¹ Pakuti fino: mushinku sha kupelako ku kaba impindi sha fya kukatasha. ² Pakuti abantu bakaba aba kulitemwa abene kutemwa indalama, kuli lundumika, kuli tota, aba mweenga, kubula kunfwila bafyashi, abakubuli kutota, ne kubula bu mushilo. ³ Bakaba aba kubula umuchima wabu muntu aba kubula kuli fitulukila, aba kubepeela aba byalo, aba kubula kuli kanya, aba kali, abakubula kutemwa ifiweme. ⁴ Ba kaba ni ba mwaluka, aba lilekelesha aba kuli tonta aba temenwe ifya bwangalo kukila ukutemwa Lesa. ⁵ Ba kaba ne kipasha kya bu Lesa, pano ba kakanaikosa shakwe. fumeniko kubaba bantu. ⁶ Pakuti ba mo pali beena abanalume ebeengila mu mananda ne kongola abanakashi abatupile. Aba abanakashi abeswile no bubi kabili ba lapintwa ne fya kufyaya ifi pusene pusene. ⁷ Aba banakashi ba laba mu masambililo lyonse, lomba tabeshile ku masambililo aya bukishika. ⁸ Mushila imo iyo ba Yannesa na ba Yan=mbelesa ba mwimakanine Mose, ba basambishi ba bufi nabo kabemakanina bukishika. Naba abanabule abali na mano aya kongola, kabili nga kyali ku kusumina ba shininwa kuba aba bufi. ⁹ Lomba ta ba kaye kutali pakuti ukupunama kwabo ku keshibikwa ku bonse, fyenka fyali balya balalume. ¹⁰ Lomba koti mwebo wa konka ukusambilisha kwangi, ifikitwa ne kyongishile, kuketekela, ku kyula impindi itali, ukutemwa, kutekanya, ¹¹ ne fyakupatwa, fyaku kyula, kabili ne fyankichikilwe ku Antiuka ne ku Ikonyuma, na ku Lisitila. Nali kosele kufyakupatwa. kufuma kubonse bo, Shikulu ali ndwilile. ¹² Balya bonse abafwaya ukwikala mu musango wa ba Lesa muli Kilishitu Yesu ba kapita mufyakupatwa. ¹³ A bantu ba bubi kabili na ba kuli bepela ba kaya kufuma mukubifa na mukubipisha, kutwala aba byabo mumbi kabili nokutangililwa mumbi. ¹⁴ Lomba kuli webo, mushale mufintu ifyo mwasambilila kabili ifyo mwa suminamo. mulishi kufuma ku uyo mwasambilileko. ¹⁵ Waishiba kwebati kufuma kubwanyike bobe ulishi ifinembelo fya mushilo ifi efinga kukupela mano aya kupulukilamo ukupichila mu kuketekela muli ba kilishitu Yesu. ¹⁶ Ifinembelo fyonse fililembelwe kuli ba Lesa. Filifikilemo ukusambilisha, mu kushininwa, mukolola, kabili na mukuba funda mufya kulungana. ¹⁷ Ifi fili mu kwebati umuntu wa ba Lesa abe ulumbulikile, ufikilemo mu milimo shonse ishi weme.