '' pano taye koya , pano nga kakwate ishiita ifikilemo , kakwita.'' ²⁶ Kbili pali yenkeyo shita aliketekele ati Paulo alemupela amaboni , mulandu wafifyo alukumwita lyonse ne kwambaula nakwe . ²⁷ Kabili imyaka ibili pakupita , Polokiusa Fesatusa alimukombwele Filikisi , pano Felikisi alukufwaya ukubofwishya bwiino pamuchima aba Yudeya , alimushile Paulo kakakilwe .