¹ Ukupyunga pamo nabo, ndukumi kambisheni kwebati mwipoka uluse lwaba ñyewe apa lukoso. ² Pakuti balabila, mupindi imo nali poseleko akalango kuli mwebo. Kabili na bushiku bwa kupuluka nali mikwashisheni.'' Moneni, ino pindi imbi. Moneni, bushiku bwa kupuluka. ³ Tatuli kufwaya ukubikapo ikya kuli tutulako kutangile ya uli onse penka tatulu kulangulukakwebati ulubali lwesu tamulipo ukusangwa aba kubifya. ⁴ Pamupunda, twasanga bafikitwa fyonse, kwebati tuli ababofi ba ba Shikulu. Tuli babofi mufingi twa ikalilila, mukubombomana na mufikosele, ⁵ ukupumwa uku bamu kifungwa no kupeshiwa, nokukosa kwa kinto, nokubula ukulala ubushiku, musala, ⁶ nokubula ukusweta, Akalango, ukutekanya, uluse mumupanshi uswetele. Namushila iya kupuba ubufemwe. ⁷ Tuli ababofi bakwe mu kyebo kya kishika, mumakosa ya ba Shikulu. Tuli basandoba kuswenta nokuboko kwa kulyo nangu kukipiko. ⁸ Tula pyunga mubuleme na mu musebanya, mutulo na mu kubatota, na kubepa penka mukishika. ⁹ Tula pyunga kwati ta twishibanikilwe lomba tulishibanikwa. Tula pyunga koti tulu kufwa kabili katulu kumona! Tula mboni. Tula pyunga mukumanikwa mumikinto yesu pano tatushatiwepo kulufu. ¹⁰ Tula pyunga mubulandu, lomba lyonse tula sangalala. Tula pyunga kwati bapengele, lomba tulapanga ubunoshi. Tula pyunga ukubulisha penka ukubapo na fyonse. ¹¹ Twa labila bukine kuli mwebo, Aba Kilonto, imitima yesu kaisukile. ¹² Tamuli kanise kuli fyebo, lomba mwali kanya mu mitima yenu. ¹³ Mukulingana ukuli kanya. Nalabila ku banike shikuleni mwebene apakulu. ¹⁴ Mweba nokikonko nabo tabuli ne kisuminino. Nga balanda bwingesa ishiwi noutali musumine? Nga kyeya nefinshi kuti fyaba nobulunda? ¹⁵ Nisa bulunda ubwingaba pali Kilishitu no mbale? Nangu nisa lubali umusumine noo tasumine? ¹⁶ Nga bulunda ubulipa kati ketepuli lya ba Shikulu baLesa na kalubi? Pakuti tuli tepuli lya ba Shikulu abomi, fwenka ba Lesa balabile:'' kaba mukati kabo nokwenda pakati kabo. kaba ba Lesa wabo kabili bakaba bangi. ¹⁷ Penka,'' Fumenimo ukobali, nokuli kalika abakwabana,'' Afya labila ba Shikulu. ''Mweikata kufita fisangulwile, kesa kuli mwebo nokumipokelela. ¹⁸ Kaba Shikulu wenu, kabili mukaba abana balalume na banakanshi,'' efya labile baShikulu aba makosa.