¹ Xesús levantou a vista e viu aos ricos que botaban as súas ofrendas na arca do tesouro. ² E viu tamén unha viuva pobre que botaba alí unhas moedas de cobre; ³ e dixo: Asegúrovos que esta viuva tan pobre botou máis que todos eles, ⁴ porque todos eles botaron do que lles sobraba, mais ela, da súa pobreza, botou o que tiña para vivir. ⁵ E mentres algúns falaban do templo, de como estaba adornado de pedras preciosas e exvotos, Xesús dixo: ⁶ encanto a estas cousas que estades vendo, virán días nos que non quedará pedra sobre pedra que non sexa derribada ⁷ Entón lle preguntaron, dicindo: Mestre, cando serán estas cousas e cal será o sinal de que van acontecer? ⁸ El dixo: Mirade que non vos enganen; porque moitos virán no meu nome, dicindo: "Eu son o cristo" e "O tempo está perto". Non os sigades. ⁹ E cando escoitedes de guerras e disturbios, non teñades medo; porque estas cousas teñen que vir primeiro, mais non será o fin. ¹⁰ Entón lles dixo: levantaráse nación contra nación e reino contra reino; ¹¹ e haberá grandes terremotos, e pragas e fame en moitos sitios; e haberá cousas espantosas e grandes sinais no ceo ¹² Mais antes de todas estas cousas vos botaran a man enriba e vos perseguirán, entregándovos as sinagogas e aos cárceres, levándovos ante reis e gobernantes pola miña causa. ¹³ E isto vos dará a oportunidade de testemuñar ¹⁴ Polo tanto, facede proposito de non perparar de ante man a vosa defensa; ¹⁵ porque eu vos darei palabra e sabedoría que ningún dos vosos inimigos poderá replicar ¹⁶ Mais ata vos entregarán os vosos pais, irmáns , parentes e amigos; e matarán a algúns de entre vos, ¹⁷ e pola miña causa seredes odiados por todos . ¹⁸ Sen embargo, non perderedes nin un pelo da vosa cabeza. ¹⁹ Gañaredes as vosas almas coa vosa perseverancia ²⁰ Cando vexades a Xerusalén rodeada por exércitos, saberedes que a destrucción está perto. ²¹ Entón, os que estean en Xudea, fuxan aos montes, e os que están no medio da cidade, afastense; e os que estean no campo, non volten a ela; ²² porque estes son días de vinganza para que se cumpran todas as cousas que están escritas ²³ Ai das que estean embarazadas e as que estean amamantando por aqueles días! Porque haberá unha grande calamidade e ira sobre o povo; ²⁴ e morrerán a espada, e os levarán cautivos a todas as nacions; e os xentís pisarán a Xerusalén, ata que se cumpra tamén o tempo para os xentís. ²⁵ E haberá sinais no sol, na lúa e nas estrelas, e sobre a terra angustia entre as nacións, asombradas polo ruxido do mar e das ondas, ²⁶ desfalecendo os homes polo medo e o desacougo polas cousas que virán ao mundo; porque mesmo as potencias dos astros se axitarán. ²⁷ E entón eles verán ao FILLO DO HOME QUE VEN NUNHA NUBEcon poder e gloria. ²⁸ Cando todo isto comece a suceder, erguede as vosas cabezas, porque a vosa liberación está perto. ²⁹ E Xesús lles deu unha parabola: Mirade a figueira e todas as árbores. ³⁰ Cando xa saen as follas, ao vélo, vos mesmos sabedes que o verán está perto. ³¹ Así tamén, cando vexades que ocoren estas cousas, saberedes que o reino de Deus está perto. ³² Asegúrovos que non pasará esta xeración ata que todo isto suceda. ³³ O ceo e a terra pasarán, mais as miñas palabras non pasarán. ³⁴ Estade atentos a vos mesmos, non vaia ser que o voso corazón se encha de praceres e embriaguez e coas preocupacións da vida , e aquel día chegue de súpeto ³⁵ sobre vos; porque virá sobre todos os que habitan a terra ³⁶ Mais vixiade en todo tempo, orando para que teñades forza para fuxir de todas estas cousas que está por vir, e poidade comparecer ante oFillo do Home ³⁷ Durante o día ensinaba no templo, mais ao oscurecer saía e pasaba a noite no monte das Oliveiras. ³⁸ E todo o povo madrugaba para ir ao templo para escoitálo