¹ Tulukufwaya mweboukwishiba, mweba kwasu, pa bupe bwa ba Lesa ubwa pelwe ku makelesha ya mu Masondonya. ² Mumpindi ya kweshiwa ukukulu ukwa mapesho, ubwingi bwa kusangalala kwabo ne kupenga kwabo ukukulu kwaleta kwaleta ububile ubukulu mukifyashi. ³ Pakuti ndukukukita bumboni ati balitupele ifya kuti ukulinga ne kufwaya kwabo, kabili ne kukile napafyo bakonseshe, kabili ne kukila na pakufwaya kwabo ukwa kukakulwa ⁴ balitu sashile fwebo ne makosa akulu pabupe bwa kupelwa ikyakaniko muli uyu mulimo ku bantu ba ba Lesa aba shilile. ⁵ Ifi ta fyakitikilwe ukulingana nefyo twaketekele, Lomba pakutanga balilipele kuli ba Shikulu nakabili kuli fwebo muku fwaya kwaba Lesa. ⁶ Sombi twa mupapatileni tito, uyo uwa tatikilepo uyu mulimo, lukupwisha mukati kenu iki ikitwa kya bupe. ⁷ Sombi mwaufwika muli fyonse - mumukiketekelo, mu mashiwi, mu mano, mukukoselamo kube konse, na mubutemwe bobe ubo utukwatile fwebo. kabili ulenge ukwebati winga suntulwa muli ifi ifikitwa fya bupe. ⁸ Nshiko labila fi koti kukambisha lomba, nalabile ifi mukwesha bukine ubwa butemwe bobe kukubulinganya na bukine bwa bantu. ⁹ Pakuti mulishi ubupe bwaba Shikulu Yesu Kilishitu. Nangaba ati ali nonkele, pali mwebo ye alibele mupengele, pakwebati ukupitila ukukyula kwabo munga ba abanonshi. ¹⁰ Pali uyu mulandu kamipeleni ubwafwe ubo ubuka myafwa. Umwaka umo uwapitile, mwebo tamwatatikile lukoso ukukita po ifintu fimo, lomba mwalikifwaishe ukukita. ¹¹ Bukumo pwisheni koti ni fyefyo bakwete ukufwanisha ukukikita lomba, Na mwebo mukakifisha na kumpelo, ukulingana ne bwingi bwa fintu ifimwingakita. ¹² Nga kani mwakabila ukukita ifi fikitwa, iki kintu kiweme ne kusuminishiwa. kililingi ukukosela pa fintu umuntu ukwete, tali nipa fifyo takwete. ¹³ Uku takuli koti kukakulwa kwa bambi kali na mafya yenu. Nipakuti, pengaba umulinganya. ¹⁴ Ukufula kwenu pampindi iyelelwe kukapala ifi bakafwaya. Ifi na fyo ati mukufula kwabo benga pele ukufwa kobo. Kabili ati pengaba umulinganya. ¹⁵ Kili koti nifi kilembelwe: ''Uyo uwakwete ifingi tabakwete ifyashelepo, kabili na uyo uwakwete ifinini takwete ukukabila.'' ¹⁶ Lomba ukutota nakube kuli ba Lesa, abo aba bikile mumutima wakwa Tito ukulama ukukulu kwenka uko mikwatile mwebo. ¹⁷ Nipakuti tasuminepo lukoso ku kupata kwesu, lomba kabili ali nabukishika kuli fyo. Alishile kuli mwebo ukulinga ne kukonaulwa kwakwe. ¹⁸ Twamutuma ne mu byakwe uyo uli ne buleme mu makelesha onse pa mulimo wakwe mukutulisha ikyebo ikiweme. ¹⁹ Tefyenke fi, Lomba ne ye alisalilwe ne makelesha ukuba uwakwendako amabumba muli kiki iki kitwa kya nkumbu, ikyo ikile tungululwa na fwebo kubuleme bwa ba Shikulu abene kabili na mukukito bwino kwesu. ²⁰ Tulukukanya kabili ifintu ifipubile ifyo uli onse enga lilishanya pali fifi fikitwa ifya kifyalilwa ifi tulukupyunga. ²¹ Tula poseshako amano kukukita ikiweme, tekuli ni kuli ba Shikulu benka yowe, Sombi naku bantu. ²² Tulukutuma kabili umukwasu umbi nabo. Twamwesha mu nshile shingi kabili ne musanga ufikilemo mu fintu ifingi. Kabili akifwaisha na bukumo pa mulandu wakuketekela ukukulu akwete muli mwebo. ²³ Lomba Tito, ye mubyangi kabili uwa mulimo umo pali mwebo. Palwa mukwasu, batumwa ukufuma kwikelesha. Bobuleme kuli ba Kilishitu. ²⁴ Penka balangeshi ukutemwa kwenu, ne kulanga ikelesha akeshibilo aka kulitota kwesu pali mwebo.