¹ Namikambisheni pamenso aba Lesa naba Yesu Kilishitu abakapingula abomi ne bafwile, napa mulandu wakubonela kwakwe ne bufumu bwakwe: ² Shimikeni amashiwi; ibambileni ili kuli umutende kabili neli ili takulipo. Lungikeni, kalipileni, ukukenjesha, mukutekanya konse ne kusambilisha. ³ Pakuti inshita ileisa ili abantu tatakasumine ukusambilisha ukuweme. Lomba, bakalibengikila abene abasambilishi ukulingakana ne kufwaya kwabo, abalabila ifya kubabana kwa matwi abo ifyo bafwaya ukumfwa. ⁴ Bali ne kuleka ukumfwa kufya bukine, kabili bali ne kwalulukila kufishimi. ⁵ Lomba webo, ube utekenye mu fintu fyonse. mulekosa mufyakukatasha; fikilisheni umulimo. ⁶ Pakuti bukumo ndikwitululwe. Ne mpindi ykuya kwangi yafika. ⁷ Nalwa ubulwi ubuweme; napwisha ukubutuka; nalama ikiketekelo. ⁸ Umuchinya wakulungama ali mbikilwe, uyo ba Shikulu, abapingushi abaswetele, bali ne kumpela. Pali kakalya kasuba, kabili talipo kuli nemo nenka, lomba kuli babo bonse abatemenwe ukwisa kwakwe. ⁹ Mukite amakosa ukisa kuli nemo bwangu. ¹⁰ Demasi alinshilo. Alitemenwe ifya mulikikino kyalo kabili alile ku Tesalonika. Kelesheni alile ku Ngalatiya, kabili Titusa kaya ku Dalamatiye. ¹¹ Nalibele lukoso na Luka. Mukapinte Mako ne kumuleta pantu ali ne nkito iyikulu mumulimo. ¹² Pakuti Tuchiko kamutuma ku Efesa. ¹³ Ikya kufwala ikyo nashile ku Tilowa na kapo, mukapinte ili mukesa, kabili ne mabuku, apakulu ayalembelwe pafiseba. ¹⁴ Alekisanda uwakubunda umu kuba kalangisha ifya kubifya ifingi kuli nemo. Ba Shikulu bakamilipila ukulinga kana ne milimo yakwe. ¹⁵ Na mwebo mube abakengele kuli ye. pantu alukulengulula amashiwi esu. ¹⁶ Pakulilabila kwangi ukwa kukutanga, takulipo uwa imakene na nemo, pakuti bonse kabansha bushinwa bwangi. Fikalabilwa ati mulandu wabo. ¹⁷ Pakuti ba Shikulu kabangimakaninako ne kunkosesha pakwebati, ukupichila muli nemo imbila inga bilikishiwa bwino, kabili ati abena fyalo bengofwa. Kabili kabampususha ukumfumya mu kanwa kankalamu. ¹⁸ Ba Shikulu bali ne kumpulusha ukufuma kufibipile fyonse kabili ali ne kumpulusha pamulandu wa bufumu bwakwe ubwa mwiulu kuliye kube ubuleme impindi shonse. Ameni. ¹⁹ Mukamuposhe Pilisila, Akwila, kabili ne bamuñanda ya kwa Onesifolasi. ²⁰ Elashita alishele ku Kolinto, pakuti Tolofi mankuamusha umulwele ku mileto. ²¹ Weshe na makosa ukwisa ilyo umwela taungesa. Yubulo ali kumiposheni, na Pude, Lino,na Kolodya, ne balongo bani bonse. ²² BaShikulu ngabekale ne mipashi yenu. Inkumbu shibe na mwebo.