¹ Webo Lomba, mwaana wangi, ikala ukosele mu bupe umo muli ba Kilishitu Yesu. ² Ifintu filya mwaufwile kufuma kuli nemo pa ba mboni abengi, filabileni ku baantu aba bukishika abo benga sambishako bambi nabo. ³ Pengeni pamo na nemo nga mushilika uweme uwa ba Kilishitu Yesu. ⁴ Penkapo mushilika pankondo ubomba ili akakilwe ne fyakwe fya mweo umo, pakuti enga batubisha ku muchima abakulu. ⁵ Kabili, kani umuntu alukweshya mufya mabuteko, te penkapo uku mupela umutinya wabuleme, kani a eshiwa ma ayo amafunde. ⁶ Kyafikilamo ukwebati umulimi ubombesha eumutashi ukupoka ifisabo. ⁷ Languluka pa fyo ndukulabila, pakuti ba Shikulu ba kakupela ukufwisha mufintu fyonse. ⁸ Kamufuluka ba Yesu Kilishitu, aba kukikota kyakwa Dafidi, abo babushishe kubafwile. Ifi fili mu kulinganya na fwebo infyamasambilishi yangi, ⁹ emo ndukupengelwa kufika pakipimo ikya kukakwa mu myololo kwati kapondo. Lomba ikyebo kyaba Lesa lakikakwa. ¹⁰ Pakuti ndushipi kisha mufintu fyonse pa mulandu wa balya aba salilwe, pakuti nabo bakapokukupuluka ukuli muli ba Kilishitu Yesu ne buleme bwa muyayaya. ¹¹ Ili amashiwi lifikilemo ukuketekelamo: ''Nga twafwa nankwe, nokwikala tukekala nankwe. ¹² Nga twashipikisha, tukatangilila nankwe. Nga twamukana, naye akatukana. ¹³ Nga twaba abakubula ifishinka, alashala uwa bukishika, pakuti teti alikane umwine.'' ¹⁴ Twalilileni uku bebukishako pafifi fintu. Bakengesheni pali ba Lesa pakukupachika mashiwi, takilemene, kabili kilonauna so balya abomfwako. ¹⁵ Libikeniko kwebati mubonekelo kukinso kya ba Lesa nga umo uwa suminishiwa uwa milimo ushikwete kintu ikyakubela ne nsoni, usambilisha ikyenka kili ikyabushinka. ¹⁶ Kaneni ukalabila ukwakubulo mukishuko kutwala kukubula bulesa. ¹⁷ Uku kulabila kwabo kulalitanda kwati kupwe londa. Pabamo abo ni ba Hymenanus kabili na ba Fileto, ¹⁸ aba pushibe bukine. Balabila ukwebati ukusanguka kwabafwile kuli kichikilwe akale, kabili balonauna ikiketekelo kya bambi. ¹⁹ Nangabe fyo, iki tendekesho kya ba Lesa kyashala ikikosele. Kuli nakuno uku labilwa: ''BaShikulu balishi balya ababo.'' kabili'' nabafumeko kukbula ukulungana balya abashimbula ishina lya ba Shikulu.'' ²⁰ Muñanda ya unonkele tamuli so inongo ishe golide neshe siliva shenka koku. Muli kabili ne nongo isha kichi ne sha mabumba shimbi shamipufya. ²¹ Kani umuntu ali wamya kufuma mukubonfya kwa fya kupuba, ninongo ya buleme. Ba limufumisheko, wa milimo kuli ba Shikulu, kabili ba mupekanya ku ba uwa nkinto iweme. ²² Fumeni kulunkumbwa lwa mubwanike bwenu, fwayeni ubololoke, ukuketekela, ubutemwe, kabili no mutende nabalya abeta pa ba Shikulu no muchima utubile. ²³ Lomba kaneni efipusho ifitupile kabili ifishili na mano. Mulishi ukwebati bali fyele ukupachika. ²⁴ Umupwingishi ba Shikulu tekwele wa ukupachika. Lomba afwilo kuba unekene ku bonse, uwing sambilisha, kabili nobutekanye. ²⁵ Afwile mubutekanye ku sambilisha balya aba mupachika. Ba Lesa pambi kuti ba bapela ukulapila kumano ya bukishika. ²⁶ Pambi kuti ba bwela mumano yabo atuntulu kabili no kufuma mukakose ka kwa umuseseshi, panuma ya ku kwatwa kuli ena ku bufwayo bwakwe.