¹ Mweba temwe, Ili twaba ne milaye, lekeni tulisafye kufya kubifya fya mubili nemipashi. Lekeni tube abamushilo mukutina ba Lesa ² Sheni ipunsha yeesu! Tatubifishepo neli umo. Tatukichilepo neli umo amafisakanwa nangu kutolapo impindi ya muntu neli umo. ³ Talikumishati mwebo pakulabila ifi. Pakuti nalabila kale kwebati mulimukati kamutima, pakuti fyebo tufwile pamo nokwikala pamo. ⁴ Naketekela apakulu muli mwebo, nokulitota apakulu ne muli mwebo. Naisushiwa nobukwasho. Nokulama nesangalashi nangu ni mu kweshiwa. ⁵ Ili twaishile ku Mesondonya, Imibili yeesu tayali kutunsha, mukifulo, twali mumakatasho mumashila onse mukweshiwa posonde nokutina mukati. ⁶ Sombi ba Shikulu, u-utekenesha abapelelwa, Bali tutekanishiwe ili tafikile ku Tito. ⁷ Tali kufika pakuti ba Lesa benga tutekenesha. Kutekeneshiwa ukutanshi Tito kufuma kuli mwebo.Ali twebele amakatasho, nobulanda, nikikoko kya nemo. Kasekela apakulu makosa ⁸ Nangu ikalata yangi yamilengesha ukuba nobulanda, shikokana. lomba nakana ili namona ikalata iyamilenga ubulanda, Nipa kapindi kanini. ⁹ Pano, nasangalala, penka mwali bombomene nobulanda, pakuti ubulanda bwenu bwa milengela ukulapila. Ukwishaba kwenu kwaba Shikulu kwa bulanda, mwalipengele ukwakubula akantu pamulandu wa fyebo. ¹⁰ Bu Lesa bwa bulanda bulaleta ukulapila ubupwisha ukupuluka ukwakubula kuli kanya. Ubulanda bwa kyalo, limo, bulaleta ifwa. ¹¹ Moneni ukupusana ubulanda bwa buLesa bwa fyalwa muli mwebo. Nga kupusana ukukulu ukwali muli mwebo. pakwishaba ati tamukwente umulandu. Imilanguluko yenu eikukulu, ukutina, ukufwailisha, ukutembela, No kufwaya kwenu ukumona ubupingushi ifingakitwa! Muli fyonse mwaishiba kwebati tamu kwentepo mulandu. ¹² Kingaba nififyo nalemba kuli mwebo. Shilembele kuli babo imbifi nangu ukupeshiwa kukubifya, kwebati bu bwino kuli fwebo bwishibanikwe kuli mwebo kumenso ya ba Shikulu. ¹³ Pakuti nipalifif twakambishiwa. Nokubikapo lukoso mubukwasho, Twabikapo ukusangalala pamulandu wakwa Tito nesangalashi. Pakuti umupanshi wakwe wabweshiwa muli mwebo bonse. ¹⁴ Nga nalitota kuli ye muli mwebo. Tekutibabikepo musebanya. Mukupusanya, fyenka ifili fyonse fyalabilwe kuli fyebo fishika. Kulitota kwenu kuli kuli Tito kwamoneka ikishika. ¹⁵ Ukumikabila mwebo kwakilapo ili a-anuka uku bifya kwenu bonse, Ifi mwamupokelela noku mutina nokututuma. ¹⁶ Nemo nasangalala pakuti napwisha na makosa muli mwebo..